Himulu 10:25 - The Keyagana NT and 25 OT books

²⁵ Mago vayaʼmo aliʼa anupa huʼa neʼmaiya kavaʼmo ataleʼnayaʼmofeʼmo oʼataleta alagepa kavaʼmo hiyo, huta hapa paisunageʼa laha paisageta huta alita anupa huta maigetao. Alopa hosu afinaʼmo neʼegetapa ageʼnayaʼmofeʼmo ani kavaʼmo magoʼe hutapa hiyo.

Himulu 10:25 ပူးပေါင်းရင်းမြစ်များ

Matiyu 10:15

Lama ge lapa nepauve, huno, Gotiʼa agoti huno apatesiya afinaʼmo Gomola taonifiʼmo maiʼnaya vayaʼe Sotomi taonifiʼmo maiʼnaya vayaʼeʼmo hanageke yaʼmo aligayaʼmonanafa ani taonifiʼmo maiʼnaya vayaʼmogimo magoʼe huʼa aeʼa apaka seʼa lusi hanageke yaʼmo aligae.

Matiyu 18:20

Nagiʼnilefeʼmo lole vekalaʼmofi loleʼe magoʼe vayaʼmofi huno alino anupa huno apateʼnisageʼnaeʼmo nagaemo apakae folagapiʼmo maiʼnove, huno hapa paiʼniye.

Yoni 12:48

Mago vayaʼmogimo geʼnimo oʼafiʼa apakameʼyamo neʼnamisayana agoti huno apategaiye. Ma mopamo alino hano huno atalesiya afinaʼmo geʼnimokeʼmo agoti huno apategaiye.

Apa 16:16

Lagaemo nunumuʼmo nehaya yategamo neʼunagenoʼaeʼmo hosu aune aʼmafaʼnemo kalavusi aliʼyaʼmo aligekana huno aliʼyaʼmo neʼaliya aʼmafaʼnemo kateʼmo neʼegeta uta fotu huʼnone. Agaeteʼmo yagaiʼneʼa hogoteno afole aisiya kavaʼmo ageteno hapa paiʼnigeʼapaeʼmo alopa monimo alige alige huʼa neʼmaiya aʼmafaʼneʼeʼmo uta fotu huʼnone.

Apa 2:1

Yu vayaʼai hopa afinaʼmo agiʼamo Petikosi afinaʼmo afole aiʼnigeʼapaeʼmo muki apakesamo afiʼa fatago huʼnaya vayaʼmo magoke apaipa apakesamo aliteʼa mago nopiʼmo aliʼa anupa huʼa maiʼnae.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Apa 20:7

Geʼamo neʼafiya vayaʼmogimo hogote salefiʼmo Yesu kaveʼmo nesayafeʼmo aliʼa anupa huʼa maiʼnagenoʼaeʼmo Poloʼa egamo apataleno visiyafeʼmo alo huno maiʼnenoʼaeʼmo Goti geʼamo aeno hakalo huno hapa paime hapa paime neʼvigeno haniʼilaga folaguʼmo huʼniye.

Lomu 12:8

Alita he titapa apatesageʼapaeʼmo akame hisayafeʼmo lapamiʼnisiyana ani kavaʼmo hutapa Goti geʼamo hapa paitetapa alita he titapa apateyo. Fikumo hapa maeta apamisayafeʼmo lapamiʼnisiyana ani kavaʼmo hutapa alagepa huta lapakesamo afiʼnetapaekeʼmo fikumo hapa maeta apamiyo. Yagaitapa apatesayafeʼmo lapamiʼnisiyana ani kavaʼmo hutapa lapayamukiki hutapa yagaitapa apateyo. Lahapau hutapa apatesayafeʼmo lapamiʼnisiyana lapamogaga aiʼnetapa lapau hutapa apateyo.

1 Kolitiyani 11:20

Alita anupa hutapa maiʼnetapaeʼmo Ala kava neʼmo kave neʼyaʼmo nesayafeʼmo alagepa hutapa alita anupa hutapa noʼmaiye.

1 Kolitiyani 14:23

Muki siosi vayaʼamo eʼa aliʼa anupa huʼa maiʼneʼapaeʼmo alu apake alu apakemo neʼaisageʼapaeʼmo saufamo apakesamo afiʼa fatago hugefe nehisaya vayaʼmogimofi apakesamo afiʼa fatago osuʼnaya vayaʼmogimofi huʼa eʼa afiteʼapaeʼmo negi nagi gemo nehaya vayaʼmo maiʼnae, huʼa hugae.

1 Kolitiyani 14:3

Hapa nepaiyaʼmonanafa Gotitegati gemo alini eʼa aeʼa hakalo huʼa hapa nepaiya vayaʼmogimo aliʼa lokiya vaiʼa apatege alagepa kavaʼmo hisayafeʼmo aliʼa he tiʼa apatege hanageke yaʼmo neʼaliya vayaʼmo hapa maege nehae.

