Himulu 1:14 - The Keyagana NT and 25 OT books

¹⁴ Enisole vayaʼmo apauneʼapameʼe vayaʼmo maiʼneʼa Goti aliʼyaʼamo neʼaliya vayaʼmo maiʼnae. Gotiʼa fikumo hapa maeno apakufamo alino katino apatesiya vayaʼmo hapa maesayafeʼmo alino apateʼnigeʼa emineʼae.

Himulu 1:14 ပူးပေါင်းရင်းမြစ်များ

Aepa Gemae 32:24

Inagi ago utageno Yekopuʼa agaiʼageʼmo maiʼnigenoʼaeʼmo mago vekamo eʼnigeʼana agaeʼeʼmo anu kiliʼneʼana alino havaeno atetegeno alino havaeno atetegeno lusi kava huʼana anayamukiki huʼana huliʼana neʼvaʼageno kotiʼniye.

Samu 104:4

Agaemo enisole vayaʼamo yasigana huno alo huno apateʼniye. Aliʼyaʼamo neʼaliya enisole vayaʼmo ata vaikana huno alo huno apateʼniye.

Samu 34:7

Ala kava neʼmo enisole vekaʼamoʼmo Ala kava nefeʼmo koli nehaya vayaʼaiteʼmo yagaino vego huno apateteno apakufamo alino katino neʼapate.

Neniyo 3:28

Nepukanesaʼmo hapa painoʼaeʼmo, Vayaʼmogimo Satalakiʼagi Misakiʼagi Ameʼnagoʼagi huʼa Gotiʼapimoʼmo alita auletapa ateyo. Agaemo enisole vekaʼamo alino ateʼnigeno emineno agaefeʼmo mono huteʼa aliʼa amufa amiʼnaya vayaʼai apakufamo alino katino apateʼniye. Apakaemo geʼnimo amagiʼa ataleteʼa apakufamo falisaya kavaʼmo afaʼa amiʼnae. Gotiʼapimotefeʼmo mono hisaya kavafekeʼmo hapauʼniyaʼmofeʼmae.

Neniyo 6:22

Gotiʼnimoʼa enisole vekaʼamo alino ateʼnigeno emineno laiyoni anagaʼmogi apavayaleʼmo alino akanigeʼa nahaeʼa oʼneʼnae. Agaemo nageʼniyana aulagaleʼmo mago hosu kavaʼmo osuge kagaetegaʼeʼmo mago hosu kavaʼmo osuge huʼnovaʼmofeʼmae.

Neniyo 7:10

aulagaleʼmo aeno ha lelino uʼniye. Asole tauseniʼa vayaʼmogi aliʼyaʼamo aliʼnageʼapaeʼmo agae aulagaleʼmo asole asole miliyoniʼa vayaʼmo he tiʼa maiʼnae. Agoti gemo afisaya vayaʼmo fai maiʼnageno asole mukumo alino vaga leʼniye.

Matiyu 1:20

Agesamo afiteno alagamuna ageyana Ala kava neʼmo enisole vekamo agaetegamo emineʼnigeno ageʼniye. Enisole vekamoʼmo ha painoʼaeʼmo, Nevini aginago vekamo Yosefeyo, huno, aote Aunemeʼamoʼmo aipaguʼmo amiʼniyaʼmofeʼmo akamo Maliyaʼa alisanafeʼmo koli osuvo.

Matiyu 13:41

Vemo mafaʼnemoʼmo enisole vayaʼamo alino apatesigeʼa uʼa yagaino neʼapateya kegiʼyafatiʼmo aliʼa hapafaiʼa apatalegae. Hosu kavaʼmo hisayafeʼmo aliʼa he tiʼa neʼapataya vayanagi muki hosu vayanagi huʼa apavaleliʼuʼa

Matiyu 18:10

Ehetapiye, huno, aise mafaʼne anagaʼaifeʼmo ina agufa vayane, hutapa osiyo. Lapa nepauve, huno, yagaiʼa neʼapataya enisole vayaʼmogimo muki afinaʼmo kokuʼnapi afoʼnimo augosafiʼmo ageʼnae.

