Himulu 11:32 - The Keyagana NT and 25 OT books

³² Magoʼe huʼna apava gemo hisufiye. Nagaemo Gitiyoniʼagi Malakiʼagi Samisoniʼagi Yefetaʼagi Neviniʼagi Gotitegati gemo alini eʼa aeʼa hakalo huʼa hapa nepaiya vayaʼaifenagi huʼna apava gemo huʼna avoʼmo kaesuva afinaʼnimo ohane.

Himulu 11:32 ပူးပေါင်းရင်းမြစ်များ

Samu 99:6

Mono huʼa neʼapataya vayapatiʼmo Moseseʼe Eloniʼeʼmo maiʼnaʼae. Samiyoʼeʼmo ani vayapatiʼmo Goti agiʼalefeʼmo nunumuʼmo huʼa keya aeʼa ge huʼnaya vayapatiʼmo maiʼniye. Apakaemo Ala kava nefeʼmo nunumuʼmo huʼnagenoʼaeʼmo afiteno geʼapileʼmo aeno atagaina huʼniye.

Matiyu 5:12

Alopa miyatapimo kokuʼnapiʼmo lapateʼniya miyatapimo aligayaʼmofeʼmo lapaipafiʼmo alagepa huta lapamogaga aiyo. Apakaemo hogoteʼa ani agufa kavaʼmo huʼa maiʼnaya vayaʼmogimo Gotitegati gemo alini eʼa aeʼa hakalo huʼa hapa nepaiya vayaʼaifeʼmo apaini huʼa apateʼnayaʼmofeʼmo lapamogaga aiyo.

Luki 13:28

Lapakaemo alino lapafaino lapatalesigeta maiʼnetapaeʼmo apakesayana Emalehamuʼagi Aisikiʼagi Yekopuʼagi muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼeʼmo Gotiʼa yagaino neʼapateya koteʼmo maiʼnisagetapaeʼmo malaga maiʼneta apaketetapaeʼmo aviʼyaʼmo huge lapaipamo leʼninagetapa lapavepiʼmo hanita agafu kige huta maigae.

Luki 16:31

Moseseʼa avoʼmo kae maleʼniya geʼe Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya geʼeʼmo oʼafisayana mago faliʼnisiya vekamoʼmo he tinuno hapa paisiya gemo oʼafigae, huno ha paiʼniye, huno Yesuʼa hapa paiʼniye.

Yoni 21:25

Yesuʼa magoʼe huno muki kavaʼamo huʼniyaʼmonanafa muki huʼniya kavaʼamo avoʼmo kaesunana asole mukumo hanesigeno ma mopafiʼmo hanesiya kaʼmo ohaneʼniye, huʼna nagesamo afiʼnove.

Apa 10:43

Muki laginago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogimo ava gemo huʼapaeʼmo, Gotiʼa ani vekamo agiʼaletiʼmo agaefeʼmo apakesamo afiʼa fatago nehaya vayaʼai hosu kavaʼapimo alino atalegaiye, huʼa avoʼmo kae maleʼnae, huno hapa paiʼniye.

Apa 13:20

Agaemo agoti gemo neʼafiya vayaʼmo apavaleno apamiʼnigeʼapaeʼmo fo hataleti fifitiʼa kafugamo yagaiʼa apateme apateme neʼagenoʼaeʼmo Samiyoʼmo Gotitegati gemo alinineno aeno hakalo huno hapa nepaiya vekamo afole aiʼniye.

Apa 3:24

He, muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmo Samiyoʼe Samiyo akamelegatiʼmo eʼnaya vayaʼmogiʼeʼmo hemenimo afole aiʼniya kavafeʼmo hogoteʼa ava gemo huʼa hapa paiʼnae.

Lomu 3:5

Lagaemo Yu vayaʼmogita hosu kavaʼmo huʼnisunana Goti fatago kavaʼamo vayaʼai apaulagaleʼmo magoʼe huno afole aiʼnisiyana na agufa gemo hugune. Gotiʼa anonatilefeʼmo kayoʼmo nelamisigetaeʼmo, hosu kavaʼmo nehiye, huta ma mopafi vayakana huta gemo hisupiye.

Lomu 4:1

Mani kavatefeʼmo laginago vekamo Emalehamuʼa agaiʼa agufaletiʼmo aliʼniye, huta hisupiye.

Lomu 6:1

Inagi lagaemo hemenimo na agufa gemo hugune. Gotiʼa magoʼe huno fikumo laha maeno lamisiyafeʼmo hosu kavaʼmo magoʼe huta huge huge huta maigune, huta hisupiye.

Lomu 7:7

Ani kavaʼmo nehiyaʼmofeʼmo keʼaepa geʼaeʼmo hosu gemo haneʼniye, huta hisupiye. Haʼao, alagi atalegeno hano hino. Goti keʼaepa geʼamoʼa hosu kavaʼnimo alino nave oliʼniyesinana oʼageʼnovesine. Keʼaepa gemoʼa, lahapaʼye osino, huno osuʼniyesinana naipafiʼmo nahaʼye nehiya kavaʼnimo oʼageʼnovesine.

