Himulu 12:2 - The Keyagana NT and 25 OT books

² Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

Himulu 12:2 ပူးပေါင်းရင်းမြစ်များ

Samu 110:1

Ala kava neʼmoʼa Ala kava neʼnieʼmo, lamaga nahaopaleʼmo faika maime maime neʼugeʼnao kame vayakamo aliʼna kaiya afeʼalumelaga apateno, huno ha paiʼniye.

Samu 138:8

Ala kava nene, huʼna, nagaetegamo afole aiʼniya kavatefeʼmo aliʼyaʼmo aliteka alagi alika alagepa huka ategane. O Ala kava nene, huʼna, muki afinaʼmo kahau huka natege natege huka maigane. Kayatetiʼmo alo huka lateʼnana vayaʼmo lataleka oʼuvo.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Aiyeya 53:3

Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Maika 7:7

Hugayaʼmofeʼmo nagaemo Ala kava neʼmoʼa naha maesiyafeʼmo aulu heʼna agegauve. Nagufamo alino katino neʼnateya Gotiʼa naha maesiyafeʼmo agava maiguve. Nagaemo Gotiʼnimofeʼmo keya aeʼna ge hisugeno afigiye.

Napa 21:9

Inagi Moseseʼa haesa aeniletiʼmo mago nagaloʼyavemo auneʼamo alo huteno yatala posi yosaleʼmo maleno nofi kiteno alino he tino ateʼniye. Inagi nagaloʼyave anagaʼmogimo hapaeʼnaya vayaʼmogimo aliʼa maku huʼa nagaloʼyavemo auneʼamo ageteʼapaeʼmo ofaliʼa afaʼa maiʼnae.

Matiyu 16:21

Yesuʼa ani afinatetiʼmo geʼamo neʼafiya vayaʼaifeʼmo aepa faino huno afole aino hapa painoʼaeʼmo, nagaemo Yulusalemu taonifiʼmo uʼna maiʼnisugeʼapaeʼmo vayatama vayanagi mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo aliʼa apaya neʼmalaya vayanagi huʼa lusi hanageke yaʼmo namiteʼa kamitimo namagigae. Loleʼe magoʼe afinaʼmo utesigeno halate alino he tino nategaiye, huno hapa paiʼniye.

Matiyu 20:28

Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.

Maki 14:36

Nunumuʼmo hunoʼaeʼmo, Afoʼnimogae, huno, kagaemo muki kavaʼamo huguve huka hisana kavaʼmo afaʼa hugane. Mani kapumo nagaetegatiʼmo alika atalo. Ani ge huʼna huvaʼmonanafa nagaemo nahauʼni kavaʼmo osuka kagaemo kahauʼnisiya kavaʼmo afaʼa huvo, huno nunumuʼmo huʼniye.

Maki 15:28

Ani kavafeʼmo Goti mukufiʼmo avoʼmo kae maleʼniya gemo afole aiʼniye. Ani gemoʼa hunoʼaeʼmo, agaeʼe keʼaepa gemo amagiʼa neʼatalaya vayaʼeʼmo magoke agufa vayaʼmo maiʼnae, huʼa apakesa afiʼnae, huno huʼniye.

Maki 16:19

Ala kava neʼmoʼa ani ge huno hapa paitegenoʼaeʼmo Gotiʼa kokuʼnapiʼmo avalelinuno haino ateʼnigeno lamaga haopaleʼmo fai maiʼniye.

Maki 9:12

He, Ilaiyaʼa muki kavaʼmo alino api aino atesiyafeʼmo hogoteno afole aigiyaʼmonanafa na kava higenoʼaeʼmo, Vemo mafaʼnemoʼmo muki alu kana ya alu kana yaʼmo aliʼnisigeʼapaeʼmo, ina agufa vekamo maiʼniye, huʼa huteʼa agiʼaleʼmo aliʼa afepi ategae, huno avoʼmo kae maleʼniye.

