Himulu 11:34 - The Keyagana NT and 25 OT books

³⁴ Alopa atamoʼa leno pasagalisiya agufa atamo ago aeʼa yu heʼnae. Vayaʼmogi naipeletiʼmo apaiʼa kiʼa apatesayafeʼmo apaiʼnayana apaiʼa hatagauʼnae. Lokiya oʼvaiʼnaya vayaʼmogi lokiya vayaʼmo hamaleʼnae. Koli osuʼa lokiya vaiʼa kamemo huteʼa alu nofi ati vayaʼmo hapa faiʼa hapaetalageʼa uʼnae.

Himulu 11:34 ပူးပေါင်းရင်းမြစ်များ

1 Kini 19:1

Kini vekamo Ehapi aʼmo kuvini a kanomo Yeyemefeʼmo muki Ilaiyaʼmo huʼniya kavafeʼmo ha paiʼniye. Inagi Ilaiyaʼmo muki Meo geʼamo aeʼa hakalo nehaya vayaʼmo naipeletiʼmo kamitimo apaiʼniya kavaʼefeʼmo ha paiʼniye.

1 Kini 19:3

Huʼnigeno Ilaiyaʼmo ani gemo afitenoʼaeʼmo ofalino afaʼa maisiyafeʼmo he tino aune heno visiyafeʼmo aliʼyaʼamo neʼaliya vekamo avaleteno anakaemo Yuta kotega Miyasima taonifiʼmo uʼana avaʼyi huteʼanaeʼmo Ilaiyaʼmo aliʼyaʼamo neʼaliya vekamo ani taonifiʼmo ateteno

2 Kini 6:1

Mago Gotitegati gemo aliniʼeʼa aeʼa hakalo nehaya vayaʼmogi Ilaisafeʼmo ha paiʼapaeʼmo, Afiyo, huʼa, Kagaeʼeʼmo maiʼnona mopamo aise mopatomogeno kanale huno nolate.

2 Kini 6:32

Ilaisaʼmo avalelino esiyafeʼmo mago vekamo alino ateʼnigeno uʼniye. Ani afinaʼmo Ilaisaʼmo noʼafiʼmo maiʼnigeʼapaeʼmo mago vayatama vayaʼmo eʼa agaeʼeʼmo magokepiʼmo maiʼnae. Kini vekamoʼmo ani alino ateʼnigeno eʼniya vekamo eno avaʼyi osuʼnigenoʼaeʼmo Ilaisaʼmo vayatama vayaʼaifeʼmo hapa painoʼaeʼmo, Ani kamitimo neʼapamagiya vekamoʼmo nagaemo lugoʼnimo hatagausiyafeʼmo mago vekamo alino ateʼnigeno neʼe. Neʼeyaʼmonanafa ani vekamo eno avaʼyi hisigetapaeʼmo kitamo kitapa alagi hu maleʼnigenoʼa agaemo nopiʼmo afaʼa eno haino meno. Kini vekageʼmo ani vekamo akame huno neʼe, huno hapa paiʼniye.

Samu 124:7

Umenimo mago vekamoʼmo maleʼnigenoʼaeʼmo namamoʼmo ageteno ataleno halelino neʼviya agufa kava huta apakaemo apataleta uʼnone. Umenimo kapalu aeʼnigetaeʼmo aeta hefita ago uʼnone.

Samu 6:8

Aviʼyaʼmo nehuva geʼnimo Ala kava neʼmoʼa afiʼniyaʼmofeʼmo hosu kavaʼmo nehaya vayanagi nataletapa viyo.

Samu 66:12

Kagaemo apataleʼnanageʼa kame vayatimogimo kamemo huʼa aeʼa laga seteʼa apaiyaletiʼmo aeʼa latapaiʼnae. Lagaemo atafiʼmo uge aniʼmo neheya yapatiʼmo lakaeta uge huʼnonaʼmonanafa lagufamo alika katika lateʼnanageta alagepa huta maiʼnone.

Hatu maeno apate'niya gemae 18:4

Henagaʼamo anile alino ateʼniya mafaʼneʼaeʼmo, Afoʼnimo Gotiʼamoʼmo nagaemo naha maeʼnigeno Isipi kini vekamoʼmo namagiʼnigeʼna ofaliʼnove, huno huʼniyaʼmofeʼmo agiʼamo Eliyesaʼae huno ateʼniye.

Aiyeya 43:2

Lapakaemo aniʼmo lakaesaya afinaʼmo lapakaeʼeʼmo magokepi lokaeʼna maiguve. Alopa aniʼmo lakaesayaʼmoʼmo aeno lapati okaegaiye. Lapakaemo atafatiʼmo faitapa kasalo paesaya afinaʼmo leno lapasaga olisigeno ata vaiʼmoʼa lapaleno lapafo osugiye.

Luki 21:24

Ati vayaʼmogimo mago vayaʼamo naipeletiʼmo lugoʼapimo heʼa hatagauteʼa mago vayaʼamo kalavusi huʼa apateteʼa muki alu nofi vayaʼaitegamo apavaleli uʼa apategae. Alu nofi vayaʼmogimo eʼa Yulusalemu taonifiʼmo kamemo huteʼa aliʼa hosu huʼa ateme ateme neʼvisageno alu nofi vayaʼmogi kanaʼapimo alagi hano hugiye.

1 Pita 4:12

Nahauʼniya vayaʼnimogitapae, huʼna, Kana yaʼmo atagana huno lapamalageka nehisigetapaeʼmo, aeto agufa kavaʼmo lagaetegamo afole neʼaiye, hutetapa lapau oʼaiyo.

1 Samiyo 18:11

Soloʼmo agesa afinoʼaeʼmo, Nagaemo yosaʼeʼmo aeʼna kamaeʼna ategauve, huteno hayoʼamo yaga auʼniyana aeno hatagauʼniye. Aeno hatagauʼniyaʼmofeʼmo Neviniʼmo lole afinaʼmo faino kasalo paeʼniye.

1 Samiyo 19:10

Inagi Soloʼmo agesa afinoʼaeʼmo, Nagaemo yosaʼeʼmo aeʼna kamaeʼna ategauve, huteno hayoʼamo yaga auʼniyana aeno hatagauʼnigeno Neviniʼmo faino kasalo paeʼniye. Solo hayoʼamo yosafiʼmo haniʼnigeno Neviniʼmo ani haniʼilagamo faino kasalo paeno aune heʼniye.

1 Samiyo 20:1

Soloʼmo Lama taonifiʼmo Naiyoti haopaleʼmo uno avaʼyi huʼnigenoʼaeʼmo Neviniʼmo Lama taonifatiʼmo ataleno aune hetaleno halate Yonatanitegamo uʼniye. Agaemo Yonatanifeʼmo hunoʼaeʼmo, Nagaemo na agufa kavaʼmo huʼnogenoʼaeʼmo afokamoʼmo kamitimo namagisigeʼna falisuvafeʼmo nehiye. Afokamo aulagaleʼmo na agufa hosu kavaʼmo huʼnove, huno ge huno afi geʼniye.