Himulu 12:22 - The Keyagana NT and 25 OT books

²² Lapakaemo Sainai aveleʼmo oʼmeʼnafa Saiyoni kotega avemo kokuʼnapi Yulusalemu taonifiʼmo yalagisa Gotiʼa neʼmaiya taonifiʼmo tauseni tauseniʼa enisole vayaʼmo neʼmaiya taonifiʼmo etapa maiʼnae.

Himulu 12:22 ပူးပေါင်းရင်းမြစ်များ

Samu 2:6

Agaemo hunoʼaeʼmo, ani kavaʼmo nehayaʼmonanafa nagaemo Saiyoni kotega naote aveleʼmo lekana paiʼna ateʼnova kini vekamoʼmo yagaino apatesiyafeʼmo lekana paiʼna ateʼnove, huno hapa paiʼniye.

Samu 42:2

Afaʼa neʼmaina Gotigae, huʼna, anifeʼmo neʼnahaiya kava huno nagupi mafaʼnemoʼmo kagaefeʼmo hauʼniye. Hainu afinaʼmo uʼna kaulagaleʼmo mono huguve.

Samu 48:2

Ani avemo Saiyoni avemo kanale yatala avemo haneʼniye. Muki ma mopafi maiʼnaya vayaʼmogimo ani aveeʼmo apamogaga neʼaiye. Hoga haopalega haneʼnigeno Ala kini vekamo taoniʼamo ani aveleʼmo haneʼniye.

Samu 68:17

Goti kame talalaʼamo tauseni tauseniʼamo haneʼniye. Ala kava neʼmoʼa Sainai avefiʼmo emineno maiʼniya kava huno Saiyoni avemo aote aveleʼmo emineno maiʼniye.

Samu 84:2

Nokafiʼmo maisuva yafeʼmo lusi kava huno nagupi mafaʼnemoʼmo hauʼniye. Muki nagufamoʼe naipa nagesafatiʼeʼmo afaʼa neʼmaiya Gotifekeʼmo nehaiye.

Samu 87:3

Gotiʼa agaiʼa taonifatiʼmo ha le konali yaʼamo mago vayaʼmo alino apave liʼnigeʼa ageteʼapaeʼmo ava gemo nehae.

Aiyeya 12:6

Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.

Aiyeya 51:11

Ina kava huʼa Ala kava neʼmoʼa miya faino hatu maeno apateʼniya vayaʼmogimo aiʼa atagi neʼa yokemo nehuʼapaeʼmo Saiyoni taonifiʼmo egae. Muki afinaʼmo apamogaga aige aige huʼa maigae. Apakaemo magoʼe huʼa kana yaʼmo oʼalige yulagefa oʼaige hugayaʼmonanafa alagepa huʼa maige maige huʼa maigae.

Aiyeya 51:16

Nagaemo kagaemo saufa kokuʼnaʼe saufa mopaʼeʼmo alo huteka Saiyoni vayaʼaifeʼmo hukaeʼmo, lapakaemo vayaʼnimo maiʼnae, huka hapa paisanafeʼmo geʼnimo kavayafiʼmo maleteʼna nagaemo kagufaleʼmo naya auneʼaletiʼmo aiʼna ati kaeʼna kateʼnove, huno ha paiʼniye.

Aiyeya 59:20

Ala kava neʼmoʼa ha painoʼaeʼmo, Miya faino hatu maeno neʼapateya vekamo Saiyoni nofi vayaʼaitegamo egaiye. Yekopu nofi vayapatiʼmo hosu kavaʼapieʼmo apakameʼyamo amiteʼa ataleʼnaya vayaʼaitegamo egaiye. Nagaemo apakaeʼeʼmo mani kotalakemo hu maleʼnove. Nauneʼnameʼnimo kagaeteʼmo maiʼnigeʼna nagaemo geʼnimo aliʼna kavayafiʼmo maleʼnove. Ani gemoʼmo kavayafiʼmo hanege mafaʼne anagakamogi apavayafiʼmo hanege kaginago mafaʼne anagaʼmogi apavayafiʼmo hanege hutesigeno ani afinatetiʼmo muki afinaʼaeʼmo hanege hanege huno hanegaiye, huno ha paiʼniye.

Aiyeya 60:14

Kana yaʼmo aliʼa lapamiʼnaya vayaʼmogi ve mafaʼne anagaʼapimogimo eʼa lapakaeteʼmo ape hugae. Apakameʼyamo lapamiʼnaya vayaʼmogimo lapaiya agusalegatiʼeʼmo aliʼa asagauʼa lapategae. Apakaemo lapakaefeʼmo huʼapaeʼmo, Ala kava neʼmo taoniʼafiʼmo maiʼnaya vayane, huʼa huge Isaleli vayaʼai aote Vekamoʼmo taoniʼamo Saiyoni taoniʼmae, huʼa huge huʼa lapaki aegae.

