Himulu 10:39 - The Keyagana NT and 25 OT books

³⁹ Huno hu maleʼniyaʼmonanafa lagaemo ataleʼa aiʼa atagi neʼa uʼa afela heʼnaya nofi vayapatiʼmo oʼmaiʼnonaʼmonanafa lagaemo apakesamo afiʼa fatago huʼnageno apakupi mafaʼnemo alino katino neʼapateya nofi vayapatiʼmo maiʼnone.

Himulu 10:39 ပူးပေါင်းရင်းမြစ်များ

Mai'naya kavane 1:32

Gemo noʼafiya vayaʼmogimo nagaemo apakameʼyamo namiʼnayanageno ani kavaʼapimoʼmo hapaesigeʼa faligae. Negi vayaʼmogi huʼapaeʼmo, alagepa huta maiʼnone, huʼa nehaya geʼapimoʼmo apakaiʼapimo alino hano huno apatalegaiye.

Mai'naya kavane 14:14

Alagepa kaʼmo ataleʼnaya vayaʼmo kavaʼapilefeʼmo miyaʼapimo aligayaʼmonanafa alagepa vayaʼmo alagepa miyaʼapimo aligae.

Maki 16:16

Muki vayaʼmogimo apakesamo afiʼa fatago huteʼa aniʼmo falesagenoʼaeʼmo Gotiʼa apakufamo alino katino apategaiye. Apategaiyaʼmonanafa muki vayaʼmogimo apakesamo afiʼa fatago osisayaʼmoʼmo Gotiʼa agoti huno apatetenoʼaeʼmo, hosu vayane, huno hugiye.

Luki 11:26

aino atagineno uno seveniʼa hosu apaune vayaʼmogi magoʼe huʼa aeʼa aga seʼa hosu kavaʼmo nehaya hosu apaune vayaʼmo apavalelino eʼnigeʼapaeʼmo ani nopiʼmo uʼa haiʼa maiʼnae. Hosu aune vekamo aipafiʼmo maiʼniya vekamoʼmo hogoteno hosu kavaʼmo huno maiʼniyaʼmonanafa henagaʼamo magoʼe huno lusi hosu kavaʼmo huno maiʼniye, huno hapa paiʼniye.

Yoni 17:12

Nagaemo ma mopafiʼmo apakaeʼeʼmo magokepi lokaeʼna maiʼneʼnaeʼmo kagikaletiʼe himamukaletiʼeʼmo yagaiʼna apateʼnogeʼa afaʼa maiʼnayaʼmonanafa magoke vekaeʼmo kagae mukufi gemoʼmo hunoʼaeʼmo, afela hegaiye, huno huʼniya gemo afole aisiyafeʼmo alagi afela heʼniye.

Yoni 20:31

Lapakesamo afita fatago hutetapaeʼmo, Yesuʼa Kalaisi vekamo Goti Mafaʼneʼamo maiʼniye, hutetapa maiʼnetapaeʼmo agiʼaletiʼmo alagepa hutapa maige maige hutapa maisayafeʼmo mani gemo huʼna avoʼmo kae maleʼnove.

Yoni 5:24

Lama gemo lapa nepauve, huno, ina lagimo geʼnimo afiteʼa alino nateʼnigeʼna emineʼnova vekaeʼmo apakesamo afiʼa fatago nehisafigeʼa alagepa huʼa maige maige huʼa maisaya yaʼmo aliʼnae. Apakaemo fali kavategatiʼmo atale eʼa afaʼa neʼmaiyategamo maiʼnayanageʼna agoti huʼna apateteʼnaeʼmo, hosu vayaʼmo maiʼnae, huʼna hapa opaiguve.

Yoni 6:40

Alino nateʼnigeʼna emiʼneʼnova vekamoʼa hauʼniyanageʼa muki vayaʼamogi Mafaʼneʼamo ageʼa aeto huteʼapaeʼmo agaefeʼmo apakesamo afiʼa fatago nehisaya vayaʼmo afaʼa maige maige huʼa maisaya yaʼmo aligae. Aliʼnisageʼna ma mopamo hano hisiya afinaʼmo aliʼna he tiʼna apategauve, huno hapa paiʼniye.

1 Tesaloniyani 5:9

Gotiʼa aipamo leno lateteno kayoʼmo lamisiyafeʼmo lekana paino olateʼnifa Ala kava netimo Yesu Kalaisitetiʼmo laha maesiyafeʼmo lekana paino lateʼniye.

2 Tesaloniyani 2:3

Mago vayaʼmogi alu ge alu geletiʼmo humi lapategayanagi oʼafiyo. Ala kava neʼmo afinaʼmo fikumo afole oʼaigiyaʼmonanafa hogoteʼa muki asole vayaʼmogimo Goti kaʼmo alagi atalesagenoʼaeʼmo hosu vekamo Gotiʼa ata kopiʼmo uno lamigiye, huno huʼniya vekamo afole aitesigenoʼaeʼmo ani afinaʼmo afole aigiye.

