Himulu 12:6 - The Keyagana NT and 25 OT books

⁶ Ala kava neʼmoʼa muki vayaʼaifeʼmo hau ayamopafiʼmo nehaiya vayaʼaina kayoʼmo neʼapamiye. Agaemo muki vayaʼmo agaetegamo eʼnagenoʼaeʼmo alino falu fala huno apateteno, mafaʼneʼnimo maiʼnae, huno hapa nepaiya vayaʼaina kayoʼmo neʼapamiye, huno huʼniye.

Himulu 12:6 ပူးပေါင်းရင်းမြစ်များ

Samu 119:71

Kayoʼmo namiʼnanageʼnaeʼmo gekamo afiʼnovaʼmofeʼmo kayoʼmoʼa alagepa huno naha maeʼniye.

Samu 119:75

O Ala kava nene, huʼna, afiʼnovana alika fako nehana kavaʼmo alagepa kavaʼmo haneʼnigeka gekamo akame huteka naha maesanafeʼmo kana yaʼmo alika namiʼnane.

Mai'naya kavane 13:24

Mafaʼneʼamo maino halove huno ateteno hopa kayotetiʼmo oʼamagiʼniya vekamoʼmo mafaʼneʼaeʼmo ohauʼniye. Mafaʼneʼaeʼmo hauʼniya vekamoʼmo malage huno amagino alino api aino neʼate.

Mai'naya kavane 3:11

Mafaʼneʼnimogae, huʼna, Ala kava neʼmoʼa alino api aino katesiyafeʼmo kayoʼmo kamisigekaeʼmo afaʼa kayoʼmo neʼnamiye, huka kagesamo oʼafiyo. Fiku yanageno alino api aino katesiya kavafeʼmo alagi okahaugiyaʼmofeʼmae.

Mai'naya kavane 3:12

Afoʼapimogimo hapaoke nehaya mafaʼnemo aliʼa api aiʼa neʼapataya kava huno Ala kava neʼmoʼa hauʼniya vayaʼmo alino api aino neʼapateyaʼmofeʼmae.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.

Yemisi 5:11

Lagaemo hutaeʼmo, oʼataleʼa atafauʼa alagi huʼa maiʼnaya vayaʼaifeʼmo Gotiʼa hunoʼaeʼmo, naulagaleʼmo alagepa huʼa maiʼnaya vayane, huno nehiye, huta nehune. Lapakaemo ago afiʼnayana akeyaʼvilaga vekamo Yopuʼa kana yaʼmo aliʼnenoʼaeʼmo oʼataleno atafauno alagi huno maime maime neʼegenoʼaeʼmo Ala kava neʼmoʼa ha maeʼniya kavafeʼmo ava gemo ago afiʼnae. He, Ala kava neʼmoʼa lusi kava huno hau huno apateteno hau ayamopafiʼmo nehaiya vekamo maiʼniye, hutapa ago afiʼnae.

Leveleseni 3:19

Muki nahau nayamopafiʼmo nahauʼniya vayaʼaifeʼmo, hosu kavaʼmo nehae, huʼna huteʼna aliʼna api aiʼna neʼapatovaʼmofeʼmo lapayamukiki hutapa lapaipamo alita afe leyo.

Luti 1:3

Apakaemo Movapu kotegamo uʼa maiʼneʼapaeʼmo Elimelekiʼa ago falitegeʼapaeʼmo Neyomiʼa agaiʼageʼmo mafaʼneʼalaʼeʼmo magokepi lokaeʼa maiʼnae.