Hamakaki 3:8 - The Keyagana NT and 25 OT books

⁸ O Ala kava nene, huʼna, uno nelamiya anifeʼmo haoke oseʼnapiye. Uno nelamiya anifeʼmo kaipamo leʼnifiye. Solovala anifeʼmo kaipamo leʼniyaʼmofeʼmo ati vayaʼmogi hosiʼapileʼmo fai maiʼneʼa kamemo huge halauliʼa neʼvaya talalafiʼmo maiʼneʼa kame huge nehaya kava huka vayakamo hapa maesanafeʼmo eka kame huʼnane.

Hamakaki 3:8 ပူးပေါင်းရင်းမြစ်များ

Samu 104:3

Kagaemo nokamo anaga aniteʼmo ki maleʼnane. Hiyaʼmo talalakagana huno haneʼnigeno yasimoʼmo kagaemo kavalelino neʼviye.

Samu 114:3

Gotiʼa Haesa Solovala anipiʼmo visaya kaʼmo valino apateʼnigeʼa aniʼmo folagapatiʼmo uʼnae. Uʼa Yoneni aniteʼmo avaʼyi huʼnageno aniʼmo magoʼe huno uno olamiʼniye.

Samu 114:5

Solovala Anine, huʼna, Na agufa kavaʼmo afole aiʼnigekaeʼmo kagaemo kaune heʼnane. Yoneni Anine, huʼna, na kava higekaeʼmo uka olamiʼnane.

Samu 18:10

Agaemo enisole vekaleʼmo fai maiʼneno halelino eʼniye. Yasimoʼmo avalelino eʼniye.

Samu 45:4

Kagaemo ala kagikamo alika apavelitekaeʼmo lama gekamogi yagu yaga kavakamogi fatago kavakamogi huka ha maeka alika afole aika ato. Alika afole aika atesanafeʼmo hosileʼmo fai maiʼneka uka kamemo huka aeka apakaso. Lokiyakaletiʼmo kame huteka hapau aisaya agufa kavaʼmo hugane.

Samu 68:17

Goti kame talalaʼamo tauseni tauseniʼamo haneʼniye. Ala kava neʼmoʼa Sainai avefiʼmo emineno maiʼniya kava huno Saiyoni avemo aote aveleʼmo emineno maiʼniye.

Samu 68:4

Gotifeʼmo yokemo hutapa agiʼaleʼmo alitapa asaga hiyo. Hiyapiʼmo neʼviya Gotiʼmo visiya kaʼmo valitapa ateyo. Agaemo agiʼamo Ala kava nene. Aulagaleʼmo lapamogaga aiyo.

Samu 77:16

O Gotiyo, huʼna, Aniʼe aniʼeʼmo kageteʼapaeʼmo koli huʼnae. Solovala afepilegatiʼmo atete huʼniye.

Hatu maeno apate'niya gemae 14:16

Hayopa kayokamo alika asagauliʼneka solovala aniteʼmo akoʼya huʼnegenoʼao aniʼmo aino akaka vaesigeno aniʼmo folagapiʼmo mopamo hau huʼninageʼa Isaleli vayaʼmo ugae.

Hatu maeno apate'niya gemae 7:19

Ala kava neʼmoʼa Mosesefeʼmo ha painoʼaeʼmo, Elonifeʼmo ha paigenoʼa hayopa kayoʼamo aliteno uno muki alopa anitenagi muki aise anitenagi muki ani kotuteʼenagi huno hayopa kayoʼmo alino asagauno aliʼneno akoʼya hino. Aniʼmoʼmo kola aniʼmo alino hamalesigenoʼaeʼmo muki Isipi haopalegamo kolaʼageʼmo hanesigeno yosa yuvapafinagi yafa yuvapafinagi ani kepinagi huno kolaʼageʼmo hanegaiye, huno ha paiʼniye.