1 Timoti 6:9

Kagemi yaʼapiʼe vayaʼmo maisayafeʼmo hapauʼnisiya vayaʼmo apamalageka hisiya kateʼmo neʼvagenoʼaeʼmo hosu hapaʼye kavaʼapimoʼa aneʼaifiʼmo hegekana huno neʼapatafaigeʼa alagi asagauʼa neʼaiyanageʼa ata kopiʼmo uʼa lamiʼa maigae.

Himulu 10:26

Lagaemo lama gemo ago ageta alagepa huʼnonaʼmofeʼmo amagita atalesunafeʼmo, kanalene, huta hisunana hosu kavatimo aeno kalo paeno atalesiya ofalinimo alagi ohaneʼniye.

Himulu 10:38

Inagi fatago vayaʼmo apakesamo afiʼa fatago nehaya kavatetiʼmo alagepa huʼa maigayaʼmonanafa mago vekamo halate ataleno aino atagi neno uʼnisiyaʼmoʼmo alagi aiseʼamo amuse huʼna oʼategauve, huno hu maleʼniye.

Himulu 11:1

Lagesamo afita fatago nehuna kavaʼmo afole aisiya kavatefeʼmo lavayagunagu huta agava neʼmauna kavaʼmo oʼageʼnona kavaʼmo alino lave neligeta alagi ago ageʼnone.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

2 Pita 3:7

Ani kavaʼmo huno Gotiʼa ma mopaʼe kokuʼnaʼefeʼmohunoʼaeʼmo, afaʼa haneno, huno huʼnigeno haneʼniyanageno atamoʼa leno saga lisiyafeʼmo afaʼa haneʼniye. Gotiʼa yagaino ateʼnigeno haneme haneme neʼeyanageno Gotiʼa agaefeʼmo mono nosaya vayaʼaina agoti huno apateteno alino apagoʼya lagauno apatalegaiye.

1 Yoni 5:16

Mago vekamoʼmo konagaʼamoʼmo ageʼniyana hosu kavaʼmo ofalisiya agufa hosu kavaʼmo huʼnisigeno agetenoʼaeʼmo Gotifeʼmo ge huno afi gesigenoʼaeʼmo ani konagaʼamoʼmo falisiya agufa hosu kavaʼmo osuʼniya konagaʼamoʼmo maige maige huno maisiya yaʼmo amigiye. Mago vekamoʼmo alagi falisiya agufa hosu kavaʼmo nehisiyana nunumuʼmo hutapa ateyo, huʼna nosuve.

1 Yoni 5:5

Ina lagimo ma mopafi kavaʼmo kame huʼa aeʼa agasegae. Yesuʼa Goti Mafaʼneʼamo maiʼniye, huʼa apakesamo afiʼa fatago nehaya vayaʼamogigeʼmo kame huʼa aeʼa agasegae.

Leveleseni 17:11

Afela afumo hogoteno maiʼniyanageno hemenimo oʼmaiʼnigeno napa eiti kini vekamo maiʼniye. Agaemo seveniʼa kini vayapati vekamo maiʼniyanageno alino agoʼya lagauno atalegaiye.

Leveleseni 17:8

Ageʼnana afela afumo hogoteno maiʼniyana hemenimo oʼmaiʼniyanageno henagaʼamo ive kelifatiʼmo afole aisigeno alagi alino agoʼya lagauno atalegaiye. Ma mopafi vayaʼmo Gotiʼa ma mopamo alo osuʼniya afinaʼmo afaʼa maisaya yaʼmo aliʼnisaya vayaʼai apakiʼapimo haneʼniya mukufiʼmo avoʼmo okaeʼnisiya vayaʼmogimo afela afumo ageteʼapaeʼmo hapau aigae. Hogoteno maiʼniyana hemenimo oʼmaiʼniyanageno halate henagaʼamo afole aigiyaʼmofeʼmo hapau aigae.

1 Samiyo 15:11

Afiyo, huno, Soloʼmo magoʼe huno nakame osuʼnifa nataleno atagi neno uʼniye. Agaemo huvo, huʼna ha paiʼnova gemo osuʼnifa geʼnimo amagino ataleʼniyaʼmofeʼmo kini vekamo aliʼna hamaleʼna ateʼnova kavafeʼmo lusi kava huʼna nahau huve, huno ha paiʼniye. Samiyoʼmo ani gemo afitenoʼaeʼmo aipamo kana huʼnigeno muki ani haniʼilagamo nunumuʼmo hume hume uʼniye.