Matiyu 2:13

Apakaemo utagenoʼaeʼmo Yosefeʼa alagamuna ageʼniyana Ala kava neʼmo enisole vekaʼamoʼa hunoʼaeʼmo, he tika mafaʼneʼaʼe itaʼamoʼeʼmo anavalelika kaune heka Isipi kotegamo uvo. Helotiʼa ani mafaʼnemo amagisiyafeʼmo kahauya nehiyanagi anavalelikuka Isipi kotegamo nagava maiʼnegeʼnao kaha paiguve, huno ha paiʼniye.

Matiyu 24:31

Mago enisole vekamoʼmo alopa gefatiʼmo pikuli nehisigenoʼaeʼmo agaemo enisole vayaʼamo alino apatesigeʼa ma mopamo loleʼe loleʼe atupaleʼmo uʼeʼa huʼa lekana paino apateʼniya vayaʼmo apavaleli eʼa aliʼa anupa huʼa apategae.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Matiyu 4:11

Nevoʼa ataleno uʼnigeʼapaeʼmo enisole vayaʼmogimo emiʼeʼa ha maeʼnae.

Maki 10:17

Yesuʼa ugefeʼmo kateʼmo neʼvigenoʼaeʼmo mago vekamo nagu nagu huno eno aleʼya faiʼnenoʼaeʼmo, Alagepa tisao, huno, maige maige huʼna maisuva yaʼmo alisuvafeʼmo na kavaʼmo hisuve, huno afi geʼnigenoʼaeʼmo

Luki 1:19

nagaemo Gemaliyoʼnamae. Muki afinaʼmo Goti haopaleʼmo aliʼyaʼamo alisuvafeʼmo he tiʼna neʼmauve. Gotiʼa kagaemo kamogaga aisana gemo kaha paisuvafeʼmo alino nateʼnigeʼna kagaetegamo emiʼneʼnove.

Luki 1:23

Henagaʼamo mono nopiʼmo aliʼyaʼmo alino hano huteno noʼalegamo uʼniye.

Luki 16:22

Afaʼa maiʼneno aukaya nehiya vekamo faliʼnigeʼapaeʼmo enisole vayaʼmogi emi eʼa avaleli uʼa haiʼa kokuʼnapiʼmo Emalehamu haopaleʼmo ateʼnageno maiʼniye. Ani kavaʼmo huno kagemi yaʼamo haneʼniya vekamo faliʼnigeʼapaeʼmo alini uʼa kiʼa ateʼnae.

Luki 2:13

Hapa paiʼnigeʼapaeʼmo malage huʼa agaeʼeʼmo asole enisole vayaʼmo afole aiteʼa Goti agiʼaleʼmo aliʼa asaga huʼa ateʼapaeʼmo,

Luki 2:9

Ala kava neʼmo enisole vekaʼamo afole aiʼnigeno Ala kava neʼmo ha le konali yaʼamoʼmo aeno ha leʼnigeʼapaeʼmo lusi kava huʼa apamoʼyamo aiʼnae.

Apa 11:22

Ani kavafeʼmo ava gemo aino atagu faeno uneno huʼnigeʼa Yulusalemu siosi vayaʼmogi ani gemo afiteʼapaeʼmo Manamasiʼa aliʼa ateʼnageno Atiyoki taonifiʼmo uʼniye.

Apa 12:23

Nehagenoʼaeʼmo Ala kava neʼmo enisole vekaʼamo emineno Helotiʼmo amagiʼnigeno hagifamoʼmo agufafiʼmo neʼnigeno faliʼniye. Agaemo Goti agiʼaleʼmo alino asaga huno oʼateʼniyaʼmofeʼmo amagiʼnigeno faliʼniye.

Apa 12:7

Ala kava neʼmo enisole vekaʼamo afole aiʼnigenoʼaeʼmo maiʼniya kalavusi nopiʼmo aeno ha leʼniye. Enisole vekamoʼmo Pita haopaleʼmo amagino hauneno atetenoʼaeʼmo, Malage huka he tiyo, huno ha paiteno aupatiʼmo alino he tino ateʼnigenoʼaeʼmo lole seli nofitalaʼmo ayapatiʼmo aino hatu maeno asagauno aiʼniye.

