Himulu 12:11 - The Keyagana NT and 25 OT books

¹¹ Gotiʼa kayoʼmo nelamigetaeʼmo, lamogaga neʼauna kavaʼmo ohaneʼnifa lagafu nekiya kavaʼmo haneʼniye, huta lagesamo neʼafunaʼmonanafa Gotiʼa kayotetiʼmo alino laya malesigetaeʼmo henagaʼamo laipafatiʼmo fatago kavaʼmoʼa alagagana huno aesigeta laipamoʼmo falu hugiye.

Himulu 12:11 ပူးပေါင်းရင်းမြစ်များ

Aepa Gemae 21:11

Inagi Isameliʼmo agaiʼa mafaʼnegeʼmo maiʼniyaʼmofeʼmo Emalehamuʼa ani kavaʼmo ageʼnigeno aipamoʼmo kanale osuʼniye.

Samu 118:18

Ala kava neʼmoʼa lusi kava huno namagiʼniyaʼmonanafa afaʼa nataleʼnigeʼna ofaliʼnove.

Samu 119:165

Keʼaepa gekaeʼmo hapau apayamopafiʼmo hapauʼniya vayaʼmo alagepa huʼa maiʼnageno apaipamoʼmo falu nehiyanageno mago yaʼmoʼa apavalelino asagauno aisiya yaʼmo alagi ohaneʼniye.

Samu 89:32

nagaemo hosu kavaʼapilefeʼmo kayoʼmo apamiteʼna kayotetiʼmo apamagisugeno apamuʼmo apalegaiye.

Mai'naya kavane 15:10

Mago vekamoʼmo alagepa kaʼmo atalesigenoʼaeʼmo lokiya gefatiʼmo huno alino api aino ategaiye. Mago vekamoʼmo alino api aino atesiya geeʼmo ohaisiyaʼmoʼmo faligiye.

Mai'naya kavane 19:18

Lapakaemo mafaʼnetapimogi getapimo afisayafeʼmo ko osiʼnisagetapaekeʼmo hopa kayotetiʼmo apamagitapa alita api aitapa apateyo. Fiku yanageno Gotiʼa kayoʼmo apamisigeʼa faligayanagi.

Aiyeya 32:17

Goti fatago kavaʼamoʼmo aliʼyaʼmo alisigeʼa vayaʼamo alagepa huʼa maisageno apaipamoʼmo falu hugiye. Fatago kavaʼmo nehaya vayaʼmogi muki afinaʼmo apaipamoʼmo falu huge muki afinaʼmo Gotiʼe vayaʼeʼmo alagepa huʼa magokepi lokaeʼa maige huteʼapaeʼmo, alagepa huta maigune, huʼa apakesamo afigae.

Lomu 14:17

Na kava higetapaene. Gotiʼa neʼyaʼe aniʼeʼmo neʼnaya kavateʼmo yagaino noʼapatefa Goti Aunemeʼamoʼmo laipafiʼmo maiʼnigeta fatago kavaʼmo nehunagenoʼaeʼmo laipamoʼmo falu huʼnisigeta lamogaga aisuna kavatekeʼmo yagaino nelate.

2 Kolitiyani 4:17

Aise hanageke yaʼmo aise afinaʼmo neʼaluna kavaʼmoʼa alino alo huno nelateyanageta anonaʼaleʼmo lusi kava huno aeno agaseʼniya ha le konali yatimo hanege hanege huno hanesiya ha le konali yatimo aligune.

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

Himulu 12:10

Ma mopafi afotimogimo apakesafatiʼmo afiʼa aise afinaʼmo kayoʼmo lamiʼnayaʼmonanafa agaemo aote kavaʼamo aliteta alagepa kavaʼageʼmo huta agaekana huta laote vayaʼamo maisunafeʼmo laha maeteno kayoʼmo nelamiye.

Himulu 5:14

Alopa vayaʼmogimo lokiya neʼyaʼmo neʼnae. Muki afinaʼae afinaʼaeʼmo afime afime neʼayaʼmofeʼmo alagepa geʼe hosu geʼeʼmo alagepa huʼa afaʼa aliʼa fako huʼa neʼafiye.

1 Pita 1:6

Ani kavafeʼmo lapamogaga neʼaiyaʼmonanafa lapa maesiya hanageke yaʼmo hemenimo aise afinaʼmo aliʼnageno lapaipamoʼmo kana huʼniye.

2 Pita 2:14

Kumai kavaʼmoʼa apaulagafiʼmo havai teʼniyanageʼa hosu kavaʼmo alagi oʼatalegae. Apakaemo lokiya vaiʼa noʼmaiya vayaʼai apayate neʼaliye. Hapaʼye hisiya kavaʼmo alagi ago afiteʼa ageʼnae. Apakaemo lifana huno apateʼniya mafaʼnemo maiʼnae.