Himulu 10:19 - The Keyagana NT and 25 OT books

¹⁹ Konagaʼnimogitapae, huʼna, ani gemo huʼniyaʼmofeʼmo koli osuta Yesu kolaʼaletiʼmo alagi aote mono nopiʼmo uta haigetao.

Himulu 10:19 ပူးပေါင်းရင်းမြစ်များ

Lomu 5:2

Agaetetiʼmo lagesamo afita fatago huʼnona kavatetiʼmo eta haiteta Gotiʼa fikumo laha maeno nelamiya kavaʼafiʼmo maiʼnetaeʼmo, Goti ha le konali hetamatimo aligune, huteta lavayagunagu huta agava neʼmaune.

Lomu 8:15

Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

Efasasi 2:18

Agaemo lagaeʼe lapakaeʼeʼmo kaʼmo valino lateʼniyanageta hemenimo magoke Aunemeʼaletiʼmo muki yaʼmo Afoʼamotegamo afaʼa uta haigune.

Efasasi 3:12

Agaepiʼmo maiʼneta agaefeʼmo lagesamo afita fatago nehuna kavatetiʼmo koli osuge lole lagesamo oʼafige huteta Gotitegamo neʼune.

2 Timoti 1:7

Na kava nehiyaʼmofeʼmae. Gotiʼa lamiʼniya Aunemeʼamoʼmo laipafiʼmo aliʼyaʼmo neʼaligetaeʼmo lamoʼya oʼaita himamuʼamo aliʼneta lahau layamopafiʼmo lahauʼnigeta lagesamo neʼafuna kavateʼmo neʼyagaune.

Himulu 10:18

Gotiʼa hosu kavaʼapimo ago alino ataleʼniyaʼmofeʼmo hosu kavaʼapilefeʼmo halate amisaya ofalinimo alagi ohaneʼniye.

Himulu 10:35

Ani kavaʼmo hutapa maiʼnayaʼmofeʼmo oʼataletapa atafauta alagi hutapa maiyo, alopa miyatapimo aligae.

Himulu 12:28

Lagaemo yagaiʼnaya kini vayaʼmogi nehaya kavaʼmo lateʼnigeta aliʼnonanageta alagepa huta maige maige huta maigune. Ani kavaʼmoʼa kanage kanage osugiyaʼmonanafa hanege hanege huno haneʼneno haneno hano osuno afaʼa hanegaiye. Ago lamiʼniyaʼmofeʼmo hao ke heteta Goti aiyafiʼmo maiʼneta koli huʼneta mono higetao.

Himulu 3:1

Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Himulu 4:16

Inagi atete osuta Gotiʼa yagaino neʼapateya siyaʼaleʼmo fai maiʼnenoʼaeʼmo fikumo laha maeno nelamiya kavategamo vigetao, kana yaʼmo alisuna afinaʼmo hau huno lateteno fikumo laha maeno lamigiyaʼmofeʼmae.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.

Himulu 9:12

Agaemo mememo kolaʼaletiʼe aikeli pulumakamo kolaʼaletiʼeʼmo aote mono nopiʼmo uno ohaiʼnifa agaiʼa kolaʼaletiʼmo muki afinatefeʼmo magoke afinaʼmo alagi uno haitenoʼaeʼmo maige maige huta maisunafeʼmo alagi hatu maeno lateteno uno haiʼniye.

Himulu 9:3

Kenaletiʼmo aeʼa akani maleʼnaya noʼmo agiʼamo alagi aote mono noʼmo haneʼniye.

1 Yoni 4:17

Gotiʼa agoti huno apatesiya afinaʼmo lagaemo koli osisunafeʼmo Gotiʼa lagaefeʼmo hau ayamopafiʼmo hauʼniya kavaʼamoʼmo laipafiʼmo kosino ago afu leʼniye. Hemenimo Kalaisiʼa maiʼniya kava huta ma mopafiʼmo maiʼnonaʼmofeʼmo agoti huno apatesiya afinafeʼmo koli osugune.