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 16:26

Maiʼnagenoʼaeʼmo malage huno lusi imimaʼmo aliteno noʼmo faiʼa ateʼnaya yafaʼmoʼa lusi kava huno uti uti aiʼnigeno muki kitaʼamo malage huno ago aino yakiʼnigenoʼaeʼmo kalavusi huʼa apateʼnaya vayaʼai seli nofiʼmo aino hatu maeʼniye.

Apa 27:23

Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Apa 5:19

Apateʼnayaʼmonanafa mago Ala kava neʼmo enisole vekamoʼmo haniʼilagamo emineno kalavusi nopi kitamo yakino apavalelino uno lamino kumateʼmo apateʼnenoʼaeʼmo,

Lomu 13:6

Gamani vayaʼmogi Goti aliʼyaʼamo neʼaliyanageʼa takesi monimo neʼaliyaʼmofeʼmo takesi monimo afaʼa apamiyo.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Lomu 15:27

Yu nofi vayaʼmo oʼmaiʼnaya vayaʼmogimo hapauʼniyaʼmonanafa Yu vayaʼaina hapa maesaya anonaʼapimo haneʼniye. Yu vayaʼmogimo apauneʼapameʼmo hapa maesiya yaʼmo apamiʼnayaʼmofeʼmo Yu nofi vayaʼmo oʼmaiʼnaya vayaʼmogimo Yu vayaʼaina amega apakufale yaʼmo apamisaya agufa anonaʼapimo haneʼniye.

Lomu 8:17

Goti mafaʼneʼamo maiʼnonaʼmofeʼmo Afotimo yaʼamo alisunafeʼmo mafaʼneʼamo maiʼnone. Kalaisiʼeʼmo Afotimo yaʼmo aligune. Lagaemo agaeʼeʼmo magokepi kana yaʼmo neʼalisunana agaeʼeʼmo ha le konali yaʼamo magokepi aligune.

1 Kolitiyani 1:21

Gotiʼa afiʼniya geʼaletiʼmo ani kavafeʼmo hunoʼaeʼmo, afiteʼa ageʼnaya kavatetiʼmo nageʼa aeto osugae, huno huteno kaʼmo akani maleʼniye. Agaemo negi nagi gemo haneʼniye, huʼa apakesamo neʼafiya faigoko geʼamo aeta hakalo huta hapa nepauna geʼaletiʼmo Kalaisifeʼmo apakesamo afiʼa fatago nehaya vayaʼai apakufamo alino katino neʼapate.

2 Kolitiyani 9:12

Ani aliʼyaʼmo alitetapaeʼmo apaote vayaʼmo kafu huʼnaya vayaʼaina hapa maesaya kavaʼageʼmo afole oʼaigifa havai teteno aino vali nelamiya kava huno Goti agiʼaleʼmo aliʼa asaga hisaya kavaʼeʼmo magoʼe magoʼe huno afole aigiye.

Galesiya 3:29

Lapakaemo Kalaisi vayaʼamo maiʼnisayana Emalehamu aginago vayaʼmo maiʼnae. Mafaʼneʼapimogimo afoʼapimogi muki maleʼnaya yaʼapimo neʼaliya kava hutapa Gotiʼa fikumo kaha maeʼna kamiguve, huno ha paiʼniya polomasi geletiʼmo muki yaʼamo afaʼa aligae.

Galesiya 3:7

Huno ha paiʼniyaʼmofeʼmo apakesamo afiʼa fatago nehaya vayaʼageʼmo Emalehamu aginago vayaʼamo maiʼnae, hutapa lapakesamo afiyo.

Galesiya 3:9

Ha paiʼniyaʼmofeʼmo Gotiʼa agesamo afino fatago huʼniya vekamo Emalehamuʼe apakesamo afiʼa fatago nehaya vayaʼeʼmo magoke agufa kava huʼa aulena vayaʼmo maiʼnae.

