Himulu 11:23 - The Keyagana NT and 25 OT books

²³ Moseseʼmo itaʼafoʼalaʼmoganimo aliʼana ateteʼanaeʼmo, alagepa mafaʼnemo maiʼniye, huʼana ageʼnaʼaʼmofeʼmo anakesamo afiʼana fatago huʼnaʼa kavaʼaniletiʼmo loleʼe magoʼe kaimo maisiyafeʼmo aliʼana fala kiʼana ateʼnaʼae. Anakaemo kini vekamoʼmo hu maleʼniya keʼaepa geʼamo amagiʼana atalesaʼafeʼmo koli osuʼnaʼae.

Himulu 11:23 ပူးပေါင်းရင်းမြစ်များ

Samu 118:6

Ala kava neʼmo nagae vekamogeno naha maesiyafeʼmo maiʼniyaʼmofeʼmo vayaʼmogi nagaetegamo hisaya kavafeʼmo koli osuguve.

Samu 56:4

Nagaemo Gotiʼa hunoʼaeʼmo, lapa maegauve, huno huʼniya Gotifeʼmo ala agimo amiguve. Nagaemo Gotifeʼmo naha maegaiye, huʼna ago huʼnovanageʼna koli osuguve. Vayalafaʼmogimo nagaetegamo na agufa kavaʼmo afaʼa hugae.

Hatu maeno apate'niya gemae 1:16

Lanakaemo mago Himulu a kanomoʼmo ve mafaʼnemo alino neʼatesigetanaeʼmo ani mafaʼnemo alagi kamitimo amagisaʼageno faligiye. Amagigaʼaʼmonanafa a mafaʼnemo alino atesigetanaeʼmo oʼamagitana afaʼa ateʼao, huno hana paiʼniye.

Hatu maeno apate'niya gemae 1:22

Inagi kini vekamo Feloʼa Isipi vayaʼaifeʼmo hapa painoʼaeʼmo, muki Himulu vayaʼmogimo saufamo aliʼa apatesaya ve mafaʼne anagaʼmo apasagautapa alopa anipiʼmo yaga autapa apataletetapa a mafaʼnemo aliʼa apatesagetapaeʼmo afaʼa apateyo, huno hapa paiʼniye.

Aiyeya 51:12

Gotiʼa hunoʼaeʼmo, Nagaiʼnigeʼmo lapaipamo aliʼna falu huʼna lapategauve. Ina lagitapamo maiʼnetapaeʼmo falisiya vekaeʼmo koli huge kahaugana huʼa malage huʼa hano hisaya vayaʼaifeʼmo koli huge nehae.

Aiyeya 51:7

Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.

Neniyo 6:10

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Matiyu 10:28

Apakaemo amega apakufaʼamo kamitimo apamagigayaʼmonanafa apakupi mafaʼneʼamo alagi oʼapamagisaya vayaʼaifeʼmo koli osiyo. Apakufaʼe apakupi mafaʼneʼeʼmo alino ata kopiʼmo yaga auno apatalesiya vekaekeʼmo koliʼamo hiyo.

Apa 7:20

Aini huno neʼapategenoʼaeʼmo Moseseʼa afole aiʼniye. Gotiʼa Mosesefeʼmo hunoʼaeʼmo, Alagi kanale mafaʼnemo maiʼniye, huno amuse huno ateʼniye. Itaʼafoʼalaʼmoganimo loleʼe magoʼe kaimo noʼanifiʼmo fala kiʼana ateʼneʼana yagaiʼana ateʼana maiʼneʼana kumateʼmo avaleliʼuʼana lamiʼana ateʼnaʼae.

Himulu 13:6

Huno huʼniyaʼmofeʼmo koli osuta lokiya gemo hutaeʼmo, Ala kava neʼmoʼa laha neʼmaeya vekamo maiʼniye. Koli osugune. Ma mopafi vayaʼmogi lagaetegamo na agufa kavaʼmo hugae, huta hugune.