Himulu 11:37 - The Keyagana NT and 25 OT books

³⁷ Yafa kayotetiʼmo apamagige sotetiʼmo apakufamo aliʼa vasagaliʼa atalege hosu kavaʼmo hisayafeʼmo apamalageka huge naipeletiʼmo apaiʼa kiʼa apatege huʼnae. Kukena yaʼapimo ohaneʼnigeʼa sipisipi agufamo aliʼa vaiʼa alige meme agufamo aliʼa vaiʼa alige huteʼa umenitata huʼnae. Kagemi yaʼapimo alagi ohaneʼnigeʼapaeʼmo apaini huʼa apateteʼa apakaetegamo hosu kavaʼmo huʼnae.

Himulu 11:37 ပူးပေါင်းရင်းမြစ်များ

1 Kini 18:13

Yeyemeliʼmo Ala kava neʼmo geʼamo aliniʼeʼa aeʼa hakalo nehaya vayaʼmo kamitimo apamagiʼnigeʼa faliʼnageʼnaeʼmo Gotitegati gemo aliniʼeʼa aeʼa hakalo nehaya vayaʼmo vani hataletiʼa vayaʼmo fifiti fifti huʼna lole yafa katalapiʼmo aliʼna fala kiʼna apateʼnove. Yagaiʼna apateteʼna neʼyaʼmo apamige aniʼmo apamige huʼnove. Mago vekamoʼmo huʼnova kavafeʼmo ava gemo huno kaha opaiʼnifiye.

1 Kini 18:4

Koli huʼniyaʼmofeʼmo kuvini a kanomo Yeyemeliʼmo Ala kava neʼmo geʼamo aliniʼeʼa aeʼa hakalo nehaya vayaʼmo kamitimo apamagiʼnigeʼa faliʼnagenoʼaeʼmo Omanaiyaʼmo ani agufa vayaʼmo Ala kava neʼmo geʼamo aliniʼeʼa aeʼa hakalo nehaya vayaʼmo vani hataletiʼa vayaʼmo apavaleno alino alopa yafa kapiʼmo fala kino apateʼniye. Agaemo alu yafa kapiʼmo fifitiʼa vayaʼmo fala kino apateteno alu yafa kapiʼmo fifitiʼa vayaʼmo fala kino apateʼniye. Agaemo yagaino apateʼnenoʼaeʼmo neʼyaʼmo apamige aniʼmo apamige huʼniye.

1 Kini 19:1

Kini vekamo Ehapi aʼmo kuvini a kanomo Yeyemefeʼmo muki Ilaiyaʼmo huʼniya kavafeʼmo ha paiʼniye. Inagi Ilaiyaʼmo muki Meo geʼamo aeʼa hakalo nehaya vayaʼmo naipeletiʼmo kamitimo apaiʼniya kavaʼefeʼmo ha paiʼniye.

1 Kini 19:10

Nagaemo Ala kava neʼmo asole vayaʼaiteʼmo yagaino neʼapateya Gotitefeʼmo naya mukiki huʼna aliʼyaʼamo neʼaluve. Isaleli vayaʼmogimo hu maleʼnana kotalakemo atalege ofalinimo hisaya yafa hiʼyalamukamo aliʼa naku paege kagaetegati gemo alini eʼa aeʼa hakalo nehaya vayaʼmo naipeletiʼmo kamitimo apaige huʼnageʼnaeʼmo nagaiʼnimo magokeʼageʼmo maiʼnogeʼapaeʼmo hemenimo nagaeʼeʼmo kamitimo namagisageʼna falisuvafeʼmo nehae, huno huʼniye.

