Hagai 2:17 - The Keyagana NT and 25 OT books

¹⁷ Nagaemo amuko yasimo aliʼna ateʼnogeno alinineno hoyatapifiʼmo aliʼnigenoʼaeʼmo kaita haugekana agufa kavaʼmo huʼnigeno falu tege hosuge ko aigekana huno koʼmopamo emineno neʼyatapimo amagiʼnigeno falu tege huʼnigetapa ageʼnayaʼmonanafa aita ataginetapa nagaetegamo oʼmeʼnae, huʼna lapa nepauve.

Hagai 2:17 ပူးပေါင်းရင်းမြစ်များ

Aepa Gemae 42:23

Yosefe nepuʼamogimo Himulu gefatiʼmo gege huʼa maiteʼapaeʼmo Yosefe oʼafiʼnegaiye, huʼa apakesamo afiʼnae. Yosefeʼeʼmo gege huʼnaya afinaʼae afinaʼaeʼmo Isipi gefatikeʼmo huʼnigenoʼaeʼmo mago vekamoʼmo alino afe leno hapa paiʼniyaʼmofeʼmae.

Aepa Gemae 42:27

Henagaʼamo havaesaya yateʼmo uʼa avaʼyi huteʼapaeʼmo mago konagaʼapimoʼmo kuʼafatiʼmo neʼyaʼmo alino nokiʼamo amisiyafeʼmo huʼniyategamo kuʼamo avayaleʼmo moniʼaʼeʼmo haneʼnigeno ageʼniye.

Aepa Gemae 42:6

Yosefeʼa muki Isipi koʼaleʼmo hogote vekamo neʼyagaiya vekamo maiʼnigeʼa agaetetiʼmo uʼa vitimo miya faiʼnae. Yosefe nepuʼamogimo agaetegamo eʼa avaʼyi huteʼapaeʼmo agae aulagaleʼmo apaleʼya faiteʼa ape huʼnae.

Samu 128:2

Kagaemo hoyakafatiʼmo neʼyaʼmo alika netekaeʼmo kamogaga aika alagepa huka maigane.

Samu 78:46

Agaemo mago asole kafa anagaʼmo alino apateʼnigeʼa eʼa hoyaʼapifiʼmo haneʼniya neʼyaʼmo nege asole akenu anagaʼmo alino apateʼnigeʼa eʼa hoyaʼapifiʼmo hakale maleʼnaya neʼyaʼmo nege huʼnae.

Aiyeya 42:25

Huʼnonaʼmofeʼmo aipamo leno nelateya kavaʼmo alopa anikana huno lagaeteʼmo lakiʼniye. Agaemo kame vayaʼmo alino apateʼnigeʼa eʼa lagaemo kamemo lahaeʼnae. Aipamo leno nelateya kavaʼamo ina kava huno atagana huno laleʼniye. Atamo laleʼniyaʼmonanafa alita olamalagiʼnone. Ageta alagepa osuʼnonaʼmofeʼmo kavatimo oʼataleʼnone.

Aiyeya 62:8

Ala kava neʼmoʼa agoʼyamo ataleno lokiya lamaga ayatetiʼmo polomasi gemo hunoʼaeʼmo, Nagaemo magoʼe huʼna neʼyatapimo aliʼna kame vayatapimo oʼapamiguve. Nagaemo magoʼe huʼna alu kotega vayaʼmo afaʼa apatesugeʼa eʼa aliʼyatapimo aliteʼa alo hu maleʼnaya nofi alagafati aniʼmo aliʼa oʼnegae.

Aiyeya 9:13

Isaleli vayaʼmogimo apakaemo neʼapamagiya vekalegamo aiʼa atagi neʼa oʼmege asole vayaʼaiteʼmo yagaino neʼapateya vekamo agesayafeʼmo kahauya osuge huʼnae.

Hagai 1:11

Nagaemo koʼmo oʼaiyo, huʼna huʼnogeno mopafinagi avelegagi muki hoyafiʼmo haneʼniya yaʼmo nofi hoyafinagi alivi yosa hoyafinagi muki hoyatapifinagi muki vayaʼaitegagi pulumaka anagaʼaitegagi sipisipi anagaʼaitegagi aliʼyatapilenagi huʼna lao yaʼmo aliʼna ataleʼnogeno emi noʼmeʼniye, huno hapa paiʼniye.

Hagai 1:6

Lapakaemo asole avina yaʼmo hakaleʼnayaʼmonanafa aiseʼageʼmo leʼnigetapa alinitapa eʼnae. Neʼyaʼmo neʼnayaʼmonanafa lapamu osuʼniyaʼmofeʼmo lapaka teʼniye. Nofi alagafati anitapimo neʼnayaʼmonanafa lapamu osuʼniye. Kukena yatapimo alitapa vaiʼnayaʼmonanafa yasigeʼmo nelahapaiye. Aliʼyaʼmo neʼaliya vayaʼmogimo aliʼyaʼapiletiʼmo miyaʼapimo aliʼnayaʼmonanafa halo aiʼniya kupiʼmo ku ai maleʼnagenoʼaeʼmo malage huno hano nehiya kava huno uno hano nehiye, huno hapa paiʼniye.

Hagai 1:9

Lapakaemo asole yatimo afole aigiye, hutapa lapakesamo afiʼnayaʼmonanafa aise yaʼageʼmo afole neʼaiye. Ani aise yaʼmo alinitetapa notapifiʼmo maleʼnageʼnaeʼmo nagaemo fu huʼna haleʼna ataleʼnogeno uno lageso huʼniye. Na kava higeʼnaeʼmo ani agufa kavaʼmo huʼnove. Mukiʼamogitapamo lapakaitapi notapieʼmo lapakesamo neʼafiyaʼmonanafa nagaemo noʼnimo alagepa huno ohaneʼniyaʼmofeʼmae.

Hagai 2:16

Lapakaemo mago neʼyaʼmo alitapa alu ai maleʼnaya yateʼmo utapaeʼmo loleʼe loleʼe kuʼmo aita havai tegaune, hutapa huʼnayaʼmonanafa lole kutalapiʼmo aiʼnae. Lapakaemo alopa tekifatiʼmo aniʼmo naya loleʼa samomo he fita havai tegaune, hutapa huʼnayaʼmonanafa loleʼe loleʼe samogeʼmo he fitapa havai teʼnae.

Malakai 3:11

Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Lapa maesuvafeʼmo hoyafiʼmo haneʼniya neʼyatapimo neʼnaya kafa anagafeʼmo hapa paisugeʼa oʼnegae. Lapa maesuvafeʼmo nofi hoyatapififeʼmo asole alagamo ao, huʼna huguve.

Leveleseni 2:21

Hosu kavaʼmo nehana kavakamo atalo, huʼna huteʼna aipamo alino afe lesiya afinaʼmo amiʼnovaʼmonanafa aipamo alino afe lesiyafeʼmo ohauʼnigeno kumai kavakeʼmo nehiye.