Himulu 11:31 - The Keyagana NT and 25 OT books

³¹ Lehepiʼa kumai a kanomoʼmo agesamo afino fatago huʼniya kavatetiʼmo apamasa hisaʼafeʼmo eʼnaʼa vekalaʼmo alino falu fala huno anateʼnigeʼapaeʼmo Isaleli vayaʼmogi apakesamo afiʼa fatago osuʼnaya vayaʼmo hapaeteʼa Lehepiʼmo afaʼa ateʼnageno maiʼniye.

Himulu 11:31 ပူးပေါင်းရင်းမြစ်များ

Matiyu 1:1

Yesu Kalaisiʼa Nevini aginago vekamo maiʼnigeno Neviniʼa Emalehamu aginago vekamo maiʼniye. Yesu Kalaisi aginago vayaʼai apakiʼapimo haneʼniye.

Matiyu 1:5

Salimoniʼe Lehepiʼeʼmo Movasiʼmo aliʼana ateʼnaʼageʼanaeʼmo Movasiʼe Lutiʼeʼmo Ometiʼmo aliʼana ateʼnaʼageno Ometiʼa Yesiʼmo alino ateʼnigeno

Apa 15:33

Magoʼe afinaʼmo maiʼnaʼageʼapaeʼmo konagaʼanimogi hana paiʼanaeʼmo, apa vayaʼaifeʼmo ge apamamaeʼnona gemo utana hapa paiʼao, huʼa hana paiteʼana aliʼa anateʼnageʼana uʼnaʼae.

Himulu 3:18

Gotiʼa haiya vayaʼaifeʼmo lokiya gefatiʼmo hunoʼaeʼmo, Nagaeʼeʼmo maiʼa haga leʼa maisayapiʼmo alagi u haiʼa oʼmaigae, huno huʼniye. Geʼamo amagiʼa ataleʼnaya vayaʼaifeʼmo huʼniye.

Yemisi 2:25

Kumai kavaʼmo nehiya a kanomo Lehepiʼa kame vayaʼaifeʼmo apamasa hisaʼafeʼmo eʼnaʼa vekalaʼmo noʼafiʼmo uʼana havaesaʼafeʼmo havaesaʼa yaʼmo alino alagepa huno anateʼnigeʼana uʼana havaetaʼagenoʼaeʼmo visaʼa kaʼmo alino anave liʼniye. Ani kavaʼmo huno Gotiʼa ani a kanomoʼa huʼniya alagepa kavaʼaletifeʼmo hunoʼaeʼmo, naulagaleʼmo fatago a kanomo maiʼnane, huno ha paiʼniye.

Yasuva 1:1

Moseseʼmo Ala kava neʼmo aliʼyaʼamo neʼaliya vekamo ago falitegenoʼaeʼmo Ala kava neʼmoʼa Moseseʼmo ha maeʼniya vekamo Nani mafaʼnemo Yasuvafeʼmo mani gemo ha paiʼniye.

1 Pita 2:8

Magoʼe huno Goti mukufi gemoʼmo hunoʼaeʼmo, Ani yafaʼmoʼa apaiyafiʼmo hapaege vai lamino hapaege hisiyafeʼmo haneʼniye, huno huʼniye. Apakaemo Goti geʼamo noʼafiyaʼmofeʼmo vai lamino nehapae. Gotiʼa ani kavaʼmo hugae, huno hu maleʼniye.

1 Pita 3:20

Noaʼa hogoteno alopa sipimo alo nehigenoʼaeʼmo Gotiʼa vase vase huno apakava maime maime eʼniyaʼmonanafa geʼamo oʼafiʼnae. Gotiʼa hapa oʼmaenifa eitiʼa vayaʼatoʼmo anipiʼmo haneʼniya sipifiʼmo maiʼnaya vayaʼai apakufamo alino katino apateʼniye.