Hatu maeno apate'niya gemae 7:20

Inagi Moseseʼe Eloniʼeʼmo Ala kava neʼmoʼa hana paiʼniya kavaʼmo huʼnaʼae. Eloniʼa kini vekamo aulagaleʼe aliʼyaʼamo neʼaliya vayaʼmogi apaulagaleʼmo hayopa kayoʼaletiʼmo alopa aniteʼmo amagiʼnigenoʼaeʼmo kola aniʼmo alino hamaleʼniye.

Aiyeya 50:2

Nagaemo lapakaemo lapa maesuvafeʼmo lapakaetegamo uʼnovana na kava higetapaeʼmo ge afitapa oʼnavaleʼnae. Nagaemo lapakaefeʼmo keya aeʼna ge huʼnovana na kava higetapaeʼmo geʼnileʼmo aetapa atagaina hutapa ge osuʼnae. Lokiyaʼnimo ohaneʼniyaʼmofeʼmo afaʼa miya faiʼna hatu maeʼna olapategaufiye. Hosu yategatiʼmo lapavaleliʼna visuva himamuʼnimo ohaneʼnifiye. Nagaemo ge nehugenoʼaeʼmo solovala aniʼmo alagi nelane. Nagaemo ge nehugenoʼaeʼmo alopa aniʼmoʼa kahaepa koʼmo alino hamaleʼnigeno noyame anagaʼmo faliʼnagenoʼaeʼmo atu neʼaiye.

Aiyeya 66:15

Afiyo, huʼna, Ala kava neʼmoʼa atamo aeno alisigeno asole talalaʼamoʼeʼmo lokiya yasimo aligekana huno nagu nagu huno emineno ayamukiki huno aipamo neleya atamoʼmo kame vayaʼamo alagi apaleno hano huno apatalegaiye.

Neyomi 1:4

Agaemo solovala anifeʼmo ge hauʼnigenoʼaeʼmo inagi solovala aniʼmo nelane. Agaemo alu ani alu aniʼmo uno nelamiya aniʼmo alino laneno neʼatale. Aniʼmo nelanegenoʼaeʼmo alagepa mopamo haneʼniya koʼmo Meyani kotegagi Kamo avemo yahaofilagagi Lemanoni aveʼmo yahaofilagagi huno falu nete. Hoyagi yosagi yosamo ausegi huno muki yaʼamo falu nete.

Hamakaki 3:15

Hosikaleʼmo faika maitanageʼapaeʼmo hosi anagakamo solovala anipiʼmo lakaeʼnagenoʼaeʼmo fugaligali huʼniye.

Maki 4:39

He tino yasieʼmo ge hauteno anifeʼmo ha painoʼaeʼmo, hano huvo, huno huʼnigeno yasimo hano huʼnigeno aniʼmo afaʼa haneʼniye.

Leveleseni 16:12

Napa sigisi enisole vekamoʼmo yuvapaʼamo alinino uno alopa aniʼmo uno nelamiya aniʼmo agiʼamo Yufaletisi anipiʼmo aino lakiʼnigeno yegemo haine neʼeya kotegamo yagaiʼa neʼapataya kini vayaʼmo esaya kaʼmo valino apatesiyafeʼmo aniʼmo leno laneʼniye.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.

Leveleseni 19:14

Kokuʼnapiʼmo asole ati vayaʼmogimo yaveyave kukenamo vaiʼa aliteʼa yaveyave hosileʼmo fai maiʼneʼa akame huʼa uʼnae.

Leveleseni 6:2

Huno huʼnigeʼna ageʼnovana naulagaleʼmo yaveyave hosimo maiʼnigeʼna ageʼnove. Hosileʼmo fai maiʼniya vekamoʼmo ati aliʼnigeno Gotiʼa yagaino neʼapateya kakolitamo amiʼnigeno aliteno uno kamemo huno aeno neʼapakaseya vekamoʼmo uno kamemo huno aeno apakasesiyafeʼmo uʼniye.