Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hamakaki 3:9 - The Keyagana NT and 25 OT books

9 Atikamo alika alo huka aliʼnane. Kagaemo kagoʼyaʼmo ataleteka ani kavaʼmo huguve, huka hutekaeʼmo kagaika nofi vayaʼmo uka hapa maeʼnane. He, lama ge. Koʼmo aiyo, huka huʼnanagenoʼaeʼmo alopa koʼmo aiteno aniʼmoʼa alino kalokalopa hatiʼniye.

အခန်းကိုကြည့်ပါ။ ကော်ပီ




Hamakaki 3:9
22 ပူးပေါင်းရင်းမြစ်များ  

Agaemo aniʼmo ohaneʼniya kotegamo yafapiʼmo amagino apalo atiʼnigeno yafapatiʼmo alopa anikefamo emineʼnigeʼa neʼnae.


Nagaemo kagaefeʼmo nayaʼmo aliʼna asaga nehuve. Hau huʼniya mopamoʼmo koʼmo aisiyafeʼmo hauʼniya kava huno nagupi mafaʼnemoʼmo kagaefeʼmo lusi kava huno alagi hauʼniye.


Afiyo, huʼna, Nagaemo kaulagaleʼmo Holepi avefiʼmo haneʼniya yafateʼmo he tiʼna maiguve. Kagaemo eka haopaleʼmo maiʼnekaeʼmo yafapiʼmo neʼamagigenoʼao vayaʼmogimo nesaya aniʼmo eminegaiye, huno ha paiʼnigeno Moseseʼa Isaleli vayapati vayatama vayaʼmogi apaulagaleʼmo ani kavaʼmo huʼnigeno aniʼmo emineʼniye.


Ala kava neʼmoʼa muki alu nofi vayaʼe alu nofi vayaʼmogi apaulagaleʼeʼmo aote lokiyaʼamo alino apave liʼniye. Gotitimoʼmo lagufamo alino katino latesigeʼa muki ma mopafi vayaʼmogimo agegae.


Yegeʼe kaiʼeʼmo oʼuʼana noʼanifiʼmo afaʼa maiʼnaʼae. Kevekamo hetalanageno neʼunoʼaeʼmo aeno halelino uʼniye. Hayokamo yaga auka atalenagenoʼaeʼmo alino alave alave huʼniye.


Inagi Moseseʼmo kayoʼmo alino asagauliʼneno lole kanaleʼmo ani yafapiʼmo amagiʼnigeno alopa aniʼmo emineʼnigeʼa muki vayaʼmogiʼe muki afu anagaʼmogiʼeʼmo neʼnae.


Ani kava huʼa magoke agufa aniʼmo Goti Aunemeʼamoʼmo apamiʼniya aniʼmo magokepi neʼnae. Apakaemo Goti Aunemeʼamoʼmo apamiʼniya aniʼmo apakaeʼeʼmo magokepi lokaeno uʼniya yafapatiʼmo emineʼniya aniʼmo neme neme uʼnae. Ani yafaʼmo Kalaisiʼa maiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