Maki 9:24

malage huno ani mafaʼnemo afoʼamoʼmo aulagafatiʼmo aunumo emineʼnigeno alopa gefatiʼmo hunoʼaeʼmo, Ala kava nene, huno, Nagesamo afiʼna fatago huʼnovaʼmonanafa nagesa afiʼna fatago osuʼnovanagi afaʼa naha mao, huno huʼniye.

Luki 17:5

apa vayaʼamogi huʼapaeʼmo, lagesamo afita fatago huʼnona kavatileʼmo magoʼe huka alika ko sika ato, huʼa ha paiʼnageno

Luki 23:11

Helotiʼe ati vayaʼamogiʼeʼmo agiʼaleʼmo aliʼa afepi atege huʼa faipa huʼa atege huteʼa alagepa kukena yaʼmo vaiʼa ateteʼapaeʼmo Helotiʼa halate alino Pailatitegamo ateʼnigeno uʼniye.

Luki 24:26

Apakaemo huʼapaeʼmo, Kalaisi vekamo hogoteno agafu kitesigenoʼaekeʼmo ala agiʼamo aligiye, huʼa avoʼmo kae maleʼnaya gemo oʼafiʼnaʼafiye.

Yoni 1:29

Egaʼamo Yoniʼa ageyana Yesuʼmo agaetegamo eʼnigeno agetenoʼaeʼmo, Ageyo, huno, ani vekamo Goti aikeli sipisipi vekaʼamae. Muki ma mopafi vayaʼai hosu kavaʼapimo alininuno atalegaiye.

Yoni 12:24

Lama gemo lapa nepauve, huno, Avina yaʼmo mopafiʼmo ohakaleʼnisayana magoke avina yaʼmo alagi hanegaiyaʼmonanafa hakale maleʼnisageno falitenoʼaeʼmo halate hageteno asole avina yaʼmo aegaiye.

Yoni 12:32

Apakaemo ma mopafiʼmo aliʼa he tiʼa natetesageʼnaeʼmo muki vayaʼamo nagaiʼnilegamo aiʼna apavayu huliʼna egauve, huno hapa paiʼniye.

Yoni 6:40

Alino nateʼnigeʼna emiʼneʼnova vekamoʼa hauʼniyanageʼa muki vayaʼamogi Mafaʼneʼamo ageʼa aeto huteʼapaeʼmo agaefeʼmo apakesamo afiʼa fatago nehisaya vayaʼmo afaʼa maige maige huʼa maisaya yaʼmo aligae. Aliʼnisageʼna ma mopamo hano hisiya afinaʼmo aliʼna he tiʼna apategauve, huno hapa paiʼniye.

Yoni 8:56

Lapakinago vekamo Emalehamuʼa nagaemo afole aisugeno nagesiyafeʼmo hauʼnigeno avayagunagu huno nagava maiʼniye. Nagetenoʼaeʼmo amogaga aiʼniye, huno hapa paiʼnigeʼapaeʼmo

Apa 2:36

Ani gemo huʼniyaʼmofeʼmo muki Isaleli vayaʼmogitamo ani kavafeʼmo magoke laipa lagesamo aligetao. Lapakaemo ani vekamo Yesuʼmo yosaleʼmo ago nili aiʼnaya vekaeʼmo Gotiʼa hunoʼaeʼmo, Ala kava nene, huno ateteno Kalaisiʼae, huno lekana paino ateʼniye.

Apa 3:15

hutapa ha paitetapa afaʼa maisaya yaʼmo neʼapamiya vekamo amagiʼnageno faliʼniyaʼmonanafa Gotiʼa ago alino he tino ateʼniye. Ago he tiʼnigeta ageʼnonaʼmofeʼmo hemenimo aeta hakalo huta hapa nepauna vayaʼmo maiʼnone.

Apa 5:31

Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

1 Kolitiyani 1:18

Ani kavatefeʼmo huʼapaeʼmo, Alino apagoʼya lagauno apatalesiya kateʼmo neʼvaya vayaʼmogimo Kalaisiʼa malipu yosaleʼmo faliʼniya kavaʼmo ava geeʼmo, negi nagi gemae, huʼa nehae. Nehayaʼmonanafa Gotiʼa lagufamo alino katino latesiya kateʼmo neʼuna vayaʼmogitamo, mani gemo Goti ayamufaʼamo haneʼniye, huta lagesamo neʼafune.

