Himulu 10:20 - The Keyagana NT and 25 OT books

²⁰ Agaemo aeʼa akani maleʼnaya kena kitamo ago yakino lateʼniyanageta agufaletiʼmo saufa kaʼmo maige maige huta maisuna kaʼmo ago valino lateʼniyaʼmofeʼmae.

Himulu 10:20 ပူးပေါင်းရင်းမြစ်များ

Matiyu 27:51

Faliʼnigenoʼaeʼmo alopa mono nopiʼmo alapaʼage lavolavoletiʼmo aeʼa akani maleʼnaya lavolavomo anagati aeno apake ailino emineno afelaga ataleʼniye. Lusi imima aliʼnigeno alopa yafa avemo aino apalo atiʼniye.

Maki 15:38

Faliʼnigenoʼaeʼmo alopa mono nopiʼmo alapaʼage kena aeʼa akani maleʼnaya kena anagatiʼmo aeno apake ailino lamino afelaga lole huʼniye.

Luki 23:45

Yegemoʼmo aeno ha neleya yaʼamo hano huʼnigenoʼaeʼmo alopa mono nopiʼmo alapaʼage kena kitamo aeno apake aino lole huʼnigenoʼaeʼmo

Yoni 10:7

Afiʼa aeto osuʼnayaʼmofeʼmo Yesuʼa halate hapa painoʼaeʼmo, alagi lama gemo lapa nepauve. Nagaemo sipisipi anagaʼmogi kipaʼapimo maiʼnove.

Yoni 10:9

Nagaekeʼmo kipaʼapimo maiʼnove. Gotiʼa nagaetetikeʼmo kegiʼya yuʼilagamo eno hainesiya vekamo agufamo alino katino atesigeno alagepa huno maigiye. Eno haineteno uno lamiteno nehunoʼaeʼmo neʼyaʼmo neteno alagepa huno maigiye.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Efasasi 2:15

Agaemo malipu yosaleʼmo maiʼnenoʼaeʼmo agufaletiʼmo Yu keʼaepa gemoʼmo ani kavaʼmo hiyo, ina kavaʼmo osiyo, huno huʼniya gemo alino ataleteno Yu nofi vayaʼe alu nofi vayaʼeʼmo alino agaepiʼmo lokaeno lateteno saufa nofi vayaʼmo alo huno latetenoʼaeʼmo kame nehuna kavatimo alino hano huno ataleʼniye.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

Himulu 6:19

Lavayagunagu huta agava neʼmauna yaʼmo lokiya yaʼmo afaʼa hanesiya yaʼmo haneʼniye. Aeniletiʼmo sipimo anipiʼmo aeʼa atafauʼa neʼataya yakana huno haneʼneno lagupi mafaʼnemo atafauno neʼate.

Himulu 9:3

Kenaletiʼmo aeʼa akani maleʼnaya noʼmo agiʼamo alagi aote mono noʼmo haneʼniye.

Himulu 9:8

Goti Aunemeʼamoʼmo ani kavaʼmo aepaʼaeʼmo hunoʼaeʼmo, hogote seli mono noʼmo afaʼa haneʼniya afinaʼmo anaga aote mono nopiʼmo vayaʼmo uʼa haisaya kaʼmo afole yateʼmo ohaneʼniye, huno huʼniye.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

1 Yoni 4:2

Muki vayaʼmogimo, Yesuʼa Kalaisi vekamo maiʼneno ma mopafi vayaʼai apakufagana agufamo aliteno vayaʼmo hamaleʼniye, huʼa nehaya vayaʼmo Goti Aunemeʼamo aliʼnae. Lapakaemo ani kavatetiʼmo ageʼnayana Goti Aunemeʼamo apaipafiʼmo maiʼniye, huta agetapa aeto huʼnae.

2 Yoni 1:7

Asole vayaʼmogimo vayaʼaifeʼmo humi neʼapataya vayaʼmo ma mopafiʼmo umenitata nehae. Apakaemo huʼapaeʼmo, Yesu Kalaisiʼa ma mopafi vayaʼmogi agufamo aliteno vayaʼmo hamaleʼniye, huʼa aeʼa hakalo nosae. Ani gemo nosaya vayaʼmo Kalaisi kame vayaʼamo maiʼnae.