1 Kini 19:13

Ilaiyaʼmo ani gemo afitenoʼaeʼmo augosafiʼe yatala kukena yaʼaleʼeʼmo aino ati kaeteno kelifatiʼmo ataleno uno keli avayamo haopaleʼmo he tino maiʼniye. Maiʼnigenoʼaeʼmo malage huno gemo hunoʼaeʼmo, Ilaiyao, huno, Na agufa kavaʼmo higekaeʼmo eka manileʼmo maiʼnane, huno huʼnigenoʼaeʼmo

1 Kini 19:14

Nagaemo Ala kava neʼmo asole vayaʼaiteʼmo yagaino neʼapateya Gotitefeʼmo naya mukiki huʼna aliʼyaʼamo neʼaluve. Isaleli vayaʼmogimo hu maleʼnana kotalakemo atalege yafa hiʼyalamukamo aliʼa naku paege kagaetegati gemo alini eʼa aeʼa hakalo nehaya vayaʼmo naipeletiʼmo kamitimo apaige huʼnageʼnaeʼmo nagaiʼnimo magokeʼageʼmo maiʼnogeʼapaeʼmo hemenimo nagaeʼeʼmo kamitimo namagisageʼna falisuvafeʼmo nehae, huno huʼniye.

1 Kini 19:19

Inagi Ilaiyaʼmo ani kotetiʼmo ataleno halate uno ageyana Ilaisaʼmo Sefati mafaʼneʼe alu leveniʼa vayaʼeʼmo hoyafiʼmo lokaeʼa aliʼyaʼmo neʼaligeno ageʼniye. Leveniʼa vayaʼmogimo aiʼyumo aisayafeʼmo lole pulumakalateʼmo yagaiʼa anatete anatete hutageno Ilaisaʼmo aiʼyumo aisiyafeʼmo apakame huno lole pulumakalateʼmo yagaino anateʼniye. Inagi Ilaiyaʼmo uno Ilaisaʼa aeno neʼagasenoʼaeʼmo agaiʼa yatala kukena yaʼamo asagino Ilaisa agiʼnaleʼmo yaga auʼniye.

1 Kini 21:10

Lole hosu vekalaʼmo agae haopaleʼmo anategeʼana maiʼneʼanaeʼmo anakaemo gemo agaepiʼmo aliʼana faiʼana ateteʼanaeʼmo ina gemo huʼanaeʼmo, Nemotiyo, huʼana, Kagaemo Gotitegaʼe kini vekalegaʼeʼmo hosu gemo huʼnane, huʼana hugaʼae. Lapakaemo Nemotiʼmo taonifatiʼmo malagamo avalelituta lamita yafa kayotetiʼmo kamitimo amagisageno faligiye, huno avoʼmo kaeʼniye.

2 Kini 1:8

apakaemo geʼaleʼmo aeʼa atagaina huʼapaeʼmo, Agaemo afumogi apayokatetiʼmo alo huʼnaya kukenamo vaino aliteno mapaluʼamo pulumaka agufaletiʼmo alo huʼnaya mapaluʼmo aeno aliʼniya vekamoʼae, huʼa ha paiʼnae. Kini vekamoʼmo afitenoʼaeʼmo, Agaemo Tisame taonifi vekamo Ilaiyageʼmae, huno huʼniye.

2 Kini 2:13

Ilaiyaʼmo uno nehaigenoʼaeʼmo alolokuʼamo mopafiʼmo asagauno aiʼnigeno Ilaisaʼmo alininuno Yoneni ani agiʼnaleʼmo he tino maiʼniye.

2 Kini 2:8

Inagi Ilaiyaʼmo alolokukana kukena yaʼamo asagino aino kiteno Yoneni aniteʼmo ani alolokukana kukenaletiʼmo amagiʼniye. Amagiʼnigeno aniʼmo folagapatiʼmo aino akaka vaeno lole huʼnigeʼana anakaemo aniʼmo folagapiʼmo mopamo hau huʼnigeʼana mugagayaga faligamo uʼnaʼae.

Matiyu 21:35

Apakaemo vayaʼamo apatafauteʼa mago vekamo amagige mago vekamo kamitimo amagiʼnageno falige mago vekamo yafa kayotetiʼmo amagige huʼnae.

