Galesiya 6:9 - The Keyagana NT and 25 OT books

⁹ Alagepa kavaʼmo nehutaeʼmo alagi alagaʼmo olahaenageta oʼatalesunana hoyatifatiʼmo neʼyaʼmo afu lesiya afinaʼmo alagepa neʼyaʼmo aligune.

Galesiya 6:9 ပူးပေါင်းရင်းမြစ်များ

Aepa Gemae 29:7

Inagi Yekopuʼa hunoʼaeʼmo, ageyo, huno, Afaʼa saufa kanamo haneʼniye. Sipisipi anagaʼmo noʼapifiʼmo alita anupa hutapa apatesaya kanamo osuʼniye. Ani he fitapa sipisipi anagaʼmo apamitetapa halate apavalelitapa vigeʼa uʼa kahaumo neyo, huno hapa paiʼniye.

Samu 104:27

Mukiʼamogimo kagaemo neʼyaʼmo apamisanafeʼmo apaka te; nigeʼa kagava neʼmaiye.

Samu 126:5

Avina yaʼmo nehakalaya vayaʼmogimo apaunumo uno nelamiyanageʼa henagaʼamo neʼyaʼmo aliteʼapaeʼmo apamogaga aigae.

Samu 145:15

Muki afaʼa neʼmaiya yaʼmogiʼe vayaʼmogiʼeʼmo apaka neteya afinaʼmo kagaefeʼmo apakesamo neʼafigekaeʼmo neʼyaʼmo neʼapamine.

Mai'naya kavane 11:18

Hosu vekamoʼmo aliʼyaʼaletiʼmo miyaʼamo hano hisiya miyaʼmo aligiyaʼmonanafa avina yaʼmo nehakalaya kava huno fatago kavaʼmo huʼniya vekamoʼmo henagaʼamo alagi alagepa miyaʼmo aligiye.

Sefanaiya 3:16

Ani afinaʼmo afole aisigeʼapaeʼmo Yulusalemu vayaʼaifeʼmo huʼapaeʼmo, Saiyoni vayane, huʼa, koli osiyo. Lapayaʼmoʼmo alagaʼmo nehaesigetapaeʼmo alita lokiya vaitapa ateyo, huʼa hapa paigae.

Malakai 1:13

Lapakaemo mago hosu kavatapimo haneʼniyana, Ani mono kavafeʼmo alagaʼmo lahae, hutetapa hosu lapaugosamo kaliʼnae. Lapakaemo kumaya apavaleʼnaya afu ofalinigi apaiyamo hosuʼniya afu ofalinigi kaita hapauʼniya afu ofalinigi hutapa avalelitetapa namiʼnae. Ani agufa hosu ofalinimo aligufiye.

Matiyu 10:22

Muki vayaʼmogimo nagiʼnilefeʼmo apaini huʼa lapategayaʼmonanafa oʼataleta atafautapa alagi hutapa maime maime uta atupa afinaʼmo afole aisagenoʼaeʼmo Gotiʼa lapakufamo alino katino lapategaiye.

Matiyu 24:13

Hugayaʼmonanafa oʼataleʼa atafauʼa alagi huʼa maime maime uʼa atupa afinaʼmo afole aisagenoʼaeʼmo apakufamo alino katino apateteno hapau vaigiye.

Matiyu 25:17

Ani kava huno tu tausenimo amiʼniya vekamoʼmo akamelegaʼamo magoʼe huno tu tausenimo aliʼniye.

Matiyu 9:19

Yesuʼa he tino uʼnigeʼa geʼamo neʼafiya vayaʼeʼmo magokepi lokaeʼa uʼnae.

Maki 3:3

Yesuʼa ayaʼmo kalage kiʼniya vekaeʼmo hunoʼaeʼmo, he tika manile eno, huno hutenoʼaeʼmo

Luki 18:1

Agaemo vayaʼmogimo muki afinaʼmo nunumuʼmo hisaya kavafeʼmo alagaʼmo hapaesigeʼa oʼatalesaya kavafeʼmo ani agufa gemo huno aeno kalafefa gemo huno hapa paiʼniye.

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

2 Kolitiyani 4:1

Gotiʼa hau huno lateteno ani aliʼyaʼmo lamiʼniyaʼmofeʼmo laipamoʼmo kana osuʼnigeta oʼatalone.

2 Kolitiyani 4:16

Gotiʼa alino he tino lategaiyaʼmofeʼmo laipamoʼmo kana osuʼnigeta oʼataleʼnone. Afole vekatimo alino kalagu kime kime neʼviyaʼmonanafa muki afinaʼae afinaʼaeʼmo Gotiʼa yuʼilaga vekatimo alino saufa vekamo hamaleno neʼate.

