Himulu 13:13 - The Keyagana NT and 25 OT books

¹³ Apakameʼyamo amiʼnageno hosu vekagana huno maiʼnigeʼapaeʼmo lafi kegiʼya malagamo avaleliʼuʼa amagiʼnayaʼmofeʼmo apakameʼyamo lamisayafeʼmo agaetegamo lafi kegiʼya malagamo vigetao.

Himulu 13:13 ပူးပေါင်းရင်းမြစ်များ

Matiyu 16:24

Huno ha paiteno Yesuʼa geʼamo neʼafiya vayaʼaifeʼmo hapa painoʼaeʼmo, mago vekamoʼmo nakame hisiyafeʼmo hauʼnisiyana agaiʼamo hauʼnisiya kavaʼmo ataleno agaiʼa malipu yosaʼamo alino kofilino nakame hino.

Matiyu 27:32

Apakaemo taonifatiʼmo malaga avaleliʼa uʼnagenoʼaeʼmo mago vekamo agiʼamo Saimoniʼa Salini kotega vekamo neʼegeʼa fotu huteʼa malipu yosamo aliʼa kofiʼa ateʼnageno kofilino uʼniye.

Matiyu 5:11

Nagaetefeʼmo huʼa faipa huʼa lapatege apaini huʼa lapatege lapakaefeʼmo aigofe gemo huʼapaeʼmo, ani hosu kavaʼmo nehae, ina hosu kavaʼmo nehae, huʼa nehisayana Goti aulena vayaʼamo maiʼnae.

Luki 6:22

Vemo mafaʼnemo akame nehayaʼmofeʼmo vayaʼmogi lapakaefeʼmo apaini huge aliʼa lapafaiʼa lapatalege huʼa faipa huʼa lapateteʼapaeʼmo lapakitapileʼmo aliʼa afepi lapatege hugayaʼmofeʼmo Goti aulena vayaʼamo maiʼnae.

Luki 9:23

Yesuʼa muki vayaʼaifeʼmo hunoʼaeʼmo, mago vekamoʼmo nakame hisiyafeʼmo huʼnisiyana hauʼniya kavafeʼmo, haʼao alagi oʼnahaiye, huno huteno muki afinaʼae afinaʼaeʼmo malipu yosaʼamo alino kofilino nakame hino.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

2 Kolitiyani 12:10

Aiguvaʼmofeʼmo Kalaisi agiʼalefeʼmo lokiya noʼvauva kavanagi huʼa faipa huʼa neʼnataya gegi kafu nehuva kavanagi apaini huʼa neʼnataya kavanagi hanageke yaʼmo neʼaluva kavatefenagi huʼna lusi kava huʼna namogaga aiguve. Na kavaʼmo higeʼnaene. Lokiya noʼvaiʼnaeʼmo lokiya vaiʼna maiʼnovaʼmofeʼmae.

Himulu 11:26

Agaemo Gotiʼa amisiya miyafekeʼmo agesamo afiʼniyaʼmofeʼmo Kalaisi agiʼalefeʼmo huʼa faipa huʼa natesaya kavaʼmo hogote kanale kavaʼmo haneʼnigeno Isipi koteʼmo haneʼniya kagemi yaʼe konali yaʼefeʼmo henaga yaʼmo ina agufa yaʼmo haneʼniye, huno agesamo afiʼniye.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

Himulu 12:3

Hosu vayaʼmogimo apaini huʼa ateʼnaya kavafeʼmo lapakesa afifi hutapa maiyo fiku yanageno alagaʼmo lapaesigeno lapaipamoʼmo kana hisigetapa atalegae.

Himulu 12:4

Hosu kavafeʼmo kame nehageʼapaeʼmo kamitimo olapamagiʼnayaʼmofeʼmo oʼataleta kamemo hutapa ateyo.

1 Pita 4:4

Hemenimo lapakaemo Satani vayaʼeʼmo ani agufa hosu kavaʼmo afela vayaʼai kavaʼmo nosayaʼmofeʼmo Satani vayaʼmogi hapau aiteʼa huʼa faipa huʼa nelapatae.