Matiyu 3:4

Yoniʼa kukenaʼamo kamolu afumo ayokatetiʼmo alo huʼnaya kukenamo vaiteno kamolu agufaletiʼmo alo huʼnaya mapalumo afafaleʼmo aeteno akenuʼe lumemo anuʼeʼmo neno maiʼniye.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Luki 13:34

Yulusalemuvo, Yulusalemuvo, huʼna, monoteʼmo yagaiʼnaya vayaʼmogitapamo lapakaemo Gotitegati gemo alini eʼa aeʼa hakalo huʼa hapa nepaiya vayaʼmo apamagige alino apateʼnigeʼa lapakaetegamo uʼnaya vayaʼmo yafa kayotetiʼmo kamitimo apamagige huta neʼmaiya vayane. Kokolemogimo apanaʼaumo aliʼa hapakufiʼmo neʼapataya kava huʼna muki afinaʼmo mafaʼnetapimo nagaetega apavaleliʼna esuvafeʼmo nahauʼniyaʼmonanafa lapakaemo olapauʼniye.

Apa 14:19

Inagi mago Yu vayaʼmo Atiyoki taonimo Pisitiya kotegatiʼe Aikoniyamu taonifatiʼeʼmo eʼa ani vayaʼmo apakesa faiʼa hapa paiʼnageʼa geʼapimo afiteʼapaeʼmo yafa kayotetiʼmo Poloʼmo amagiteʼapaeʼmo, ago faliʼniye, huʼa huteʼa heʼa halauli uʼa lamiʼa taoni kegiʼya malagamo ataleʼnae.

Apa 7:52

Lapakinago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼaifeʼmo muki vayaʼmogi apaini huʼa apateʼnae. Goti aliʼyaʼamo neʼaliya vayaʼmogi, Alagepa kavaʼageʼmo nehiya vekamo eminegaiye, huʼa huʼnageʼapaeʼmo lapakinago vayaʼmogi apamagiʼnageʼa ago faliʼnae. Hemenimo lapakaeʼeʼmo kutulu yaʼmo alitetapa ava gemo huʼnaya vekamo ago amagiʼnageno faliʼniye.

2 Kolitiyani 12:10

Aiguvaʼmofeʼmo Kalaisi agiʼalefeʼmo lokiya noʼvauva kavanagi huʼa faipa huʼa neʼnataya gegi kafu nehuva kavanagi apaini huʼa neʼnataya kavanagi hanageke yaʼmo neʼaluva kavatefenagi huʼna lusi kava huʼna namogaga aiguve. Na kavaʼmo higeʼnaene. Lokiya noʼvaiʼnaeʼmo lokiya vaiʼna maiʼnovaʼmofeʼmae.

Himulu 11:25

Agaemo Goti vayaʼaʼeʼmo magokepi lokaeno maiʼneno kana yaʼmo alisiyafeʼmo hauʼniyaʼmonanafa aise afinaʼmo hosu kavafeʼmo agufamoʼmo amogaga aisiya kavafeʼmo ohauʼniye.

Himulu 13:3

Kalavusi huʼnaya vayaʼaifeʼmo lapake kanitapa oʼapataletapa lapakesamo afiyo. Apakaeʼeʼmo magokepiʼmo lokaeta kalavusi huʼnegekana hutapa apakaefeʼmo lapakesamo afiyo. Kalaisitefeʼmo hanageke yaʼmo neʼaliya vayaʼaifeʼmo lapake kanitapa oʼapataletapa lapakesamo afiyo, apakaeʼeʼmo ma mopafi maiʼnetapaeʼmo hanageke yaʼmo alisaya vayaʼmo maiʼnayaʼmofeʼmae.

Leveleseni 11:3

Nagaemo lole vekalaʼmoganimo nava gemo hisaʼafeʼmo himamuʼnimo anamiʼnisugeʼana nagaetegati gemo alini uʼana vani tauseni tu hataleti sigisitiʼa afinaʼmo ani kavaʼmo huʼana foti tuʼa kaileʼmo aeʼana hakalo huʼana hapa paigaʼae. Ma mopafi vayaʼmogimo hosu kavaʼmo nehayaʼmofeʼmo hosu kukenamo laisi kukana agufa kukenamo vaigaʼae, huno naha paiʼniye.