Neniyo 6:26

Hemenimo mago keʼaepa gemo hu malovanagi muki yagaiʼna neʼapatova vayaʼmogimo Neniyo Gotiʼamofeʼmo koli huteʼa atete huʼa aiyafi maiyo. Agaemo afaʼa neʼmaiya Gotiʼa muki afinaʼmo maige maige huno maigiye. Muki afinaʼae afinaʼaeʼmo kini vekamo maiʼniyanageno neʼyagaiya lokiyaʼamo alagi hano osugiye. Agaemo yagaino apateme apateme neʼvisigenoʼaeʼmo atupa afinaʼmo afole aigiye.

Neniyo 7:10

aulagaleʼmo aeno ha lelino uʼniye. Asole tauseniʼa vayaʼmogi aliʼyaʼamo aliʼnageʼapaeʼmo agae aulagaleʼmo asole asole miliyoniʼa vayaʼmo he tiʼa maiʼnae. Agoti gemo afisaya vayaʼmo fai maiʼnageno asole mukumo alino vaga leʼniye.

Matiyu 16:16

Saimoni Pitaʼa geʼaleʼmo aeno atagaina hunoʼaeʼmo, Kalaisi vekamo maiʼnane. Maige maige huno neʼmaiya Goti mafaʼneʼamo maiʼnane, huno ha paiʼniye.

Matiyu 5:35

Ma mopafiʼmo Gotiʼa aiyamo aeno neʼmaiya mopamo haneʼniyaʼmofeʼmo ma mopaletiʼmo alagi lama gemo nehuve, hutapa osiyo. Yulusalemu taonimo hogote kini vekamo taoniʼamo haneʼniyaʼmofeʼmo Yulusalemu taonifatiʼmo alagi lama gemo nehuve, hutapa osiyo.

Lomu 11:26

Gotiʼa ani kavaʼmo huno muki Isaleli vayaʼai apakufamo alino katino apategaiye. Ani kavatefeʼmo Goti mukufiʼmo huʼniya gemoʼa hunoʼaeʼmo, Apakufamo alino katino apatesiya vekamo Saiyoni kotegatiʼmo eno muki Yekopu aginago vayaʼai hosu kavaʼapimo alino atalegaiye.

Lomu 9:26

Vayaʼnimo oʼmaiʼnae, huʼna hapa paiʼnova vayaʼai koteʼmo maiʼnaya vayaʼmogi alagi afaʼa neʼmaiya Goti mafaʼneʼamo maiʼnae, huʼa hugae huno huʼniye.

Galesiya 4:26

kokuʼnapi Yulusalemu taonimoʼa afa akana huno haneʼneno muki vayaʼamogita itatimogana huno haneʼniye.

Efasasi 2:19

Ani kavaʼmo hutapa maiʼnayaʼmofeʼmo hemenimo lapakaemo nata vayaʼmo oʼmaige alu kotegatiʼmo eʼa maiʼnaya vayakana huta oʼmaige huʼnayaʼmonanafa Goti apaote vayaʼaʼeʼmo magoke kote vayaʼmo maiʼnetapa Goti afamo anaga vayaʼaʼeʼmo magokepi lokaeta maiʼnae.

Filipai 3:20

lagaemo kokuʼnapi vayaʼmo maiʼneta kokuʼnapatiʼmo eminesiya vekamoʼa lagufamo alino katino nelateya vekamo Ala kava neʼmo Yesu Kalaisifekeʼmo lavayagunagu huta agava neʼmaune.

1 Tesaloniyani 1:9

Ani vayaʼmogimo lagaefeʼmo huʼapaeʼmo, apakaemo Tesaloniyani vayaʼaitegamo uʼnageʼapaeʼmo aigofe gotiʼapimogi apataleʼa aiʼa afe leʼa Gotitegamo eʼa afaʼa neʼmaiya lama ge Goti aliʼyaʼamo neʼaliye.

2 Timoti 4:18

Inagi Ala kava neʼmoʼa muki hosu kavapatiʼmo nagufamo alino katino nateteno kokuʼnapiʼmo yagaino neʼapateya koteʼmo navalelino uno haino nategaiye. Muki afinaʼmo ha le konali agiʼamo alagi hanege hanege huno haneno. He, lama gemae.

Himulu 10:31

Gotiʼa afaʼa neʼmaiya vekamo maiʼniyaʼmofeʼmo ayapiʼmo apatafauno maiʼnisiya vayaʼmogimo lusi kava huʼa koli hugae.

Himulu 11:10

Agaemo Gotiʼa agesamo afino alo huno faino ateʼniya taonifiʼmo maisiyafeʼmo agava maiʼniye.

Himulu 11:16

alagepa koʼmo aeno agaseʼniya kokuʼna kotefeʼmo hapauʼniye. Gotiʼa maisaya taonimo alo huno apateʼniyaʼmofeʼmo Gotitimoʼmo maiʼniye, huʼa agi neʼaya gelefeʼmo avagage nosiye.

Himulu 13:14

Hanege hanege huno hanesiya taonimo ma mopafiʼmo ohaneʼniyaʼmonanafa afole aisiya taonifiʼmo maisunafeʼmo agava neʼmaune.

