Hamakaki 2:5 - The Keyagana NT and 25 OT books

⁵ Agaemo nofi alagafati aniʼmo netenoʼaeʼmo gemo amagino neʼatale. Agiʼalemo alino asaga huno neʼateya vekamo maiʼniyaʼmofeʼmo noʼafi maisiya kavafeʼmo ohauʼnigeno ataleno umenitata nehunoʼaeʼmo himuʼnamu kavaʼmo nehiye. Nefaliya kavaʼmoʼa magoʼe vayaʼmo alisiyafeʼmo hauʼniya kava huno asole yaʼmo alisiyafeʼmo hauʼnigeno haʼye nehigenoʼaeʼmo aipamoʼmo ha noke. Agaemo asole alu nofi vaya alu nofi vayaʼeʼmo kamemo huteno huno aeno apaka seno yagaino neʼapate.

Hamakaki 2:5 ပူးပေါင်းရင်းမြစ်များ

Samu 138:6

Ala kava neʼmo alagi anaga hogote vekamo maiʼniyaʼmonanafa agaemo afa vayaʼaifeʼmo agesamo neʼafiye. Apakaefeʼmo agesamo neʼafiyaʼmonanafa ala vekamo maiʼnove, huʼa nehaya vayaʼmo afagitegamo maiʼnageno apakeʼniye.

Mai'naya kavane 20:1

Nofi alagafati aniʼmoʼa humi neʼapate. Lokiya aniʼmoʼa humi neʼapate. Lokiya aniʼmoʼa kaveta hisaya kavaʼmo alino he tino neʼapate. Ani aniʼmoʼa humi apateʼnigeʼa alagepa kaʼmo ataleʼnaya vayaʼmo negi vayaʼmo maiʼnae.

Mai'naya kavane 21:24

Agae agiʼaleʼmo alino asaga huno atege vayaʼai apakiʼapileʼmo alino afepi apatege nehiya vekamo agiʼamo himuʼnamuʼmae. Agaemo ala agimo alisiyafeʼmo himuʼnamu kavaʼmo nehiye.

Mai'naya kavane 27:20

Ata kopiʼe alino apagoʼya lagauno apataleʼnigeʼa uʼa neʼmaiya koteʼeʼmo kili nopaya kava huno vayaʼmogi alagiʼmo ageʼnove, huʼa nosae.

Aiyeya 2:17

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 5:14

Ani hosu kavaʼmo huʼa maiʼnayaʼmofeʼmo apakaemo alino nakaisiyafeʼmo kanoluʼapimo alopa avayamo haneʼnigeno aka huteno alo huno maiʼniye. Apamogaga neʼaiya vayanagi hogote vayanagi muki afaʼa maiʼnaya vayaʼenagi huʼa kanolufiʼmo uʼa lamigae.

Aiyeya 5:8

Lapakaemo lapaopaleʼmo maiʼnaya vayaʼmo hapafaita apataletetapa noʼapimo alige mopamo faitapa katita alige hutapa maiʼnae. Lapakaemo muki mopamo alisageʼapaeʼmo alu vayaʼmo maisaya yaʼmo ohaneʼniyaʼmofeʼmo mopamo folagapiʼmo lapakaitapigeʼmo neʼmaiya vayanagi ehetapiye.

Hamakaki 1:15

Mamiloni nofi vayaʼmogimo nofiteʼmo nekayamo ae maleʼneʼa noyamemo aliʼa vayu huliʼa neʼaya kava huʼa kamemo huʼa neʼapatafae. Ani kava huʼa umenifatiʼmo noyamemo neʼapatafaya kava huʼa vayaʼmo neʼapatafae. Vayaʼmogi umenifiʼmo noyame vayu huliʼa eʼa neʼapatafaya kava huʼa asole vayaʼmo apatafauʼnae. Apatafauteʼapaeʼmo apamogaga neʼaiye.

Hamakaki 1:17

Umenifatiʼmo noyamemo aliʼa neʼapatalaya kava huʼa hapau huʼa oʼapateʼa magoʼe magoʼe huʼa alu nofi vaya alu nofi vayaʼmo hapaesafiye, huno ge huno afi geʼniye.

Hamakaki 2:4

Ago, huʼna, agaiʼaeʼmo amogaga neʼaiya vekamoʼmo fatago auneʼamo oʼaliʼniye. Oʼaliʼniyaʼmonanafa fatago vekamoʼmo agesamo afino fatago huʼniya kavatetiʼmo afaʼa maigiye.

1 Tesaloniyani 4:11

Vase huta alagepa huta maigune, hutapa lapakesamo afitetapa lapakaitapi yateʼmo alagepa hutapa yagaitapa ateʼnetapa aliʼyaʼmo aliyo, huta ago lapa paiʼnone.

Yemisi 4:6

Haʼye nehiyaʼmonanafa Gotiʼa fikumo laha maeno magoʼe huno nelamiye. Ani kavatefeʼmo hunoʼaeʼmo, Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fikumo hapa maeno neʼapamiye, huno huʼniye.