1 Kolitiyani 3:13

Kalaisi afinaʼmo afole aisigeʼapaeʼmo haiya kava huʼa noʼmo kiʼnisafigeno henagaʼamo afole yateʼmo alino afole aino ategaiye. Atamo lesiya afinaʼmo muki vayaʼai aliʼyaʼapimo alino apave ligiye. Atamoʼmo muki vayaʼai aliʼyaʼapimo amalageka hugiye. Alagepa aliʼyaʼmo aliʼnafi hosu aliʼyaʼmo aliʼnafi huno apamalageka hugiye.

1 Kolitiyani 5:4

Alita anupa hutapa maiʼnisagenoʼaeʼmo nauneʼnameʼamo lapakaeʼeʼmo magokepi lokaeno maiʼnisigetapa Ala kava neʼmo Yesu Kalaisi himamuʼaletiʼmo ani vekamo alitapa Satani ayapiʼmo ateyo. Sataniʼa kayoʼmo amisigenoʼaeʼmo agufamoʼmo hauʼniya kavaʼamo hano hisigeno Ala kava neʼmo Yesu afinaʼmo Gotiʼa ani vekamo aunemeʼamo alino katino atesiyafeʼmo alitapa Satani ayapiʼmo ateyo.

Filipai 4:5

Yuna lapaipa kavaʼmo alitapa apave ligeʼa lapakeyo, Ala kava neʼmo ago eminesiya afinaʼmo alagi hogo nehiyanagi.

1 Tesaloniyani 4:18

Maigunaʼmofeʼmo mani geletiʼmo konagatapimogi apaipamo alita falu hutapa apateyo.

1 Tesaloniyani 5:11

Huʼniyaʼmofeʼmo lapakaemo nehaya agufa kavaʼmo hutapa konagatapimogimo magoʼe hutapa hapa maetapa apaipamo alita lokiya vaitapa apatetetapa alita falu fala hutapa apateyo.

Himulu 10:24

Lagaemo alita he tita apatesunageʼapaeʼmo hapau apayamopafiʼmo hapauge alagepa kavaʼmo huge hisayafeʼmo konagatieʼmo lagesamo afifi huta maigetao.

Himulu 10:37

Ani kavatefeʼmo Goti mukufi gemoʼmo hunoʼaeʼmo, Aise afinaʼmo utesigeno eminesiya vekamo alagikeʼmo eminegaiye. Gemo afino oʼmaigifa malage huno eminegaiye.

Himulu 13:22

Konagaʼnimogitapae, huʼna, yatala gemo avoʼmo okaeʼnovana lapaipamo alino lokiya vaino lapatesiya gemo afitetapaeʼmo alagaʼmo olapaeʼninagetapa lapaipamoʼmo falu hino.

Himulu 3:13

Hosu kavaʼmoʼa humi lapateteno alino lokiya lapaipamo kalino lapategaiyanagi muki afinaʼae afinaʼaeʼmo konagatapieʼmo hutapaeʼmo, atafauta alagi hiyo, hutapa alita lokiya vaita apateyo. Akeyaʼvilagamo Gotiʼa hunoʼaeʼmo, hemenimo afiyo, huno huʼniya gemo hemeni kanatapimo hano osuno afaʼa haneʼniyaʼmofeʼmo hemenigeʼmo konagatapimo alita he titapa apateyo.

Yemisi 5:8

Ani kava hutapa atafauta alagi huʼnetapaeʼmo oʼataleta agava maiyo. Ala kava neʼmo aise afinaʼmo eminegaiyaʼmofeʼmo lapaipamo alita lokiya vaitapa lapateyo.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

2 Pita 3:11

Muki yaʼamo alagi hano hugiyaʼmofeʼmo hemenimo lapakaemo haiya agufa kavaʼmo hutapa maisaya kavaʼmo haneʼniye. Lapaote kavaʼmo nehutapaeʼmo Gotifekeʼmo mono hiyo.

2 Pita 3:14

Nahauʼniya vayaʼnimogitapae, huʼna, afole aigiyaʼmofeʼmo agaemo kahauya huno lapakesiyana agava maiʼnetapaeʼmo hosu kavatapimo ohanesigetapa vaiʼmo oʼalita agaeʼeʼmo alagepa hutapa magokepi lokaeta maisayafeʼmo lapayamukiki hiyo.

2 Pita 3:9

Mago vayaʼmogi Ala kava nefeʼmo huʼapaeʼmo, huguve, huno huʼniya kavaʼmo hisiyafeʼmo lagava maime maime neʼviye, huʼa nehayaʼmonanafa huguve, huno huʼniya kavaʼmo hisiyafeʼmo lagava neʼmaiye. Alino lagoʼya lagauno latalesiyafeʼmo ohauʼniyaʼmonanafa mukiʼamogitamo laipamo alita afe lesunafekeʼmo hauʼnigenoʼaeʼmo lagava neʼmaiye.

Yuti 1:19

Ani kavaʼmo nehaya vayaʼmogimo siosi vayaʼmo aliʼa fako huʼa neʼapatae. Goti Aunemeʼamo oʼaliʼa ma mopafi vayaʼmo maiʼnae.