Himulu 12:3 - The Keyagana NT and 25 OT books

³ Hosu vayaʼmogimo apaini huʼa ateʼnaya kavafeʼmo lapakesa afifi hutapa maiyo fiku yanageno alagaʼmo lapaesigeno lapaipamoʼmo kana hisigetapa atalegae.

Himulu 12:3 ပူးပေါင်းရင်းမြစ်များ

Mai'naya kavane 24:10

Hosu afinaʼmo asagauka aisanaʼmoʼmo lokiyakamo aiseʼamo haneʼniye.

Aiyeya 50:4

Ala kava neʼmo Gotiʼa nagaemo alagaʼmo nehapaeya vayaʼaifeʼmo hapa maesiya gemo hapa paisuvafeʼmo sukulu nehaya vayaʼmogi apavayagana agufa navayamo namiʼniye. Agaemo muki nateʼaʼe nateʼaʼeʼmo naupatiʼmo alino he tino neʼnate. Alagepa huʼa sukulu huʼnaya vayaʼmogimo alagepa huʼa afiʼnaya kava huʼna afisuvafeʼmo nagesamo alino halo neʼaiye.

Matiyu 11:19

Vemo mafaʼnemoʼmo eno neʼyaʼe aniʼeʼmo neno maiʼnigeʼapaeʼmo ohapauʼnigeʼa lusi neʼyaʼe aniʼeʼmo neʼneya afayaʼe vekamo maiʼniye, huʼa nehae. Takesi moni neʼaliya vayaʼe hosu vayaʼeʼmo apao vekamo maiʼniye, huʼa nehayaʼmonanafa Goti mafaʼneʼamogimo alagepa huno ageteno afiʼniya kavafeʼmo, alagepa kavaʼmo nehiye, huʼa nehae.

Matiyu 12:24

Huʼa huʼnageʼa Falasi mono vayaʼmogimo afiteʼapaeʼmo, hosu apaune vayaʼai ala kava neʼapimo Mielisemuliʼa himamuʼamo amiʼnigenoʼaeʼmo hosu apaune vayaʼmo alino hapa faino neʼapatale, huʼa huʼnae.

Matiyu 15:2

na kava higeʼapaeʼmo gekamo neʼafiya vayaʼmogimo laginago vayaʼai geʼapimo amagiʼa neʼatalae. Vayatama vayaʼmogimo geʼapimo afiteʼa akame nosafa apayaʼmo sese osuʼneʼa neʼyaʼmo fiku aliʼa neʼnae, huʼa ha paiʼnageno

Matiyu 21:23

Yesuʼa halate alopa mono nopiʼmo uno haino alino apaya neʼmalegeʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼai vayatama vayaʼeʼmo agaetegamo eʼapaeʼmo, haiya agufa yakamo yagaisana yaʼmo aliʼnekaeʼmo mani kavaʼmo nehane. Ina laʼmo mani kavaʼmo huvo, huno kaha paiʼniye, huʼa ge huʼa afi geʼnageno

Matiyu 21:46

Apakaemo kalavusi huʼa atesayafeʼmo huʼnayaʼmonanafa asole vayaʼmogi huʼapaeʼmo, Gotitegati gemo alinineno aeno hakalo huno hapa nepaiya vekae, huʼa huʼnayaʼmofeʼmo koli huʼnae.

Matiyu 22:15

Falasi mono vayaʼmo uʼa aliʼa anupa huʼa maiʼneʼapaeʼmo, na agufa geletiʼmo amalageka hisunageno ge nehisigeta atafausune, huʼa huteʼa ge huge afige huʼa maiʼnae.

Luki 14:1

Mago Sapati afinaʼmo Yesuʼa Falasi vekamo yagaino neʼapateya vekamo nopiʼmo neʼyaʼmo nesiyafeʼmo uno haino maiʼnigeʼapaeʼmo yagaiʼa maiʼneʼa aulu heʼa ageʼa maiʼnae.

Luki 15:2

Falasi vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo hagalu hagalu huʼa gemo hauʼapaeʼmo, ani vekamoʼmo hosu vayaʼmo alino falu fala huno apateteno apakaeʼeʼmo magokepi lokaeno maiʼneno neʼyaʼmo neʼne, huʼa huʼnae.

Luki 16:14

Falasi vayaʼmogimo monieʼmo hapaʼye nehiya vayaʼmogi ani muki huʼniya geʼamo afiteʼapaeʼmo apaipamo leʼa ateʼnae.

Luki 2:34

Simiyoniʼa alino auleno apatetenoʼaeʼmo ani mafaʼnemo itaʼamoʼmo Maliyafeʼmo hunoʼaeʼmo, Afiyo, huno, mago vayaʼamogimo geʼamo oʼafiʼa ataleʼa asagauʼa aige mago vayaʼamogimo geʼamo afiteʼapaeʼmo he tiʼa maige hisayafeʼmo Gotiʼa lekana paino ateʼniye. Agaemo Gotitegatiʼmo alagena yakana huno alino apave lisigeʼapaeʼmo apaini huʼa atesagenoʼaeʼmo

Luki 5:21

keʼaepa gemo avoʼmo kaeʼa aliʼa apaya neʼmalaya vayaʼmogiʼe Falasi vayaʼmogiʼeʼmo ani gemo afiteʼapaeʼmo, ani vekamo ina laʼae. Gotifeʼmo huno faipa huno neʼate. Gotikeʼmo vayaʼmogi hosu kavaʼapimo afaʼa alino atalegaiye, huʼa apaipafiʼmo apakesamo afiʼnae.