1 Kolitiyani 1:23

Nehayaʼmonanafa lagaemo Kalaisiʼa malipu yosaleʼmo nili aiteʼa aliʼa he tiʼa ateʼnaya kavafekeʼmo ava gemo aeta hakalo huta hapa nepaunageʼapaeʼmo Yu vayaʼmogimo ani gemo afiteʼapaeʼmo hosu apaipamo kaliteʼa apaiyamo faiʼa lo aeteʼa heleve huʼnageʼapaeʼmo Yu nofi vayapatiʼmo oʼmaiʼnaya vayaʼmogimo ani gemo afiteʼapaeʼmo, negi nagi gemo huʼnae, huʼa nehae.

Efasasi 2:16

Kalaisiʼa malipu yosaleʼmo faliʼniya kavatetiʼmo apaini huʼa ateteʼapaeʼmo apaini huʼa neʼapataya kavaʼmo alino hano huno ataleteno lole nofi vayaʼmo alino magoke nofi vayaʼmo hamaleno latetenoʼaeʼmo lagaegi lapakaegi Gotiʼagi huno alino nanu aeno lateʼniye.

Efasasi 5:2

Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.

Filipai 1:6

Gotiʼa lapaipafiʼmo aepa faino aliʼyaʼmo alime alime neʼesigeno Kalaisi Yesuʼa eminesiya afinaʼmo aliʼyaʼamo alino hano hugiye, huʼna lole nagesamo oʼafiʼna lokiya vaiʼna alagi nagesamo afiʼna neʼmauve.

Filipai 3:20

lagaemo kokuʼnapi vayaʼmo maiʼneta kokuʼnapatiʼmo eminesiya vekamoʼa lagufamo alino katino nelateya vekamo Ala kava neʼmo Yesu Kalaisifekeʼmo lavayagunagu huta agava neʼmaune.

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

Himulu 1:13

Gotiʼa agaefeʼmo hunoʼaeʼmo, lamaga nahaopaleʼmo faika maime maime neʼugeʼnao kame vayakamo aliʼna kaiya afeʼalumelagamo apategauve, huno ha paiʼniyaʼmonanafa mago enisole vayaʼaifeʼmo ani agufa gemo huno hapa opaiʼniye.

Himulu 1:3

Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.

Himulu 10:14

Agaemo magoke ofalinimo amiteno apavaleno apaoteʼmo apateteno alagi alino alagepa huno apateʼniyanageʼa alagepa huʼa maige maige huʼa maigae.

Himulu 10:33

Lapakaefeʼmo vayaʼmogimo vayaʼai apaulagaleʼmo huʼa faipa huʼa lapateteʼa lapakaetegamo hosu kavaʼmo huʼnaya hanageke yaʼmo alige mani agufa kana yaʼmo aliʼnaya vayaʼeʼmo afalu afalugana hutapa neʼmaiya hanageke yaʼmo alige huʼnae.

Himulu 11:36

Mago vayaʼmogimo apakesamo afiʼa fatago huʼnaya vayaʼaifeʼmo huʼa faipa huʼa apateteʼa nofi kayotetiʼmo apamagiʼnae. Mago vayaʼmogimo apakesamo afiʼa fatago huʼnaya vayaʼmo seli nofitetiʼmo kiʼa apateteʼa kalavusi huʼa apateʼnae.

Himulu 12:3

Hosu vayaʼmogimo apaini huʼa ateʼnaya kavafeʼmo lapakesa afifi hutapa maiyo fiku yanageno alagaʼmo lapaesigeno lapaipamoʼmo kana hisigetapa atalegae.

Himulu 13:13

Apakameʼyamo amiʼnageno hosu vekagana huno maiʼnigeʼapaeʼmo lafi kegiʼya malagamo avaleliʼuʼa amagiʼnayaʼmofeʼmo apakameʼyamo lamisayafeʼmo agaetegamo lafi kegiʼya malagamo vigetao.

