Hagai 1:1 - The Keyagana NT and 25 OT books

¹ Kini vekamo Naliyasiʼa Pesiya koteʼmo lole kafugamo yagaiʼnigenoʼaeʼmo sigisi kaimo napa vani afinaʼmo Ala kava neʼmoʼa Hagaifeʼmo ha paiʼnigeno Hagaiʼa Gotitegati gemo alinineno aeno hakalo huno hapa nepaiya vekamoʼmo ani Goti gemo Silatili mafaʼnemo Selamamaliʼe Yosateki mafaʼnemo Yasuvaʼefeʼmo hana paiʼniye. Selamamaliʼa Yu vayaʼaiteʼmo yagaino neʼapateya vekagi Yasuvaʼa hogote vekamo mono huno neʼapateya vekagi huʼana maiʼnaʼae.

Hagai 1:1 ပူးပေါင်းရင်းမြစ်များ

Esala 10:18

Mono huʼa neʼapataya vayaʼai ve mafaʼne anagaʼapimogimo malaga aʼne anagaʼmo aliʼnaya ve anagaʼmogi apakiʼapimo haneʼniye. Yosataki mafaʼnemo Yesuvaʼagi aganaʼamogimo Meseyaʼagi Eliyesaʼagi Yalipiʼagi Getaliyaʼagi huʼa maiʼnae.

Esala 2:2

Selamamaʼeʼmo eʼnaya vayaʼai apakiʼapimo Yesuvaʼagi Niyamaiyaʼagi Selaiyaʼagi Lilaiyaʼagi Motekaiyaʼagi Milisaniʼagi Misapaʼagi Mikivaiʼagi Lihamiʼagi Manaʼagi huʼa eʼnae. Isaleli vayaʼmo Yulusalemu taonifiʼmo eʼnaya ve anagaʼmogi napaʼapimo

Esala 2:63

Isaleli vayaʼaiteʼmo neʼyagaiya gamani vekamoʼmo hunoʼaeʼmo, Ofalinimo hisaya neʼyaʼmo afaʼa oʼnegae. Hogoteno mago mono huno neʼapateya vekamoʼa Gotiʼa agesamo afiʼniya yaʼmo lole yafatalaʼmo alino alagena yaʼmo agetenoʼaeʼmo mono huʼa apatesaya aliʼyaʼmo alisafi oʼalisafi huno hugiye, huno huʼniye.

Esala 3:2

Inagi Yosateki mafaʼnemo Yesuvaʼagi alu vayaʼmo konagaʼamogimo mono huʼa neʼapataya vayanagi Siyatili mafaʼnemo Selamamaʼagi konagaʼamogiʼenagi huʼa Isaleli vayaʼai Gotiʼapimo yafa hiʼyalamuʼmo ofalini hisaya yaʼmo atafiʼmo kaeʼa sagalisaya hiʼyalamuʼmo huʼnae. Moseseʼmo Goti vekamoʼmo keʼaepa gemo avoʼmo kae maleʼniya gemo akame hisayafeʼmo huʼnae.

Esala 3:8

Apakaemo Yulusalemu taonifiʼmo aiʼa atagi neʼa eʼa maiʼnagenoʼaeʼmo napa tu kafugamo napa tu kaileʼmo Siyatili mafaʼnemo Selamamaʼagi Yosateki mafaʼnemo Yesuvaʼagi mago konagaʼanimogimo mono huʼa neʼapataya vayanagi Livai vayanagi muki kalavusi huʼa apateʼnaya vayaʼmo Yulusalemu taonifiʼmo aiʼa atagi neʼa eʼa maiʼnaya vayanagi huʼa aliʼyaʼmo aepa faiʼa aliʼnae. Apakaemo Livai vayaʼmo tuvetiʼa kafugamo aeʼa agaseʼa maiʼnaya ve anagaʼmogimo Ala kava neʼmo mono noʼmo kisaya aliʼyateʼmo yagaisayafeʼmo lekana paiʼa apateʼnae.