2 Kolitiyani 9:6

Ani geeʼmo huʼnaeʼmo, aise avina yaʼmo nehakalaya vayaʼmogimo aise neʼyaʼmo aligae. Asole avina yaʼmo nehakalaya vayaʼmogimo asole neʼyaʼmo aligae, huʼna lapa nepauve.

Efasasi 3:13

Inagi nagaemo lapa maesuvafeʼmo kana yaʼmo aliʼnovaʼmofeʼmo lapaipamoʼmo kana nehinagetapaeʼmo, atalegaune, hutapa osiyo. Mani kavatetiʼmo ala lapakitapimo aligae.

2 Tesaloniyani 3:13

Konagatimogitapae, huta, apakaemo ani hosu kavaʼmo nehayaʼmonanafa lapakaemo alagepa kavaʼmo nehutapaeʼmo alagaʼmo olapaeno.

Himulu 12:3

Hosu vayaʼmogimo apaini huʼa ateʼnaya kavafeʼmo lapakesa afifi hutapa maiyo fiku yanageno alagaʼmo lapaesigeno lapaipamoʼmo kana hisigetapa atalegae.

Himulu 12:5

Lapakaemo Goti mafaʼneʼamo maiʼnagenoʼaeʼmo Gotiʼa lapaipamo alino lokiya vaino atesiya agufa gemo hiyo huno huʼniya gemo ago lapa paiʼniyana lapake kaniʼniye. Ani geeʼmo hunoʼaeʼmo, Mafaʼneʼnimogae, huno, Ala kava neʼmoʼa alino api aino katesiyafeʼmo kayoʼmo kamisigekaeʼmo, ina agufa kavane, huka kagesamo oʼafiyo. Ani kava huno ge kahausigekaeʼmo kaipamoʼmo kana osino.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Yemisi 5:7

Konagaʼnimogitapae, huʼna, kagemi yaʼapiʼe vayaʼmogimo ani kavaʼmo nehayaʼmofeʼmo oʼataletapa atafauta alagi huʼnetapa agava maime maime neʼvigenoʼao Ala kava neʼmo eminegaiye. Hoyamo aliʼa neʼvaiya vayaʼmogimo avina yaʼmo nehakalaya afinaʼe neʼyaʼmo hagesigeʼa alisaya afinaʼefeʼmo oʼataleʼa atafauʼa alagi huʼa maiʼneʼapaeʼmo agava maiʼniye.

1 Pita 2:15

Lapakaemo alagepa kavatapiletiʼmo oʼafiʼnisaya vayaʼai apavayaleʼmo kitapa halututapa apatesageʼa negi nagi gemo osisayafeʼmo Gotiʼa hauʼniye.

1 Pita 3:17

Gotiʼa hauʼninagenoʼaeʼmo, kana yaʼmo aligae, huno hisigenoʼaeʼmo alagepa kavaʼmo huʼnayaʼmofeʼmo kana yaʼmo alisayana kanale hugiyaʼmonanafa hosu kavatapiletiʼmo alisayana hosugiye.

1 Pita 4:19

Inagi Gotiʼa hauʼniyanageno, kana yaʼmo aligae, huno nehisaya vayaʼmo alagepa kavaʼmo huteʼa Gotiʼa lapakupi mafaʼneleʼmo yagaino apatesiyafeʼmo alita ayapiʼmo maleyo. Agaemo muki yaʼamo alo hu maleʼniya vekamo huguve, huno hu maleʼniya geʼamo alagi akame nehiya vekamo maiʼniyaʼmofeʼmo lapakupi mafaʼnemo alita ayapiʼmo maleyo.

Leveleseni 2:17

Agesamo haneʼnisiya vekamoʼmo Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Nagaemo kamemo huʼa aeʼa apakasaya vayaʼmo kokuʼnapi fala kino haneʼniya neʼyaʼmo agiʼamo mana neʼyaʼmo apamiguve. Apamiteʼna yaveyave yafateʼmo saufa agiʼamo avoʼmo kaeʼna apamiguve. Ani saufa agiʼamo muki vayaʼmogimo oʼafisageʼa ani yafaʼmo aliʼnisaya vayaʼamogigeʼmo afigae.

Leveleseni 2:3

Nagiʼnilefeʼmo hanageke yaʼmo aliʼnetapaeʼmo alagaʼmo olapaeʼnigetapa oʼataleta atafautapa alagi hutapa maiʼnayaʼmonanafa

Leveleseni 2:7

Apakesamo haneʼnisiya vayaʼmogi Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afiyo. Nagaemo kamemo huʼa aeʼa neʼapakasaya vayaʼaifeʼmo, Afaʼa maisaya yaʼmo neʼapamiya yosa alagamo Goti hoyamo agiʼamo Palanaisi hoya folagapiʼmo haneʼniya yosa alagamo etapa afaʼa lagita neyo, huʼna hapa paiguve, huno naha paiʼniye.