Hagai 2:22 - The Keyagana NT and 25 OT books

²² Nagaemo yagaiʼa neʼapataya gamani vayaʼmo hapa faiʼna apatalege alu nofi vaya alu nofi vayaʼmogi lokiyaʼapimo aliʼna hano huʼna atalege hosimoʼmo halaulino neʼvigeʼapaeʼmo kamemo nehaya talalaʼapimo aliʼna hosu huʼna atalege talalafiʼmo maiʼnaya ati vayaʼeʼmo kamemo huge kamemo nehaya hosileʼmo kamemo hisayafeʼmo haiʼa fai maiʼnaya vayaʼmo apamagisugeʼa asagauʼa aige nehisageʼapaeʼmo ani kavaʼmo huʼa apakaiʼapi konagaʼapimogimo naipeletiʼmo apaigae.

Hagai 2:22 ပူးပေါင်းရင်းမြစ်များ

2 Sitoli 20:22

Apakaemo aepa faiʼa Goti agiʼaleʼmo aliʼa asaga hisayafeʼmo yokemo nehagenoʼaeʼmo Ala kava neʼmoʼa Isaleli vayaʼai kame vayaʼapimo Emoni vayanagi Movapu vayanagi Siya aveleʼmo maiʼnaya Itomi vayanagi huʼa aliʼa fako huʼa apakaiʼapi apakaiʼapimo kamemo hisayafeʼmo alino he tino apateʼniye. Ala kava neʼmoʼa ani kavatetiʼmo aeno apaka seʼniye.

2 Sitoli 20:23

Emoni vayaʼe Movapu vayaʼeʼmo Siya aveleʼmo maiʼnaya Itomi vayaʼeʼmo kamemo huʼa hano huʼnae. Kame huʼa hano huteʼa Emoni vayaʼmogi Movapu vayaʼeʼmo kamemo huteʼa apakaiʼapi apakaiʼapimo hapaeʼa hano huʼnae.

Samu 46:9

Agaemo muki ma mopafiʼmo kamemo nehaya kavaʼmo alino hano huno neʼatale. Agaemo ati keveʼapimo alino lo aeno ataleteno alini uʼa kame nehaya talalaʼapimo alino atafiʼmo nekae.

Samu 76:6

O Gotiyo, Yekopu Gotiʼamogae, huʼna, Kagaemo apakaefeʼmo ago gemo hapauʼnanageʼapaeʼmo hosi anagaʼe hosileʼmo fai maiʼnaya vayaʼeʼmo mukiʼamo ago faliteʼa mopafiʼmo havaeʼa maiʼnae.

Hatu maeno apate'niya gemae 14:17

Inagi nagaemo Isipi vayaʼmogi apaipa apakesamo aiʼna akani maleʼnisugeno lokiya vaiʼninageʼa lapakame huʼa neʼvisageʼnaeʼmo Feloʼagi ami vayaʼagi talalagi hosileʼmo yagaiʼnaya vayanagi huʼna aeʼna apaka seteʼna ala nagiʼnimo aliguve.

Hatu maeno apate'niya gemae 14:28

Aniʼmoʼa halate aluga alugatiʼmo eno Isipi kini vekamo ami vayaʼamogi Isaleli vayaʼmo apavegala aeliʼa eʼnaya vayaʼmo aeno apati kaeʼniye. Muki talalaʼapigi hosiʼapigi hosileʼmo yagaiʼnaya vayanagi huno aeno apati kaeʼniye. Magoke vekaʼe hosiʼeʼmo alagi afaʼa oʼmaiʼniye.

Hatu maeno apate'niya gemae 15:19

Felo hosiʼagi talalaʼagi hosileʼmo fai maiʼnaya vayaʼagi huʼa solovala anipiʼmo asagauʼa aiʼnageno Ala kava neʼmoʼa aniʼmo halate alino ateʼnigeno aluga alugatiʼmo eno aeno apati kaeʼniyaʼmonanafa Isaleli vayaʼmo solovala aniʼmo folagapiʼmo mopamo hau huʼnigeʼa uʼnae.

Hatu maeno apate'niya gemae 15:4

Kini vekamo Felo talalaʼagi ami vayaʼagi huno solovala anipiʼmo apasagauno yaga auno apataleʼniye. Ami vayaʼaleʼmo lekana paino apateʼnigeʼa yagaiʼa apateʼnaya vayaʼmo aniʼmo neteʼa Haesa Solovala anipiʼmo faliʼnae.

