Hamakaki 2:15 - The Keyagana NT and 25 OT books

¹⁵ Vayaʼmogimo hapaopaleʼmo neʼmaiya vayaʼmo aniʼmo neteʼa negi nagi huteʼa apagufaʼalagaʼageʼmo maisageʼa apakesayafeʼmo asole aniʼmo neʼapamiya vayaʼmo lusi hanageke yaʼmo aligae. Lapakaemo ani aniʼmo nesayafeʼmo lapauʼnigetapa lapaya mukiki nehae.

Hamakaki 2:15 ပူးပေါင်းရင်းမြစ်များ

Aepa Gemae 9:22

Hamuʼa Kenani afoʼamoʼmo afoʼamo Noaʼmo ageyana agufalagaʼageʼmo havaeno maiʼnigeno agegeno kumatega uno lamino nepuʼamoʼe aganaʼamoʼeʼmo hana paiʼniye.

2 Samiyo 11:13

Inagi ega uneʼmo Neviniʼa Yulaiyafeʼmo ge huʼnigeno eʼnigeʼana neʼyaʼmo nege aniʼmo magokepiʼmo nege huteʼanaeʼmo agaemo Yulaiyaʼmo aniʼmo amiʼnigeno neteno negi nagi hisiyafeʼmo amiʼniyaʼmonanafa ani haniʼilagamo Yulaiyaʼa noʼalegamo uno ohavaeʼnifa Nevini aliʼyaʼamo neʼaliya vayaʼeʼmo yakaiʼnonaleʼmo havaeʼniye.

Hatu maeno apate'niya gemae 32:25

Eloniʼa hosu kavaʼmo osisayafeʼmo huno apatafauno oʼapateʼnigeʼa kame vayaʼapimogi apaulagaleʼmo apavagage hisiya kavaʼmo huteʼa alagi ge oʼafisaya agufa vayaʼmo maiʼnageno Moseseʼa apakeʼniye.

Aiyeya 5:22

Nofi alagafati aniʼmo neʼnaya kavatefeʼmo lokiya vayane, huʼa ala agimo amiʼnaya vayaʼmogimo lusi kava huʼa kage kage hugae.

Hamakaki 2:14

Solovala aniʼmoʼa muki haopalegamo aino ati kaeno haneʼniya kava huʼa Ala kava neʼmo ha le konali yaʼaeʼmo muki haopalegamo maiʼnaya vayaʼmogimo ava gemo afigae.

Hamakaki 2:16

Lapakaemo ala lapakitapimo oʼalisageno lapavagage hugiye. Lapakaeʼeʼmo ani kava hutapa negi nagi hisaya aniʼmo netetapaeʼmo lapakufaʼalagaʼageʼmo maigae. Ala kava neʼmoʼa lamaga ayatetiʼmo kapumo alino lapamisigeno lapavagage hisiya kavaʼmoʼa ha le konali yatapileʼmo aino ati kaegaiye.

Leveleseni 17:2

Ma mopafiʼmo ala kini vayaʼmogimo agaeʼeʼmo kumai kavaʼmo huʼnae. Vayaʼmogi aniʼmo neteʼapaeʼmo negi nagi nehaya kava huʼa muki ma mopafi vayaʼmogimo ani a kanoʼeʼmo kumai kavaʼmo huteʼa negi nagi kavaʼmo huʼnae, huno naha paiʼniye.

Leveleseni 17:6

Ani a kanomoʼmo asole apaote vayaʼmo nefaliya kavaʼmo aepa a kanomo maiʼnenoʼaeʼmo Yesu agiʼalefeʼmo faliʼnaya vayaʼai kolaʼapimo neteno negi nagi huʼnigeʼna ageʼnove. Ageteʼnaeʼmo lusi kava huʼna nahau aiʼnove.

Leveleseni 18:3

Ani taonifiʼmo haneʼniya kumai kavaʼmoʼmo nofi alagafati aniʼmo lokiya anikana huno haneʼnigeʼapaeʼmo muki alu kotega alu kotegamo maiʼnaya vayaʼmogimo neʼnae. Ma mopafi kini vayaʼmogimo agaeʼeʼmo kumai kavaʼmo huʼnae. Agaemo lusi kava huno haʼye huʼnigeʼapaeʼmo ma mopafi misinisi vayaʼmogimo aliʼa maketi huteʼa asole kagemi yaʼapimo haneʼniya vayaʼmo hamaleʼnae, huno huʼniye.