Himulu 3:12

Konagaʼnimogitapae, huʼna, ehetapiye, fiku yanagetapa mago vayaʼamogitapamo hosu lapaipamo kalitetapa lapakesamo afita fatago osutapa afaʼa neʼmaiya kavaʼmo afoʼamoʼmo Gotiʼa lapakameʼya amiteta ataletapa ugayanagi.

Himulu 9:14

Afumo kolaʼmoʼa vayaʼmogi amega apakufaleʼmo aeno kalo paeno apaeʼniyaʼmonanafa afaʼa neʼmaiya yaʼmo neʼapamiya Goti aliʼyaʼamo alisayafeʼmo Kalaisi kolaʼamoʼa magoʼe huno lapakupi mafaʼnemo falisaya kavaʼmo aliʼyaʼalefeʼmo aeno kalo paeno lapategaiye. Agaemo hosu kavaʼamo alagi ohaneʼniya vekamo maige maige huno neʼmaiya Aunemeʼaletiʼmo agaiʼa agufamo Gotiʼmo amiʼniye.

Yasuva 3:10

Hemenimo lapakaemo afole aisiya kavatetiʼmo hutapaeʼmo afaʼa neʼmaiya Gotiʼa lapakae folagapiʼmo maiʼnenoʼaeʼmo uno haino me otalegaifa Kenani vayanagi Hiti vayanagi Haivi vayanagi Pelesi vayanagi Gagasi vayanagi Emo vayanagi Yemusi vayanagi huno laulagaleʼmo alino hapa faino apataleʼniye, hutapa agegae.

Yuti 1:14

Atamu akamelegati napa seveni vekamo Inokiʼa ani vayaʼaiteʼmo afole aisiya kavafeʼmo ava gemo Gotitegati gemo alino hapa painoʼaeʼmo, Afiyo, huno, Ala kava neʼmoʼa lagaemo lekana opaisuna agufa enisole vayaʼmo tauseni tauseniʼa apaote enisole vayaʼaʼeʼmo magokepi eminegaiye.

Leveleseni 14:1

Halate ageʼnovana, ageyo, huno, aikeli sipisipimo Saiyoni avefiʼmo he tino maiʼnigeʼapaeʼmo vani hataleti foti fo tauseniʼa vayaʼai hapanileʼmo agaiʼa agiʼe afoʼamo agiʼeʼmo avoʼmo kae maleʼniya vayaʼmo agaeʼeʼmo magokepi lokaeʼa he tiʼa maiʼnageʼna apakeʼnove.

Leveleseni 21:10

Goti Aunemeʼafiʼmo naune kavaʼmo huʼna maiʼnogeno navalelino yatala avefiʼmo uno haino nateʼnigeʼna maiʼnogeno aote Yulusalemu taonimo Gotitegatiʼmo kokuʼnapatiʼmo emiʼneʼnigeno alino nave liʼniye.

Leveleseni 21:2

Ageʼnovana aote taonimo saufa Yulusalemu taonimo Gotitegatiʼmo kokuʼnapatiʼmo emineʼnigeʼna ageʼnove. Ani taonimoʼmo mago saufa aʼmafaʼnemo veleʼmo maisiyafeʼmo hauʼnigeno alagepa kukena yaʼe alagepa konali yaʼaʼeʼmo vaino aliteno maiʼniya aʼmafaʼnegana huno haneʼniye.

Leveleseni 22:19

Mago vayaʼamogimo mani mukufatiʼmo mago gemo aliʼa ataleʼnisagenoʼaeʼmo Gotiʼa hetamaʼapimo alino atalesigeʼa aote taonifiʼmo uʼa haiʼa oʼmaige afaʼa neʼmaiya yaʼmo neʼapamiya yosa alagamo oʼnege hugae. Ani taoniʼe yosaʼefeʼmo anava gemo mani mukufiʼmo haneʼniye.

Leveleseni 3:12

Nagaemo kamemo huʼa aeʼa neʼapakasaya vayaʼmo apavaleʼna Gotiʼnimo aote mono noʼafiʼmo posi yosagana huʼna apategauve. Nopiʼmo maiʼneʼapaeʼmo halate kumatagamo uʼa olamigae. Nagaemo apakaeteʼmo Gotiʼnimo agiʼamo avoʼmo kaege Gotiʼnimo saufa Yulusalemu taonimo agiʼamo avoʼmo kaege saufa nagiʼnimo avoʼmo kaege huguve.

Leveleseni 7:2

Ageʼnovana mago alu enisole vekamoʼmo yegemo haine neʼeya kotegatiʼmo afaʼa neʼmaiya Goti alagena kavaʼamo hu malesiyafeʼmo aliteno eʼnigeʼna ageʼnove. Agaemo loleʼe loleʼe enisole vayaʼaifeʼmo Gotiʼa ma mopaʼe solovala aniʼeʼmo aliʼa hosu huʼa atalesaya himamuʼapimo apamiʼniya enisole vayaʼaifeʼmo alopa gefatiʼmo keya aeno ge huʼniye.