Yoni 10:20

Asole vayaʼmogi huʼapaeʼmo, hosu aune vekamo aipafiʼmo maiʼnigenoʼaeʼmo negi gemo nehiye. Na kava higetapaeʼmo geʼamo neʼafiye, huʼa huʼnageʼapaeʼmo

Yoni 18:22

mago ati vekamoʼa ayaʼmo alino ataleliʼneno amagitenoʼaeʼmo, hogote vekaeʼmo ani agufa gemo nehapiye, huno huʼniye. Yesuʼa geʼaleʼmo aeno atagaina huno ha painoʼaeʼmo, hosu gemo huʼnisuvana ani hosu geʼnimo aeka hakalo huvo.

Yoni 5:16

aepa faiʼa apaini huʼa ateʼnae. Yesuʼa Sapati afinaʼmo alino hageno ateʼniyaʼmofeʼmo apaini huʼa ateteʼa amagisayafeʼmo huʼnae.

Yoni 7:12

Muki asole vayaʼmogimo agaefeʼmo sumi huʼa ge huge afige huʼapaeʼmo, alagepa vekamae, huʼa huge, haʼao, vayaʼai apakesamo nefaiya vekamo maiʼniye, huʼa huge huʼnae.

Yoni 8:13

Falasi vayaʼmogimo huʼapaeʼmo, kagaikaekeʼmo ani faigoko gemo huka kaha maeka nehana gemoʼmo alagi kanale nosiye, huʼa ha paiʼnageno

Yoni 8:52

Hemenimo lagaemo afiʼnonana hosu aune vekamo kaipafiʼmo maiʼniye, huta ago afiʼnone. Emalehamuʼa ago faliʼnigeʼa Gotitegati gemo alini eʼa aeʼa hakalo huʼa hapa nepaiya vayaʼmo ago faliʼnayaʼmonanafa kagaemo hukaeʼmo, geʼnimo akame nehaya vayaʼmo ofaligae, huka nehane.

Yoni 8:59

yafa kayotetiʼmo yaga auʼa amagisayafeʼmo neʼaligenoʼaeʼmo Yesuʼa alopa mono nopatiʼmo ataleno apakae folagapiʼmo uno lamiʼnigeʼa oʼamagiʼnageno uno lamino uʼniye.

Yoni 9:40

Mago Falasi vayaʼmo agaeʼeʼmo magokepi lokaeʼa maiʼnaya vayaʼmogi ani gemo afiteʼapaeʼmo, lagaeʼeʼmo laulagamo ali huʼnifiye, huʼa afi geʼnagenoʼaeʼmo,

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

2 Kolitiyani 4:1

Gotiʼa hau huno lateteno ani aliʼyaʼmo lamiʼniyaʼmofeʼmo laipamoʼmo kana osuʼnigeta oʼatalone.

2 Kolitiyani 4:16

Gotiʼa alino he tino lategaiyaʼmofeʼmo laipamoʼmo kana osuʼnigeta oʼataleʼnone. Afole vekatimo alino kalagu kime kime neʼviyaʼmonanafa muki afinaʼae afinaʼaeʼmo Gotiʼa yuʼilaga vekatimo alino saufa vekamo hamaleno neʼate.

Galesiya 6:9

Alagepa kavaʼmo nehutaeʼmo alagi alagaʼmo olahaenageta oʼatalesunana hoyatifatiʼmo neʼyaʼmo afu lesiya afinaʼmo alagepa neʼyaʼmo aligune.

2 Tesaloniyani 3:13

Konagatimogitapae, huta, apakaemo ani hosu kavaʼmo nehayaʼmonanafa lapakaemo alagepa kavaʼmo nehutapaeʼmo alagaʼmo olapaeno.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

Himulu 12:5

Lapakaemo Goti mafaʼneʼamo maiʼnagenoʼaeʼmo Gotiʼa lapaipamo alino lokiya vaino atesiya agufa gemo hiyo huno huʼniya gemo ago lapa paiʼniyana lapake kaniʼniye. Ani geeʼmo hunoʼaeʼmo, Mafaʼneʼnimogae, huno, Ala kava neʼmoʼa alino api aino katesiyafeʼmo kayoʼmo kamisigekaeʼmo, ina agufa kavane, huka kagesamo oʼafiyo. Ani kava huno ge kahausigekaeʼmo kaipamoʼmo kana osino.

Himulu 3:1

Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

1 Pita 2:23

Huʼa faipa huʼa ateʼnagenoʼaeʼmo geʼapileʼmo aeno atagaina huno huno faipa huno oʼapateʼniye. Kana yaʼmo amige amagige huʼnageno lusi kava huno agafu kiʼnigenoʼaeʼmo, lapamagiguve, huno osuʼniyaʼmonanafa alagepa huno alino fako huno neʼapateya vekamo ayapiʼmo maleʼniye.

Leveleseni 2:3

Nagiʼnilefeʼmo hanageke yaʼmo aliʼnetapaeʼmo alagaʼmo olapaeʼnigetapa oʼataleta atafautapa alagi hutapa maiʼnayaʼmonanafa

1 Samiyo 12:24

Lapakaemo Ala kava neʼmoʼa lokiya kavaʼmo huno lapa maeʼniya kavafeʼmo lapakesa afifi hutapa maiyo. Maiʼnetapaeʼmo Ala kava nefekeʼmo koli huʼnetapa muki lapaipafatiʼmo lama ge kavaʼmo hutapa aliʼyaʼamo aliyo.