Efasasi 3:6

Alu nofi vayaʼmogimo Kalaisifeʼmo alagepa faigoko geʼamo afiteʼa apakaeʼeʼmo magoke vayaʼmo hamaleteʼa Gotiʼa Yu vayaʼaina apamisigeʼa alisaya kava huʼa Kalaisitetiʼmo aligae. Mafaʼneʼapimogimo muki afoʼapimogi yaʼmo neʼaliya kava huʼa aligae, huno alino lave liʼniye.

Filipai 2:17

Lapakesamo afita fatago huʼnetapaeʼmo alagepa kavaʼmo nehaya kavaʼmoʼa lapakaemo Gotiʼmo ofalini neʼamiya yakana huno haneʼniye. Namagisageʼna faliʼnaeʼmo kolaʼnimo lapakae ofalinileʼmo laki malesuvana namogaga aiteʼna lapakaeʼeʼmo magokepi lamogaga aigune.

Filipai 2:25

Lapakaemo konagatimoʼmo Epafalonaitasiʼa naha maesiyafeʼmo alita ateʼnageno nagaetegamo eʼniye. Konagaʼnimoʼmo eʼnigetaʼaeʼmo nagaeʼeʼmo magokepi lokaetaʼa maiʼnetaʼa aliʼyaʼmo alige kamemo huge hutaʼa neʼmauʼae. Visiyafeʼmo oʼnahauʼniyaʼmonanafa uno lapakaemo lapakesiyafeʼmo lusi kava huno agesamo neʼafiyaʼmofeʼmo aliʼna atesugeno lapakaetegamo ugiye. Lapakaemo kaitaʼmo hauʼniye, huʼa huʼnaya gemo afiʼnayaʼmofeʼmo aipamoʼmo kana nehiye.

2 Tesaloniyani 1:7

Ala kava neʼmo Yesu Kalaisiʼagi himamuʼapiʼe enisole vayanagi huʼa ata vaipiʼmo kokuʼnapatiʼmo emiʼeʼa muki vayaʼai apaulagaleʼmo afole neʼaisagenoʼaeʼmo Gotiʼa lapakaemo kana yaʼmo aliʼnaya vayaʼmo alino falu huno lapatesigeta lagaeʼe lapakaeʼeʼmo magokepi maita haga legaune.

Taitasi 3:7

Gotiʼa fikumo laha maeno lamitenoʼaeʼmo, naulagaleʼmo fatago vayaʼmo maiʼnae, huno huʼnigetaeʼmo faliʼniya kavatetiʼmo Afotimotegatiʼmo maige maige huta maisuna yatimo alisunafeʼmo agava maiʼneta lamogaga neʼauna yaʼmo ago lamiʼniye.

Himulu 10:11

Muki Yu vayaʼmogimo mono huʼa neʼapataya vayaʼmo he tiʼa maiʼneʼapaeʼmo muki afinaʼae afinaʼaeʼmo aliʼyaʼmo neʼaliʼapaeʼmo ani agufa ofalinimo amite amite huʼa maiʼnayaʼmonanafa ani agufa ofalinimoʼmo hosu kavaʼapimo alagi alino oʼatalegaiye.

Himulu 2:3

Apamiʼniyaʼmofeʼmo Ala kava neʼmo Gotiʼa lusi kava huno vayaʼai apakufamo alino katino neʼapateya kavafeʼmo ava gemo ago hapa paiʼnigeʼa afiʼnaya vayaʼmogimo, lama gemo haneʼniye, huʼa laha paiʼnaya gemo oʼafita afaʼa maisunana haiya kava huta faita kasalo paegaune.

Himulu 5:9

Gotiʼa aliʼyaʼamo alisiyafeʼmo avaleno aote ateʼnigenoʼaeʼmo agaemo geʼamo akame nehaya vayaʼai apakufamo alino katino neʼapateya kavaʼmo afoʼamoʼmo hamaleʼniye.