Esala 4:2

Afiteʼapaeʼmo Selamamategaʼe Isaleli vayaʼmogi apakinago vayaʼaiteʼmo neʼagaiya vayaʼaitegaʼeʼmo eʼa huʼapaeʼmo, Lagaemo afaʼa lategeta eta lapakaeʼeʼmo magokepi Gotitimo mono noʼamo kino. Lapakaemo Gotitapimoʼmo agesayafeʼmo kahauya nehaya kava huta kahauya nehune. Asiliya kini vekamo Isahatoniʼmo lavalelino eʼnigeta eta mani koteʼmo maiʼnona afinatetiʼmo aepa faiteta Gotitefeʼmo ofalini hume hume eta hemenimo maiʼnone, huʼa huʼnae.

Esala 4:24

Ani kavaʼmo huʼnageʼa Yulusalemu taonifiʼmo Yuta vayaʼmogimo Goti mono noʼaleʼmo aliʼyaʼmo oʼaliʼa ataleʼnae. Noʼmo afaʼageʼmo haneme haneme neʼvigenoʼaeʼmo Pesiya kotega kini vekamo Naliyasiʼmo napa tu kafugaʼamo yagaino apateʼniya afinakeʼmo halate aepa faiʼa Goti mono noʼaleʼmo aliʼyaʼmo aliʼnae.

Esala 5:1

Ani kafugafiʼmo Gotitegati gemo alini eʼana aeʼana hakalo huʼana hapa nepaiʼa vekalaʼmo Hagaiʼe Ino mafaʼnemo Sakalaiyaʼeʼmo Yuta kotega maiʼnaya Isaleli vayaʼaifenagi Yulusalemu taonifiʼmo maiʼnaya Isaleli vayaʼaifenagi huʼana Isaleli vayaʼai Gotiʼapimoʼmo yagaino neʼapateya Goti agiʼaletiʼmo geʼamo aeʼana hakalo huʼana hapa paiʼnaʼae.

Esala 5:3

Nekigeʼapaeʼmo Tatenaiʼmo Yufaletisi aniʼmo mugagayaga faliga koteʼmo yagaiʼniya gamani vekagi Setali Mosenaiʼagi anakaegiʼeʼmo magokepi lokaeʼa maiʼnaya vayanagi huʼa eʼa Goti noʼamo nekiya vayaʼaifeʼmo huʼapaeʼmo, Ina laʼmo mani noʼmo kige taonile yafa kegiʼyaʼmo huge hiyo, huno lapa paiʼniye, huʼa ge huʼa apafi geʼnae.

Esala 6:14

Gotitegati gemo aliniʼeʼana aeʼana hakalo huʼana hapa nepaiʼa vekalaʼmo Hagaiʼe Ito mafaʼnemo Sakalaiyaʼeʼmo Goti gemo hapa nepaiʼageʼapaeʼmo Yu vayaʼmogi vayatama vayaʼmogimo Goti mono noʼaleʼmo aliʼyaʼmo aliʼnaya kavaʼmo alagepa huno afole aiʼniye. Apakaemo noʼmo kime kime uʼa kiʼa hano huʼnae. Isaleli vayaʼmogi Gotiʼapimoʼmo kiyo, huno huge Pesiya kini vayaʼmo Sailasiʼagi Naliyasiʼagi Atasekisiʼagi huʼa kiyo, huʼa huge huʼnageʼa kiʼa hano huʼnae.

Hatu maeno apate'niya gemae 4:13

O Ala kava nene, huno, kagaemo mago alu vekageʼmo alika ategeno vino, huno ha paiʼnigenoʼaeʼmo

Hagai 1:12

Inagi Silatili mafaʼnemo Selamamaliʼagi Yosateki mafaʼnemo Yasuvaʼa hogote vekamo mono huno neʼapateya vekagi muki Yuta vayapatiʼmo logufa vayanagi huʼa Ala kava neʼmo Gotiʼapimo geʼamo akame huʼnageno Ala kava neʼmo Gotiʼapimoʼmo Hagaiʼa alino ateʼnigeno Gotitegati gemo alinino eno aeno hakalo huno hapa nepaiya vekamo Hagaiʼmo hapa paiʼniya gemo afiteʼa akame huʼnae. Muki vayaʼmogimo Gotifeʼmo koli huteʼa geʼamo akame huʼnae.

