Himulu 10:4 - The Keyagana NT and 25 OT books

⁴ Pulumakamo kolaʼmoʼe mememo kolaʼmoʼeʼmo hosu kavaʼapimo afaʼa alino oʼatalegaiye.

Himulu 10:4 ပူးပေါင်းရင်းမြစ်များ

Samu 51:16

Nagaemo ofalinimo kamisuvafeʼmo kahauʼniyesinana kamuvesine. Nagaemo afumo amagiʼna atafiʼmo kaeʼna kamisuvana amuse osugane.

Aiyeya 66:3

Ani agufa vayaʼaifeʼmo amuse huʼna apategauvaʼmonanafa mago vayaʼmogimo apakaiʼapimo hapauʼniya kavaʼapikeʼmo akame nehae. Apaipamoʼmo hosu kavaʼapieʼmo alagi hauʼniye. Nagaemo muki nehaya ofalini kavaʼaeʼmo alagi noʼnahaiyaʼmofeʼmo apakaemo ve pulumakamo amagiʼa ofalinimo hisageʼnaeʼmo ina kava huʼa vayaʼmo apamagiʼnae, huʼna agegauve. Apakaemo sipisipi anaʼaumo ofalinimo hisageʼnaeʼmo nagaemo ina kava huʼna kalamo amagiʼa ofalinimo nehae, huʼna agegauve. Apakaemo vitigana agufa yaʼmo ofalinimo hisageʼnaeʼmo nagaemo ina kava huʼna afumo kolaʼmo ofalini nehae, huʼna agegauve. Apakaemo alagepa atumo neʼaiya ofalinimo hisageʼnaeʼmo nagaemo ina kava huʼna mago aigofe gotitefeʼmo ofalinimo nehae, huʼna agegauve.

Maki 12:33

Agaefeʼmo muki laipafatinagi muki lapagupi mafaʼnefatinagi muki laune lamepatinagi muki laya mufafatinagi huno lahauʼnisigeta lagaitieʼmo lahau layamopafiʼmo nelahaiya kava huta lahaopaleʼmo maiʼnaya vayaʼaifeʼmo lahaisiya kavaʼmoʼa afumo amagita atafiʼmo kaeta Gotina ofalinimo amige alu ofalinimo amige hisuna kavaʼmo ago aeno aga seʼniye, huno huʼniye.

Yoni 1:29

Egaʼamo Yoniʼa ageyana Yesuʼmo agaetegamo eʼnigeno agetenoʼaeʼmo, Ageyo, huno, ani vekamo Goti aikeli sipisipi vekaʼamae. Muki ma mopafi vayaʼai hosu kavaʼapimo alininuno atalegaiye.

Lomu 11:27

Ani kotalake gemo ago hapa paiʼnove. Henagaʼamo hosu kavaʼapimo aliʼna atalegauve, huno huʼniye.

Himulu 10:1

Gotiʼa Yu vayaʼmo apamiʼniya keʼaepa gemoʼmo alagepa aune kavaʼmo ohaneʼnifa alagepa kavaʼmo Gotiʼa afole aigiye, huno hu maleʼniya kavaʼmo alino lave lisiyafeʼmo yegemo auneʼagana huno haneʼniye. Kafugaʼae kafugaʼaeʼmo afumo amagiʼa amiʼnayaʼmonanafa ani agufa ofalinimoʼa alagepa huʼa maige maige huʼa maisayafeʼmo Gotitegamo neʼvaya vayaʼmo alagi alino alagepa huno oʼapategaiye.

Himulu 10:11

Muki Yu vayaʼmogimo mono huʼa neʼapataya vayaʼmo he tiʼa maiʼneʼapaeʼmo muki afinaʼae afinaʼaeʼmo aliʼyaʼmo neʼaliʼapaeʼmo ani agufa ofalinimo amite amite huʼa maiʼnayaʼmonanafa ani agufa ofalinimoʼmo hosu kavaʼapimo alagi alino oʼatalegaiye.

Himulu 10:8

Hogoteno hunoʼaeʼmo, Afumo amagiʼa nekamiya kavanagi ofalinimo nekamiya kavanagi afumo heʼa hiʼyalamuteʼmo maleʼneʼa ata nekaya kavanagi hosu kavaʼapilefeʼmo nekamiya kavanagi huno okahauʼniyaʼmofeʼmo amuse huka oʼapateʼnane, huno ha paiʼniye. Ani kavaʼmo nehuʼapaeʼmo keʼaepa gemo akame nehayaʼmonanafa amuse osuʼniye.

Himulu 9:9

Ani agufa aune kavaʼmo hemeni afina kavafeʼmo huʼniye. Alino apave linoʼaeʼmo, fikumo neʼamiya kavaʼmoʼe afumo amagiʼa neʼamiya kavaʼmoʼeʼmo mono nehaya vayaʼai apakupi mafaʼnemo alagi alino alagepa huno oʼategaiye.

1 Yoni 3:5

Lapakaemo ago afiʼnayana Kalaisiʼa hosu kavatimo alino atalesiyafeʼmo emineno afole aiʼniye. Agaiʼa aipafiʼmo hosu kavaʼamo alagi ohaneʼniye.