Himulu 10:14 - The Keyagana NT and 25 OT books

¹⁴ Agaemo magoke ofalinimo amiteno apavaleno apaoteʼmo apateteno alagi alino alagepa huno apateʼniyanageʼa alagepa huʼa maige maige huʼa maigae.

Himulu 10:14 ပူးပေါင်းရင်းမြစ်များ

Apa 20:32

Konagaʼnimogitapae, huʼna, hemenimo nagaemo Gotiʼa yagaino lapatesiyafeʼmo ayapiʼmo lapateʼnove. Gotiʼa fiku hapa maeno neʼapamiya geʼaletiʼmo afaʼa alino lokiya vaino lapateteno hetamatapimo lapamiteno apaote vayaʼaʼeʼmo magokepi alino lokaeno lapategaiye.

Apa 26:13

Ala kini vekao, huno, Felugakukuʼmo kateʼmo neʼugenoʼaeʼmo ha le yaʼmoʼa yegemo ago aeno agaseʼniya ha le yaʼmo nagaeteʼmo aeno ha leʼnigeta nagaeʼeʼmo magokepi lokaeta uʼnona vayaʼeʼmo ageteta mopafiʼmo asagauta aita lagoʼya faiʼnone.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Efasasi 5:26

Agaemo siosi vayaʼamo alino apaote apateʼneno Goti geʼaletiʼmo aniʼmo falegekana huno faleno apatesiyafeʼmo siosi vayaʼalefeʼmo falino apateʼniye.

Himulu 10:1

Gotiʼa Yu vayaʼmo apamiʼniya keʼaepa gemoʼmo alagepa aune kavaʼmo ohaneʼnifa alagepa kavaʼmo Gotiʼa afole aigiye, huno hu maleʼniya kavaʼmo alino lave lisiyafeʼmo yegemo auneʼagana huno haneʼniye. Kafugaʼae kafugaʼaeʼmo afumo amagiʼa amiʼnayaʼmonanafa ani agufa ofalinimoʼa alagepa huʼa maige maige huʼa maisayafeʼmo Gotitegamo neʼvaya vayaʼmo alagi alino alagepa huno oʼapategaiye.

Himulu 10:10

Yesu Kalaisiʼa Gotiʼmo hauʼniya kavaʼmo huʼniyaʼmofeʼmo muki afinatefeʼmo magoke afinaʼmo agaiʼa agufamo amiʼniya ofaliniletiʼmo hosu kavatimo alagi aeno kalo paeʼnigeta laote alagepa vayaʼamo maiʼnone.

Himulu 10:12

Huʼnayaʼmonanafa ani vekamoʼmo muki afinatefeʼmo magoke ofalinimo amiteno Goti lamaga haopaleʼmo fai maiʼniye.

Himulu 13:12

Ani kavaʼmo nehagenoʼaeʼmo Yesuʼa vayaʼamo kolaʼaletiʼmo apavaleno alino apaoteʼmo apatesiyafeʼmo taonimo lafi kegiʼya malagamo uno faliʼniye.

Himulu 2:11

Yesuʼa apavaleno apaote apateʼniya vekamoʼe apavaleno apaote apateʼniya vayaʼaʼeʼmo magoke agufa yaʼmo aliʼnayaʼmofeʼmo naganaʼnimogitapae, huno hapa paisiyafeʼmo avagage nosiye.

Himulu 7:19

Keʼaepa gemoʼa uʼa haiʼa hapaisaya kaʼmo valino oʼapateʼniyaʼmonanafa hemenimo ago aeno agaseʼniya kavaʼmo hu maleʼnigeta lavayagunagu huta agava neʼmauna kavatetikeʼmo Goti haopaleʼmo neʼune.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.

Himulu 9:10

Ani agufa kavaʼmo amega apakufale kavaʼmo haneʼniyana neʼyanagi aninagi sese nehaya kavanagi huno haneʼniye. Ani kavaʼmo haneme haneme neʼesigenoʼaeʼmo saufa afinaʼmo Gotiʼa alino alagepa huno apatesiya afinaʼmo afole aisigenoʼaeʼmo hano hugiye.

Himulu 9:14

Afumo kolaʼmoʼa vayaʼmogi amega apakufaleʼmo aeno kalo paeno apaeʼniyaʼmonanafa afaʼa neʼmaiya yaʼmo neʼapamiya Goti aliʼyaʼamo alisayafeʼmo Kalaisi kolaʼamoʼa magoʼe huno lapakupi mafaʼnemo falisaya kavaʼmo aliʼyaʼalefeʼmo aeno kalo paeno lapategaiye. Agaemo hosu kavaʼamo alagi ohaneʼniya vekamo maige maige huno neʼmaiya Aunemeʼaletiʼmo agaiʼa agufamo Gotiʼmo amiʼniye.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.