Hamakaki 2:20 - The Keyagana NT and 25 OT books

²⁰ Afaʼa maisaya yaʼapimo alagi ohaneʼniyaʼmonanafa Ala kava neʼmo aote mono noʼafiʼmo maiʼniye. Muki ma mopafi vayaʼmogitapamo etapa aulagaleʼmo ge osuta afaʼa maiyo.

Hamakaki 2:20 ပူးပေါင်းရင်းမြစ်များ

Samu 11:4

Gotiʼa kokuʼnapiʼmo maiʼnenoʼaeʼmo aote mono noʼafiʼmo fai maiʼniye. Gotiʼa yagaino neʼapateya siyateʼmo fai maiʼnenoʼaeʼmo ma mopafi muki vayaʼmo apakeno alagepa huno apakeʼneno alino fako huno neʼapate.

Samu 115:3

Gotitimoʼmo kokunapiʼmo maiʼniye. Agaemo muki hisiyafeʼmo hauʼniya kavaʼmo nehiye.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Aiyeya 6:1

Nagaemo ala kini netimo agiʼamo Uyaiyaʼmo faliʼniya kafugamo ageʼnovana Ala kava neʼmoʼa yagaino neʼapateya siyaʼaleʼmo fai maiʼnigeʼna ageʼnove. Alino asagauno ateʼnigeno muga anaʼaleʼmo fai maiʼnigeno yatala kukena atupaʼamoʼmo alopa mono nopiʼmo alagi havaiteʼnigeʼna ageʼnove.

Aiyeya 66:1

Ala kava neʼmoʼa ina gemo hunoʼaeʼmo, Kokuʼnapiʼmo fai maiʼneʼna yagaiʼna neʼapatova naimuʼyamo haneʼniye. Ma mopafiʼmo naiyamo aeʼna neʼmauva mopamo haneʼniye. Lapakaemo haiya agufa noʼnimo kigae. Haiyaʼalegamo maiʼna haga lesuva yaʼmo hanegaiye.

Aiyeya 66:6

Alopa gefatiʼmo taonifatiʼmo keya neʼaya gemo afiyo. Alopa mono nopatiʼmo alopa agemo afiyo. Ala kava neʼmoʼa age aiteno kame vayaʼamogi hosu kavaʼmo anonaʼapilefeʼmo kayoʼmo neʼapamiye.

Yona 2:4

Ago alika naha faika nataleʼnanaʼmonanafa halate kagae aote mono nofeʼmo aulu heʼna agegauve.

Yona 2:7

Ala kava nene, huʼna, Falisuva agufa naipamo kaliʼniye, huʼna huteʼna kagaefekeʼmo nagesamo afiʼna ho huteʼna nunumuʼmo huʼnova geʼnimoʼmo kagae aote mono nopiʼmo uno haiʼniye.

Maika 1:2

Maikaʼa ani gemo hapa painoʼaeʼmo, Muki nofi vayaʼmogitapamo mani gemo afiyo. Lapakaemo muki ma mopafi vayaʼmogitapamo Goti geʼamo lapaketafo hutapa afiyo. Ala kava neʼmo Gotiʼa alino fako huno agoti huno lapategaiye. Ala kava neʼmo aote mono noʼafiʼmo maiʼnenoʼaeʼmo hosu kavatapimo ageʼniyanageno agoti huno lapategaiye.

Hamakaki 3:1

Hamakaʼmo Gotitegati gemo alinino eno aeno hakalo huno hapa nepaiya vekamoʼmo nunumuʼmo huʼniya gemo mono vayaʼmogi yokemo huʼnaya gemae.

Sefanaiya 1:7

Ala kava neʼmoʼa agoti huno apatesiya afinaʼmo ago eno hogo huʼniyaʼmofeʼmo lapakaemo Yuta vayaʼmogitapamo agaetegamo etapa hogo huʼnetapa ge osuta afaʼa maiyo. Vayaʼmogi afumo amagiʼa ofalinimo nehaya agufa kava huno Ala kava neʼmoʼa vayaʼmo apamagino ofalinimo hugiye. Agaemo vayaʼaifeʼmo ago keya aeno ge huʼniyanageʼa ofalinimo hisayategamo egae.