Himulu 12:26 - The Keyagana NT and 25 OT books

²⁶ Gotiʼa akeyaʼvilagamo ge huʼnigenoʼaeʼmo imima aliʼnigeno ma mopamoʼmo kanage kanage huʼniyaʼmonanafa hemeni afinafeʼmo lapa maegauve, huno hu maleʼniya gemoʼmo hunoʼaeʼmo, halate mopaʼageʼmo aliʼna kanage kanage osugufa kokuʼnaʼeʼmo aliʼna kanage kanage huguve, huno hu maleʼniye.

Himulu 12:26 ပူးပေါင်းရင်းမြစ်များ

Hatu maeno apate'niya gemae 19:18

Ala kava neʼmo ata vaipiʼmo maiteno emineʼniyaʼmofeʼmo Sainai avefatiʼmo halinamoʼmo huteno avemo aino atikaeʼniye. Alopa sitopufatiʼmo lusi kava huno halinamo ailino uno nehaiya kava huno halinamo aiʼnigeno avefiʼmo alopa imimaʼmo aliʼniye.

Aiyeya 2:19

Ala kava neʼmoʼa ha le konali yaʼaletiʼe lokiyaʼaletiʼeʼmo emineno he tino maiʼnenoʼaeʼmo mopaleʼmo lusi kava huno alino kanage kanage hisigeʼapaeʼmo aipamo leno apatesiya kavategatiʼmo apaune hetaleʼa uʼa ha le konali yaʼamo ageteʼapaeʼmo yafa kapiʼmo uʼa fala kige mopafiʼmo kelimo kafi maleʼneʼa uʼa haiʼa fala kige hugae.

Aiyeya 66:22

Ala kava neʼmoʼnamo ina gemo huʼnaeʼmo, Saufa kokuʼnaʼe mopaʼeʼmo alo hisugeno muki afinaʼaeʼmo nagae naulagaleʼmo hanege hanege huno hanesiya kava huʼa lapakinago mafaʼne anagatapiʼe lapakitapiʼeʼmo hanege maige hugae.

Hamakaki 3:10

Avemogimo kageteʼapaeʼmo kanage kanage huʼnae. Alopa aniʼmo emineʼniye. Aniʼmo vasilonaʼafatiʼmo fugaligali huteno alopa agemo aiʼniye.

Hagai 2:21

Kagaemo Yu vayaʼaiteʼmo yagaino neʼapateya vekamo Selamamalifeʼmo ani gemo huka ha paiyo. Gotiʼnamo asole vayaʼaiteʼmo neʼyagauva vekamoʼnamo huʼnaeʼmo, Nagaemo kokuʼnateʼe ma mopaleʼeʼmo aliʼna uti uti aiʼna ategauve.

Hagai 2:22

Nagaemo yagaiʼa neʼapataya gamani vayaʼmo hapa faiʼna apatalege alu nofi vaya alu nofi vayaʼmogi lokiyaʼapimo aliʼna hano huʼna atalege hosimoʼmo halaulino neʼvigeʼapaeʼmo kamemo nehaya talalaʼapimo aliʼna hosu huʼna atalege talalafiʼmo maiʼnaya ati vayaʼeʼmo kamemo huge kamemo nehaya hosileʼmo kamemo hisayafeʼmo haiʼa fai maiʼnaya vayaʼmo apamagisugeʼa asagauʼa aige nehisageʼapaeʼmo ani kavaʼmo huʼa apakaiʼapi konagaʼapimogimo naipeletiʼmo apaigae.

Himulu 12:27

Agaemo hunoʼaeʼmo, halate, huʼniya gemo aepaʼamo haneʼniyana alino kanage kanage osisiya kavaʼmo oʼageʼnona kavaʼmo hanesiyafeʼmo alino kanage kanage hisiya kavaʼmo apayatetiʼmo alo huʼnaya yaʼmo ageʼnona yaʼmo alino ataleʼniye, huno alino lave liʼniye.