Aiyeya 60:12

Haiya nofi vayaʼmofi haiya gamani vayaʼmogi yagaiʼnaya kegiʼyafiʼmo maiʼnaya vayaʼmofi huʼa lapaiyafiʼmo oʼmaige aliʼyatapimo oʼalige hisaya vayaʼmo alagi hano hugae.

Neniyo 8:25

Agaemo aigofe gemo hapa paiteno humi apategaiye. Nagaemo aeʼna apaka seʼna hogote vekamo maiʼnove, huno aipafiʼmo agesamo afigiye. Asole vayaʼmogimo, afaʼa maigune, huʼa apakesamo neʼafisagenoʼaeʼmo agaemo alagepa huʼa maiʼnisaya vayaʼmo alino hano huno apatalegaiye. Agaemo koli osuno yagaiʼnaya kini vayaʼaiteʼmo yagaiʼniya kini vekalegaʼeʼmo kame huno ategaiyaʼmonanafa aeno aga osegaiye. Ma mopafi vayaʼmogi kamitimo oʼamagisiyaʼmonanafa faligiye.

Maika 5:10

Ala kava neʼmoʼa Isaleli vayaʼaifeʼmo ina gemo huno hapa paigiye. Ani afinaʼmo nagaemo hositapimo aliʼna hano huʼna apatalege kame hisaya talalatapimo aliʼna hano huʼna atalege huguve.

Maika 5:15

Inagi nagaemo lusi kava huno naipamo leʼnisigeʼna ani nofi vayaʼmogimo geʼnimo akame osuʼnaya kavaʼmo anonaʼapilefeʼmo apamiguve, huno huʼniye.

Maika 5:8

Ani logufaʼa vayaʼmo Yekopu vayaʼmogimo laiyonimoʼmo afela afumo hapaesiyafeʼmo nehiya kava huʼa alu nofi vayaʼai folagapiʼmo hapaegae. Aikeli laiyonimoʼmo sipisipi anagaʼmogi folagapiʼmo maiʼneno apatafauge hapaeno nege nehiya kava huʼa maigae. Mago sipisipi anagaʼmo hapa maesiya vekamo maiʼniya kava huʼa Yekopu kame vayaʼamo hapa maesaya vayaʼmo oʼmaigae.

Maika 5:9

Ala kava neʼmoʼa hunoʼaeʼmo, Muki kame vayatapimo alita afepiʼmo apatetetapa hapaeta hano hugae.

Maika 7:16

Alu gamani vaya alu gamani vayaʼmogimo agesayana lokiyaʼniletiʼmo noʼagaya agufa naune kavaʼmo hisugeʼa ageteʼapaeʼmo lokiyatimo aiseʼamo haneʼniye, huʼa huteʼa lokiyaʼapilefeʼmo apavagage hugiye. Koli huteʼa ge osugae. Apakesaleʼmo aliʼa akaniteʼa gemo oʼafigae.

Sefanaiya 3:8

Ala kava neʼmoʼa hunoʼaeʼmo, Agoti huʼna apatesuvafeʼmo nagava maiʼnigeʼnao. Nagaemo naipamo leʼnisigeʼna kayoʼmo apamisuvafeʼmo muki nofi vayaʼmo apavaleʼna aliʼna anupa huʼna apategauve, huʼna hu maleʼnove. Lusi kava huno naipamo leʼniyanageʼna kaino nefauva kavaʼniletiʼmo muki ma mopafi vayaʼmo aliʼna hano huʼna apatalegauve.

Matiyu 24:7

Mago nofi vayaʼmogi alu nofi vayaʼeʼmo kamemo huge mago gamani vayaʼmogi alu gamani vayaʼeʼmo kame huge muki haopalega kafu hu kavaʼmo afole aige imimaʼmo alige hugiye.

Leveleseni 11:15

Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo

1 Samiyo 14:16

Inagi Solo ati vayaʼamo Gimeya taonifiʼmo yagaiʼa maiʼnaya ati vayaʼmogimo aulu heʼa apakeʼnayana asole vayaʼmo aliʼa anupa huʼa maiʼnayapatiʼmo nagu nagu huʼa uteʼa eteʼa huʼnageʼa apakeʼnae.