Himulu 11:4 - The Keyagana NT and 25 OT books

⁴ Evoʼa agesamo afino fatago huʼniya kavatetiʼmo alagepa ofalinimo Keni ofalinimo ago aeno agaseʼniya ofalinimo Gotina amiʼniye. Gotina amiʼniya ofalinieʼmo agesamo afinoʼaeʼmo, naulagaleʼmo fatago vekamo maiʼnane, huno ha paiʼniye. Evoʼa ago faliʼniyaʼmonanafa hemenimo agesamo afino fatago huʼniya kavatetiʼmo ge nehiye.

Himulu 11:4 ပူးပေါင်းရင်းမြစ်များ

Aepa Gemae 4:10

Ala kava neʼmoʼa, na agufa kavaʼmo huʼnane. Nagaefeʼmo kaganakamo kolaʼamoʼmo mopafatiʼmo keya aeno ge nehiye.

Aepa Gemae 4:15

Ala kava neʼmoʼa geʼaleʼmo aeno atagaina huno ha painoʼaeʼmo, Haʼao, huno, mago vekamoʼmo kamitimo kamagisigeʼnaeʼmo seveniʼa afinaʼmo alopa kana yaʼmo amiguve, huno ha paitenoʼaeʼmo vayaʼmogimo alagena yateʼmo ageteʼa oʼamagisayafeʼmo mago alagena yaʼmo agufaleʼmo hu maleʼniye.

Aepa Gemae 4:25

Henagaʼamo Atamu aʼaʼeʼmo magokepi lokaeno havaeʼnigeno ve mafaʼnemo alino atetenoʼaeʼmo agiʼamo Setiʼae huno ateʼniye. Keniʼa Evoʼmo amagiʼniya vekamo aimuʼyaleʼmo maisiyafeʼmo Gotiʼa ani mafaʼneʼnimo lekana paino ateʼniyaʼmofeʼmae huteno agiʼamo Setiʼae huno ateʼniye. Setiʼae agimo aepaʼamo haneʼniyana lekana paino ateʼniya vekamae.

Aepa Gemae 4:8

Henagaʼamo Keniʼmo aganaʼamo Evofeʼmo, egetaʼa viʼano, huno huʼniye. Anakaemo uʼana mago yategamo maiʼneʼanaeʼmo Keniʼa aganaʼamoʼmo kamitimo amagiʼnigeno faliʼniye.

1 Kini 18:38

Inagi Ala kava neʼmoʼa atamo alino atalegeno emineno ani ofalinimo alagi lege maleʼniya atamo lege hiʼyalamuʼmo hu maleʼniya yafaʼmo lege hiʼyalamuʼmo haopaleʼmo haneʼniya mopamo lege huʼniye. Ani kaʼmo vai maleʼniya yapiʼmo haneʼniya aniʼeʼmo alagi leno laneno ataleʼniye.

Mai'naya kavane 15:8

Hosu vayaʼmogimo ofalinimo aminagenoʼaeʼmo Ala kava neʼmoʼa alagi ohauʼnigeno avenatuʼnaʼmo heno neʼataleyaʼmonanafa fatago vayaʼmogimo nunumuʼmo nehagenoʼaeʼmo hapaoke nehe.

Mai'naya kavane 21:27

Ala kava neʼmoʼa hosu vayaʼmogi ofalini neʼamiya yafeʼmo ohauʼnigeno avenatuʼnaʼmo heno neʼatale. Hosu kavaʼmo hisayafeʼmo apakesamo afiteʼapaeʼmo ofalini neʼamiya yafeʼmo magoʼe huno ohauʼnigeno avenatuʼnaʼmo heno neʼatale.

Matiyu 23:35

Ani kava hugayaʼmofeʼmo muki vayaʼmo hapaeʼnaya kavatetiʼmo vaiʼmo lapamigiye. Fatago vekamo Evoʼmo haege hosu kavaʼmo osuʼnaya vayaʼmo hapaeme hapaeme ege Melekaiya mafaʼnemo Sekalaiyaʼmo alopa mono noʼe ofalini nehaya hiʼyalamuʼeʼmo haneʼnaʼa folagapiʼmo kamitimo amagige huʼnae.

