Galesiya 6:3 - The Keyagana NT and 25 OT books3 Mago vekamoʼmo hunoʼaeʼmo, ala nagi vekamo maiʼnove, huno agesamo neʼafisiyana ina agufa vekamo maiʼniyaʼmofeʼmo agaiʼaekeʼmo humi neʼate. အခန်းကိုကြည့်ပါ။ |
Falasi vekamoʼmo he tino maiʼneno agaiʼaeʼmo nunumuʼmo huʼniye. Nunumuʼmo hunoʼaeʼmo, Gotiyo, huno, muki alu vayakana huʼna oʼmaiʼnovaʼmofeʼmo kahao keʼmo nehove. Mago kanale kavaʼmo osuge aigofe gemo huteʼa kumayaʼmo alige kumai kavaʼmo huge nehaya vayakana huʼna oʼmaiʼnove. Ani takesi monimo neʼaliya vekagana huʼna oʼmaiʼnove.
Nagaemo fikumo naha maeno namiʼniya himamuʼaletiʼmo muki vayaʼmogitapaeʼmo lapa paiʼnaeʼmo, Gotiʼa lapamete lapamete huno lapamiʼniya yafeʼmo hutapaeʼmo, nagesamo afiʼna fatago huʼnova yaʼmo na magi yaʼmo namiʼnifi, hutapa lapamete lapamete hutapa lapakesamo afita ho hutetapa yagaita ateyo. Fikumo yanageno mago aiseʼamo aliʼnisiya vekamoʼmo, alopa yaʼmo aliʼnove, huno agesamo afigiye.
Lapakaitapieʼmo humi olapateyo. Lapakaepatiʼmo mago vekamoʼmo ma mopafi vayaʼmogi afiteʼa ageʼnaya agufa gemo afitenoʼaeʼmo, ageteʼna afiʼnova vekamo maiʼnove, huno agesamo neʼafisiyana ageteno afiʼniya geʼamo ataleteno, negi vekamo maiʼnove, huno hino. Huno hisiyana lama geleʼmo ageteno afiʼniya vekamo hamalegaiye.
Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.