Himulu 6:12

Alagaʼmo olapaeʼninagetapa Gotiʼa polomasi gemo hunoʼaeʼmo, lapamiguve, huno hu maleʼniya yaʼmo aliʼnaya vayaʼai apaiyakamo aliyo. Apakaemo oʼataleʼa apakesamo afiʼa fatago huʼneʼa atafauʼa alagi huʼa maime maime neʼeʼapaeʼmo aliʼnae.

Himulu 6:17

Ani kavakana huno Gotiʼa lapa maegauve, huno hapa paiʼniya vayaʼmogi huʼapaeʼmo, Gotiʼa halate alu gemo osugiye, huteʼa alagepa huʼa afisayafeʼmo agaiʼa agiʼaletiʼmo agoʼyamo ataleteno huʼniya geʼalefeʼmo agesamo afitenoʼaeʼmo, ani kavaʼmo afaʼa afole aigiye, huno hu maleʼniya geleʼmo alino lokiya vaino ateʼniye.

Himulu 8:6

Neʼaliyaʼmonanafa hemenimo agaemo aeno agaseʼniya aliʼyaʼmo aliteno kotalakemo folagapi vekamo maiʼniye. Ani kotalakemoʼa atafa kotalakemo ago aeno agaseʼniye. Gotiʼa, lapa maegauve, huno hu maleʼniya polomasi geʼaletiʼmo saufa kotalakemo alino he tino ateʼniye. Saufa kotalakemo lapa maegauve, huno hu maleʼniya polomasi geʼamoʼmo atafa kotalakemo lapa maegauve, huno hu maleʼniya polomasi gemo ago aeno agaseʼniye.

Himulu 9:28

Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

1 Pita 1:12

Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.

1 Pita 1:4

Afoʼapimogi yaʼmo mafaʼneʼapimogi neʼaliya kava huta Gotiʼa agaiʼa yaʼmo alisunafeʼmo kokuʼnapi yateʼmo yagaino nelate. Ani yaʼmo alagi okasalige hosuge atafa osege nehiyanageno alagepa huno hanege hanege huno afaʼa hanegaiye.

1 Pita 3:7

Anauʼapimogitapae, huʼna, aʼnetapieʼmo hutapaeʼmo, apakufamo lokiya oʼvaiʼniye, hutapa lapakesamo afitetapa apakaeʼeʼmo alagepa hutapa magokepi lokaeta maiyo. Gotiʼa maige maige hutapa maisaya yaʼmo fikumo lapa maeno lapamisiya kava huno aʼnetapiʼeʼmo apamigiyaʼmofeʼmo apakiʼapileʼmo alita asaga hutapa apateyo. Fiku yanageno nunumuʼmo hisaya getapimoʼmo alagepa huno afole oʼaigiyanagi mani kavaʼmo hiyo.

Yuti 1:14

Atamu akamelegati napa seveni vekamo Inokiʼa ani vayaʼaiteʼmo afole aisiya kavafeʼmo ava gemo Gotitegati gemo alino hapa painoʼaeʼmo, Afiyo, huno, Ala kava neʼmoʼa lagaemo lekana opaisuna agufa enisole vayaʼmo tauseni tauseniʼa apaote enisole vayaʼaʼeʼmo magokepi eminegaiye.

Leveleseni 5:6

Naha paiʼnigeʼnaeʼmo ageʼnovana mago aikeli sipisipimoʼmo yagaino neʼapateya vekamo siyateʼmo fai maiʼniya vekamo aulagamo maiʼnigeʼa loleʼe loleʼe vayaʼe tuveti foʼa vayatama vayaʼmogiʼeʼmo faiʼa ku aiʼa ateʼnae. Amagiʼnageno faliʼniya aikeli sipisipigana huno maiʼniye. Agaemo agenopafatiʼmo seveniʼa lokiyaʼamo haneteno seveniʼa aulagamo haneʼniye. Seveniʼa aulagamo haneʼniya kava huno Goti Aunemeʼamo himamuʼamo seveniʼa himamuʼamo alino ateʼnigeno muki ma mopafiʼmo uneno nehiya Auneme himamuʼamo haneʼniye.