Himulu 5:9

Gotiʼa aliʼyaʼamo alisiyafeʼmo avaleno aote ateʼnigenoʼaeʼmo agaemo geʼamo akame nehaya vayaʼai apakufamo alino katino neʼapateya kavaʼmo afoʼamoʼmo hamaleʼniye.

Himulu 7:19

Keʼaepa gemoʼa uʼa haiʼa hapaisaya kaʼmo valino oʼapateʼniyaʼmonanafa hemenimo ago aeno agaseʼniya kavaʼmo hu maleʼnigeta lavayagunagu huta agava neʼmauna kavatetikeʼmo Goti haopaleʼmo neʼune.

Himulu 8:1

Inagi mani avoʼmo nekaona gemo aepaʼamo haneʼniyana agaemo ani agufa hogote vekamo mono huno nelateya vekamo maiʼniye. Agaemo ala kini vekamo yagaino neʼapateya siyaʼaleʼmo lamaga haopaleʼmo kokuʼnapiʼmo fai maiʼniye.

Himulu 9:28

Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.

Yemisi 2:1

Konagaʼnimogitapae, huʼna, lapakaemo Ala kava netimo Yesu Kalaisiʼa ha le konali agi vekaeʼmo lapakesamo afita fatago nehutapaeʼmo ala apaki vayaʼaitegaʼe aise apaki vayaʼaitegaʼeʼmo magoke aiyaya kavaʼmo hiyo.

1 Pita 1:11

Kalaisi Aunemeʼamo apaipafiʼmo maiʼniya Aunemeʼamoʼmo hogoteno hunoʼaeʼmo, Kalaisiʼa kana yaʼmo alitenoʼaeʼmo ala agiʼe ha le konali yaʼeʼmo aligiye, huno hapa paiʼnigeʼapaeʼmo, hainu afinaʼmo afole aisifi, huʼa huge haiya katetiʼmo afole aisifi, huʼa huge huteʼapaeʼmo agesayafeʼmo kahauya huʼnae.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

1 Pita 3:22

Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.

Yuti 1:21

Lapakaefeʼmo Ala kava netimo Yesu Kalaisiʼa hau huno lapatesigetapaeʼmo maige maige hutapa maigayaʼmofeʼmo agava maiyo. Agava maiʼnetapaeʼmo Gotiʼa lapakaefeʼmo hau ayamopafiʼmo hauʼniya agufa kavategageʼmo maiyo.

Leveleseni 1:11

Ani gemoʼmo hunoʼaeʼmo, Nagaemo aliʼna aepa faiʼna ateteʼna aliʼna hano huʼna atalesuva vekamo maiʼnove. Agesana kavafeʼmo avoʼmo kaetekaeʼmo seveniʼa siosimo Efasasi siosifinagi Simena siosifinagi Pegamamu siosifinagi Taiyataila siosifinagi Satisi siosifinagi Filatefiya siosifinagi Leyotisiya siosifiʼmogi huʼa maiʼnaya vayaʼaitegamo ani avoʼmo atalesanageno ugiye, huno naha paiʼniye.

Leveleseni 1:17

Ageteʼnaeʼmo faliʼniya vekagana huʼna aiyafiʼmo asagauʼna aiʼna maiʼnogenoʼaeʼmo lamaga ayatetiʼmo nagufaleʼmo maleʼnenoʼaeʼmo, Koli osuvo. Hogote vekamo maiʼneʼnaeʼmo henaga vekamo maiʼnove.

Leveleseni 1:8

Ala kava neʼmoʼa hunoʼaeʼmo, Nagaemo aliʼna aepa fai maleteʼna aliʼna hano huʼna atesuva vekamo maiʼnove. Hogoteʼna maiʼneʼna hemeniʼeʼmo maiʼnovanageʼna henagaʼaʼeʼmo alagi maiguve. Nagaemo muki lokiyaʼniʼe vekamo maiʼnove, huno huʼniye.

Leveleseni 2:8

Kagaemo Simena taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo hogote vekamo maiʼneʼna henaga vekamo maiʼnove. Faliteʼna halate he tiʼnova vekamoʼnamo mani gemo lapa nepauve.