Luki 11:51

Hogoteʼa Evoʼmo haeteʼa magoʼe vayaʼmo hapaeme hapaeme eʼa henagaʼamo Sekalaiyasiʼa mono no kumateʼmo haeʼnae. He, lapa paiʼnaeʼmo, Gotiʼa hemeni afinaʼmo maiʼnaya vayaʼmo ani kavatefeʼmo agoti huno apategaiye.

Taitasi 1:16

Apakaemo apavayaletiʼmo huʼapaeʼmo, Gotiʼa ageʼnone, huʼa nehayaʼmonanafa kavaʼapiletiʼmo oʼageʼnae, huʼa nehae. Gotiʼa apakaefeʼmo ohauʼnigenoʼaeʼmo geʼamo oʼafiʼa alagi hosu kavaʼmo nehaya vayaʼmo maiʼnayaʼmofeʼmo alagi alagepa kavaʼmo afaʼa osugae, huno nehiye.

Himulu 11:2

Akeyaʼvilaga vayaʼmogimo apakesamo afiʼa fatago huʼnaya kavatetiʼmo Gotiʼa hunoʼaeʼmo, naulagaleʼmo fatago vayaʼmo maiʼnae, huno hapa paiʼnigeʼa alagepa apakiʼapimo aliʼnae.

Himulu 12:1

Ani asole vayaʼmogi apakesamo afiʼa fatago huʼnaya kavaʼmo aliʼa lave liʼnaya vayaʼmo faliteʼapaeʼmo hiyakana huʼa maiʼneʼa faiʼa vego huʼa lateʼa maiʼnageta folagapiʼmo maiʼnonageʼapaeʼmo aulu lahaeʼa lageʼa maiʼnae. Aulu lahaeʼa lageʼa maiʼnayaʼmofeʼmo lagaemo aliʼnona kana yaʼmo atalege latafausiya hosu kavaʼmo hatu maeta atalege huteta lesisi agufa kavaʼmo huta oʼataleta atafauta alagi huta maiʼneta laulagaleʼmo valino lateʼniya kateʼmo nagu nagu huta vigetao.

Himulu 12:24

Yesuʼa folagapi vekamo saufa kotalakemo hu maleʼniya vekalegamo eʼnae. Kolaʼaletiʼmo aino fuli fuli huno faleno apateʼniya kolaʼalegamo eʼnae. Ani kolaʼmoʼa Evo kolaʼmo ago aeno agaseʼniyaʼmofeʼmo hosu kavafeʼmo ge nosifa alagepa kavafekeʼmo ge nehiye.

Himulu 5:1

Gotiʼa hogote vayaʼmo mono huʼa neʼapataya vayaʼmo apakaepatiʼmo konagaʼapimo lekana paino apateʼniye. Apakaemo konagaʼapimogitefeʼmo Gotiʼmo amigune, huʼa huʼnaya yaʼmo amige konagaʼapimogi hosu kavaʼapilefeʼmo afumo amagiʼa Gotiʼmo ofalinimo amige huteʼa mono aliʼyaʼmo alisayafeʼmo lekana paino apateʼniye.

Himulu 9:22

Vayaʼmogi keʼaepa gemo akame hisayafeʼmo alagi hogoʼamo muki hosu kavaʼapimo afumo kolatetiʼmo aeʼa kalo paeʼa atalesaya kavaʼmo huʼnae. Kolaʼmo aino olakiʼnisiyaʼmoʼmo Gotiʼa vayaʼai hosu kavaʼapimo alino oʼatalegaiye.

2 Pita 2:8

Ani alagepa vekamoʼmo apakaeʼeʼmo magokepiʼmo lokaeno maiʼnenoʼaeʼmo muki afinaʼae afinaʼaeʼmo hosu geʼapimo afige hosu kavaʼapimo agege nehunoʼaeʼmo aipamoʼmo lusi kava huno kana huʼnigeno fatago agupi mafaʼnefatiʼmo agafu kiʼniye.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.