Hamakaki 2:8 - The Keyagana NT and 25 OT books

⁸ Kagaemo kamemo huka aeka apaka seteka muki vayaʼai kagemi yaʼapimo aliʼnanaʼmofeʼmo aise logufaʼa vayaʼmogi kagaeʼeʼmo kamemo huteʼa huʼa aeʼa kaga seʼa kagemi yakamo aligae. Kagaemo vaya hapaeka kolaʼapimo aika lakiʼnane. Kagaemo muki mopamo alika hosu huka atege asole taonimo alika hosu huka atege asole alu nofi vaya alu nofi vayaʼmo hapaege huʼnanaʼmofeʼmae.

Hamakaki 2:8 ပူးပေါင်းရင်းမြစ်များ

Samu 137:8

Mamiloni taonifi vayane, huʼna, mago kame vayaʼmogi eʼa alagi aliʼa hosu huʼa lapatalegae. Lagaetegamo huʼnaya hosu kavaʼmo anonatapilefeʼmo aeʼa atagaina huʼa hisaya vayaʼmo aulena vayaʼmo maigae.

Mai'naya kavane 22:23

Ala kava neʼmoʼa hapa maeno muki kagemi yaʼapimo neʼaliya vayaʼaitegaʼeʼmo ani kavaʼmo hugiye.

Aiyeya 33:1

Vayaʼmogi lapakaetegamo kame huʼa lapateteʼa kagemi yatapimo oʼaliʼnayaʼmonanafa lapakaemo kame huta apatetetapa kagemi yaʼapimo aliʼnaya vayane, huʼna, lapakaemo lusi kava huta kage kage hisaya kavaʼmo lapakaetegamo afole aigiye. Vayaʼmogi humi olapateʼnayaʼmonanafa lapakaemo humi neʼapatae. Lapakaemo kame huta apatetetapa kagemi yaʼapimo kumaya oʼalitapa atalesaya afinaʼmo lapakaetegamo kame huʼa lapateteʼa kagemi yatapimo aligae. Magoʼe huta humi apatesaya afinaʼmo humi lapategae.

Aiyeya 33:4

Apaune heʼapaeʼmo muki kagemi yaʼapimo atalesageʼa malage huʼa asole akenu anagaʼmo haleliʼeʼa aliʼa anupa huteʼa hoyafiʼmo haneʼniya neʼyaʼmo neʼa hano nehaya agufa kavaʼmo huʼa vayaʼmogimo aligae.

Omataiya 1:15

Ala kava neʼmoʼna afinaʼmo ago eno hogo huʼniye. Ani afinaʼmo muki nofi vayaʼmo agoti huʼna apategauve. Inomi vayaʼmogitapae, huʼna, Lapakaemo apakaetegamo hosu kavaʼmo huʼnaya agufa kavaʼmo huʼa lapakaetegamo hosu kavaʼmo hugae. Hosu kavaʼmo huʼnaya anonatapilefeʼmo hosu kavaʼmo hugae.

Hamakaki 2:10

Kagaemo hosu kavaʼmo huʼnanageʼapaeʼmo afamo anagakamo hosu apakimo aliʼnae. Asole vayaʼmo apamagitekaeʼmo kagupi mafaʼneleʼmo hosu kavaʼmo huʼnane.

Hamakaki 2:17

Kagaemo Lepani avefiʼmo haneʼniya yahaomo heʼyaika hano huge afela afumo koli yaʼmo apamige hapaeka hano huge huʼnana agufa kavaʼmo kagaetegamo hugae. Kagaemo asole ve aʼnemo hapaege asole taonimo alika hosu huka atege huʼnanaʼmofeʼmo kagaetegamo alagi hosu kavaʼmo afole aigiye.

Leveleseni 6:10

Apakaemo alopa gefatiʼmo huʼapaeʼmo, kayamufaʼage ala kava neʼmogae, kaote vekamo lama geʼageʼmo nehana vekamogae, huʼa, Ma mopafi vayaʼmogimo kamitimo lamagiʼnayaʼmofeʼmo na magi afinaʼmo utesigeka hosu kavaʼapimo alika fako huka apateteka kayoʼmo apamigane, huʼa ge huʼa afi geʼnae.