Yemisi 5:10

Konagaʼnimogitapae, huʼna, ema akeyaʼvilaga vayaʼmogi Gotitegati gemo alini eʼa aeʼa hakalo huʼa hapa nepaiya vayaʼai kavafeʼmo lapakesamo afitetapa apakame hiyo. Apakaemo Ala kava neʼmo agiʼalefeʼmo geʼamo hapa nepaiʼapaeʼmo kana yaʼmo aliʼneʼapaeʼmo oʼataleʼa atafauʼa alagi huʼnae.

2 Pita 1:21

Na kava higeʼapaene. Goti geʼamo vayaʼmogi hapauʼniya kavatetiʼmo vayaʼai apaipafatiʼmo afole noʼaiyaʼmonanafa Goti Aunemeʼamokeʼmo apaote vayaʼmo kaʼmo alino apaveliʼnigeʼapaekeʼmo Goti geʼamo aeʼa hakalo huʼa hapa paiʼnae.

2 Pita 3:2

Lapakaemo akeyaʼvilaga apaote vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogi huʼnaya geʼe Ala kava neʼmo lagufamo alino katino nelateya vekamoʼmo apa vayaʼamogitaʼeʼmo hutaeʼmo, ani kavaʼmo hiyo, huta huʼnona getiʼeʼmo halate magoʼe hutapa lapakesamo afisayafeʼmo mani gemo avoʼmo nekaove.

1 Samiyo 1:20

Mago afinaʼmo utegeno Hanaʼa aipaguʼeʼmo maiteno ve mafaʼnemo alino ateʼniye. Agaemo hunoʼaeʼmo, Nagaemo Ala kava nefeʼmo namiyo, huʼna ge huʼna afigeʼnovaʼmofeʼmo agiʼamo Samiyoʼae, huʼna ategauve. Samiyoʼae agimo aepaʼamo Gotiʼa geʼnimo afiʼniye.

1 Samiyo 12:11

Inagi Ala kava neʼmoʼa nunumuʼmo huʼnaya gemo afitenoʼaeʼmo Yelamameliʼagi Mitaniʼagi Yepataʼagi Samiyoʼagi huno alino apateʼnigeʼa magoke magoke huʼa kame vayaʼai apayapatiʼmo lapakufamo aliʼa katiʼa lapateʼnagetapa alagepa huta maiʼnae.

1 Samiyo 16:1

Ala kava neʼmoʼa Samiyofeʼmo ina gemo hunoʼaeʼmo, kagaemo na magi afinaʼmo Solofeʼmo yulagefa aime aime ugane. Nagaemo nakameʼyamo amiʼnovanageno Isaleli vayaʼaiteʼmo kini vekamo magoʼe huno oʼmaigiye. Keʼmo alika olivi uvelimo he fika aliteka Yesiʼmo mago Metelehamu taonifi vekalegamo uvo. Yesi mafaʼne anagapatiʼmo nagaiʼnilefeʼmo kini vekamo aliʼna ha maleʼna ateʼnove, huno ha paiʼniye.

1 Samiyo 16:13

Samiyoʼmo ani alinino eʼniya uvelimo alino nepuʼamogi apaulagaleʼmo Nevini agenopafiʼmo lakino ateʼniye. Ani afinaʼmo Ala kava neʼmo aunemeʼamo emineno agaeteʼmo maitenoʼaeʼmo ani afinatetiʼmo agaeteʼmo maige maige huno maiʼniye. Inagi Samiyoʼmo halate Lama taonifiʼmo uʼniye.

1 Samiyo 17:45

Neviniʼa geʼaleʼmo aeno atagaina hunoʼaeʼmo, Kagaemo naipekamo alige hayokamo alige huteka nagaetegamo neʼane. Neʼanaʼmonanafa nagaemo Ala kava neʼmo agiʼaletiʼmo muki lokiyaʼamo haneʼniya Gotiʼa agiʼaletiʼmo Isaleli ami vayaʼmogitaleʼmo yagaino nelateya Goti agiʼaletiʼmo kagaetegamo neʼove. Kagaemo ani Gotifeʼmo huka faipa huka ateteka yagaino nelateya ami vayaʼaifeʼmo lame lame gemo huka laha paiʼnane.

1 Samiyo 2:11

Hanaʼmo nunumuʼmo hutenoʼaeʼmo agaemo Elakenaʼeʼmo Lema taonifiʼmo uʼnayaʼmonanafa aise mafaʼnemo Samiyoʼmo ani koteʼmo maiʼneno Ala kava neʼmo aliʼyaʼamo Ilai aulagaleʼmo aliʼniye.

1 Samiyo 2:18

Ani afinaʼmo Samiyoʼmo aise mafaʼnemo maiʼniyaʼmonanafa Ala kava neʼmo aulagaleʼmo agaemo monoʼmo huʼa neʼapataya vayaʼmogimo vaiʼa neʼaliya kukenamo vaino aliʼneno aliʼyaʼmo aliʼniye.

1 Samiyo 2:4

Gotiʼa lokiya ati vayaʼmogi atiʼapimo aeno lo aeʼniyaʼmonanafa lokiyaʼapimo ohaneʼniya vayaʼmo lokiya vaino apateʼniye.