Hagai 1:14

Ani kavatetiʼmo Ala kava neʼmo Gotiʼa Silatili mafaʼnemoʼmo Yuta vayaʼaiteʼmo yagaino neʼapateya vekamo Selamamaliʼagi Yosateki mafaʼnemo hogote vekamo mono huno neʼapateya vekamo Yasuvaʼagi muki vayanagi huno alino he tino apateʼnigeʼapaeʼmo eʼa Gotiʼa asole vayaʼaiteʼmo neʼyagaiya Gotiʼapimo mono noʼamo aepa faiʼa kiʼnae.

Hagai 1:15

Kini vekamo Naliyasiʼa Pesiya koteʼmo lole kafugamo yagaino apateʼnigenoʼaeʼmo sigisi kaimo tuveti fo afinaʼmo noʼmo aepa faiʼa kiʼnae.

Hagai 1:2

Inagi Hagaiʼa ina ge huno aeno hakalo huno hana paiʼniye. Ala kava neʼmoʼa asole vayaʼaiteʼmo neʼyagaiya vekamoʼmo hunoʼaeʼmo, Isaleli vayaʼmogimo huʼapaeʼmo, Ala kava neʼmo mono noʼamo kisuna afinaʼmo afole oʼaiʼniye, huʼa huʼnae.

Hagai 1:3

Ala kava neʼmoʼa Hagai avayafatiʼmo muki vayaʼaifeʼmo ani ge huno hapa paiʼniye.

Hagai 2:10

Kini vekamo Naliyasiʼa Pesiya koteʼmo lole kafugamo yagaino apateʼnigenoʼaeʼmo naeni kaimo tuveti fo afinaʼmo Ala kava neʼmo Gotiʼa geʼamo alinineno aeno hakalo huno hapa nepaiya vekamo Hagaifeʼmo ha painoʼaeʼmo,

Hagai 2:20

Halate ani tuveti fo afinakeʼmo Ala kava neʼmoʼa Hagaifeʼmo ani gemo huno ha paiʼniye.

Hagai 2:21

Kagaemo Yu vayaʼaiteʼmo yagaino neʼapateya vekamo Selamamalifeʼmo ani gemo huka ha paiyo. Gotiʼnamo asole vayaʼaiteʼmo neʼyagauva vekamoʼnamo huʼnaeʼmo, Nagaemo kokuʼnateʼe ma mopaleʼeʼmo aliʼna uti uti aiʼna ategauve.

Hagai 2:4

Ani kavaʼmo hutapa ageʼnayaʼmonanafa Selamamaligagi Yosateki mafaʼnemo hogote vekamo mono huka neʼapatana vekamo Yasuvagagi muki vayaʼmogitapaʼenagi huʼna huʼnaeʼmo lokiya vaitapa aliʼyaʼmo aliyo. Nagaemo lapakaeʼeʼmo magokepi lokaeʼna maiʼnovanagi aliʼyaʼmo aliyo, huʼna Gotiʼnamo asole vayaʼaiteʼmo neʼyagauva vekamoʼnamo mani gemo nehuve.

Malakai 1:8

Lapakaemo apaulagamo ali huʼniya afumo ofalini namiya kavaʼmo hosu kavaʼmo osuʼnafiye. Apaiyamo hosuʼniya afumo ofalini namige kaita hapauʼniya afumo ofalini namige huʼnaya kavaʼmo hosu kavaʼmo osuʼnafiye. Lapakaemo yagaino nelapateya gamani vekatapimo ani agufa afumo amiyo. Amisagenoʼaeʼmo amuse huno lapategaifiye. Amisageno alitenoʼaeʼmo lapakaetegamo alagepa kavaʼmo hugifiye, huno lapa paiʼniye.

Luki 3:27

Yoʼanani afoʼamoʼmo Lesaʼae. Lesa afoʼamoʼmo Selamameliʼae. Selamameli afoʼamoʼmo Siyalitiyeliʼae. Siyalitiyeli afoʼamoʼmo Nelaiʼae.