Himulu 10:33 - The Keyagana NT and 25 OT books

³³ Lapakaefeʼmo vayaʼmogimo vayaʼai apaulagaleʼmo huʼa faipa huʼa lapateteʼa lapakaetegamo hosu kavaʼmo huʼnaya hanageke yaʼmo alige mani agufa kana yaʼmo aliʼnaya vayaʼeʼmo afalu afalugana hutapa neʼmaiya hanageke yaʼmo alige huʼnae.

Himulu 10:33 ပူးပေါင်းရင်းမြစ်များ

Samu 69:9

Kagaemo nokamo alagepa huno hanesiyafeʼmo nayamukiki nehuvaʼmofeʼmo noʼnagae. Huʼa faipa huʼa nekataya gemoʼmo nagaeteʼmo asagauno aiʼniye.

Samu 79:12

O Ala kava nene, huʼna, Alu nofi vaya alu nofi vayaʼmogiʼeʼmo huʼa faipa huʼa kateʼnaya kavaʼapimo anonaʼapilefeʼmo seveniʼa afinaʼmo aeka atagaina huvo.

Samu 89:51

O Ala kava nene, huʼna, kame vayakamogimo huʼa faipa huʼa lateʼnae. Apakaemo uvelimo lakika ateʼnana vekamoʼmo nehiya kavafeʼmo huʼa faipa huʼa ateʼnae.

Aiyeya 51:7

Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.

Neyomi 3:6

Nagaemo aliʼna afepiʼmo kateteʼna oʼaniʼya yaʼmo aliʼna kagufaleʼmo aiʼna atagu faiʼna malesugeka vayaʼai apaulagaleʼmo alagi hosu a kanomo maigane. Apakaemo aulu kahaeʼa kageteʼa apakameʼyamo kamigae.

1 Kolitiyani 4:9

Gotiʼa apa vayaʼamogitaeʼmo, henaga vayaʼmo maiʼnae, huno alino apave liʼniye, huʼna nagesamo neʼafuve. Lagaemo agoti huʼa apateteʼapaeʼmo vayaʼai apaulagaleʼmo faligae, huʼa huʼnageʼa maiʼnaya vayakana huta maʼnone. Gotiʼa alino afole aino lateʼnigeta ma mopafi vayaʼai apaulagaleʼe enisole vayaʼai apaulagaleʼeʼmo mago soʼmo nehaya agufa kavakana huta maiʼnonageʼapaeʼmo aulu lahaeʼa nelagae.

2 Kolitiyani 12:10

Aiguvaʼmofeʼmo Kalaisi agiʼalefeʼmo lokiya noʼvauva kavanagi huʼa faipa huʼa neʼnataya gegi kafu nehuva kavanagi apaini huʼa neʼnataya kavanagi hanageke yaʼmo neʼaluva kavatefenagi huʼna lusi kava huʼna namogaga aiguve. Na kavaʼmo higeʼnaene. Lokiya noʼvaiʼnaeʼmo lokiya vaiʼna maiʼnovaʼmofeʼmae.

Filipai 1:7

Gotiʼa fikumo naha maeno namiʼnigeʼna kalavusifiʼmo maiʼneʼnaeʼmo alagepa faigoko geʼamo ha maesuvafeʼmo ge huʼna aliʼna lokiya vaiʼna neʼatove. Fikumo naha maeno namiʼniya kava huno fikumo lapa maeno nelapamigetaeʼmo magoke agufa aliʼyaʼmo aliteta muki afinaʼmo magoke laipa lagesamo aliʼnonaʼmofeʼmo lapakaefeʼmo alagepa huʼna nagesamo neʼafuve.

Filipai 4:14

Ani gemo nehuvaʼmonanafa kana yaʼmo neʼaluva kavatefeʼmo alagepa kavaʼmo hutapa nagaeʼeʼmo afalu afalugana hutapa naha maeʼnae.

1 Tesaloniyani 2:14

Yutiya kotega vayaʼmo Kalaisi Yesupiʼmo maiʼnaya siosi vayaʼmogimo kana yaʼmo aliʼnae. Yu vayaʼmo vayaʼapimogimo kana yaʼmo aliʼa apamiʼnaya kava huʼa vayatapimogimo kana yaʼmo aliʼa lapamiʼnae. Konagatimogitapae, huta, ani kavaʼmo hutapa maiʼnetapaeʼmo Goti siosi vayaʼamo apakame hutapa maiʼnae.

2 Timoti 1:8

Lamiʼniyaʼmofeʼmo Ala kava netimo faigoko geʼamo aeka hakalo huka hapa paisanafeʼmo kavagage osinageka Kalaisi agiʼalefeʼmo kalavusifiʼmo maiʼnova vekaeʼmo kavagage osino. Kavagagemo osinageka faigoko gelefeʼmo hanageke yaʼmo alisayafeʼmo Goti himamuʼaletiʼmo kana yaʼmo aliyo. Nagaemo kana yaʼmo aliʼnova kava huka kana yaʼmo aligetaʼao.

Himulu 11:26

Agaemo Gotiʼa amisiya miyafekeʼmo agesamo afiʼniyaʼmofeʼmo Kalaisi agiʼalefeʼmo huʼa faipa huʼa natesaya kavaʼmo hogote kanale kavaʼmo haneʼnigeno Isipi koteʼmo haneʼniya kagemi yaʼe konali yaʼefeʼmo henaga yaʼmo ina agufa yaʼmo haneʼniye, huno agesamo afiʼniye.

Himulu 11:36

Mago vayaʼmogimo apakesamo afiʼa fatago huʼnaya vayaʼaifeʼmo huʼa faipa huʼa apateteʼa nofi kayotetiʼmo apamagiʼnae. Mago vayaʼmogimo apakesamo afiʼa fatago huʼnaya vayaʼmo seli nofitetiʼmo kiʼa apateteʼa kalavusi huʼa apateʼnae.

Himulu 12:4

Hosu kavafeʼmo kame nehageʼapaeʼmo kamitimo olapamagiʼnayaʼmofeʼmo oʼataleta kamemo hutapa ateyo.

Himulu 13:13

Apakameʼyamo amiʼnageno hosu vekagana huno maiʼnigeʼapaeʼmo lafi kegiʼya malagamo avaleliʼuʼa amagiʼnayaʼmofeʼmo apakameʼyamo lamisayafeʼmo agaetegamo lafi kegiʼya malagamo vigetao.