Galesiya 6:2 - The Keyagana NT and 25 OT books

² Konagatapimogimo neʼaliya kana yaʼmo alita hapa maegeʼapao Kalaisi muki keʼaepa geʼamo ago akame hugayanagi.

Galesiya 6:2 ပူးပေါင်းရင်းမြစ်များ

Aiyeya 58:6

Nagaemo ani agufa kavafeʼmo oʼnahauʼniye. Neʼyaʼmo mo sisaya afinaʼmo hosu kavatetiʼmo nofi kitapa apateʼnaya vayaʼmo hatu maeta apatege kana yaʼmo alita apamiʼnageʼa aliniʼa neʼvaya vayaʼmo hapa maege aliʼyatapimo neʼaliya vayaʼmo kalavusi huta apateʼnaya vayaʼaifeʼmo, afaʼa ugae, hutapa huge muki ani agufa hosu kavatapimo atalege hisaya kavafeʼmo nahauʼniye.

Matiyu 8:17

Agaemo Aiyeyaʼa Gotitegati gemo alinineno aeno hakalo huno hapa nepaiya vekamoʼmo mani kavafeʼmo huʼniya kavaʼmo afole aisiyafeʼmo huʼniye. Aiyeyaʼa hunoʼaeʼmo, Agaemo alu kaita alu kaitaʼmo lahauʼniya kaitaʼmo laha maeno alininuno ataleʼniye, huno avoʼmo kae maleʼniye.

Luki 11:46

vaehae, huʼna, keʼaepa gemo afiʼnaya vayaʼaitegaʼeʼmo kage kage hisaya kavaʼmo afole aigiye. Lapakaemo vayaʼmo kana huʼniya aliʼyaʼmo neʼapamiyaʼmonanafa magoke ati yagaina lapayatetiʼmo aliʼyaʼmo noʼaliye.

Yoni 13:34

Hemenimo mago saufa keʼaepa gemo lapa nepauve. Konagatapimogifeʼmo lapau lapayamopafiʼmo lapaino. Lapakaefeʼmo nahau nayamopafiʼmo nahauʼniya kava huno konagatapimogifeʼmo lapau lapayamopafiʼmo lapaino.

Yoni 15:12

Geʼaepa geʼnimo haneʼniyana lapakaefeʼmo nahau nayamopafiʼmo nahauʼniya kava huno konagatapieʼmo lapau lapayamopafiʼmo lapaino.

Lomu 15:1

Lokiya vaita lagesamo afita fatago nehuna vayaʼmogitamo lagaitiekeʼmo lagesamo afiteta lahauʼnisiya kavaʼmo osuta lokiya oʼvaiʼnaya vayaʼmogimo afiʼa ha leʼa noʼafiya kavatefeʼmo vase vase huta hapa maesuna kavaʼmo haneʼniye.

Lomu 8:2

Na kava hinagenoʼaeʼmo agoti huno lateteno falisuna agufa kayoʼmo olamigiye. Keʼaepa gemoʼa hosu kavaʼe nefali kavaʼeʼmo alino afole aino neʼateyaʼmonanafa Kalaisi Yesupiʼmo maiʼnonagenoʼaeʼmo Goti Aunemeʼamoʼmo afaʼa maisuna yaʼmo nelamiya Aunemeʼamoʼmo alagepa faigoko geʼaletiʼmo keʼaepa gefatiʼmo ago hatu maeno nateʼniye.

1 Kolitiyani 9:21

Keʼaepa gemo oʼaliʼnaya vayaʼmo apavaleliʼna esuvafeʼmo Yu nofi vayapati oʼmaiʼnaya vayaʼaitegamo uʼna aliʼyaʼmo neʼaliʼnaeʼmo keʼaepa gemo oʼaliʼniya vekagana huʼna maiʼnove. Goti keʼaepa geʼamo amagiʼna ataleteʼna afaʼa maiʼnove, huʼna nosufa Kalaisi keʼaepa geʼamo afeʼalumelagamo maiʼnove.

Galesiya 6:5

Muki vayaʼmogimo apamete apamete huʼa apakaiʼapi aliʼyaʼapimo aligayaʼmofeʼmae.

1 Tesaloniyani 5:14

Konagatimogitapae, huta, lapao ke honanagi alagaʼmo nehapaegeʼa afaʼa neʼmaiya vayaʼaifeʼmo, ehetapiye, huta, alagaʼmo olapaeno, hutapa hapa paiyo. Koli nehaya vayaʼai apaipamo alita lokiya vaitapa apateyo. Lokiya noʼvaiya vayaʼaina hapa maeyo. Muki vayaʼaitegamo vase vase hutapa falu fala kavaʼmo hiyo.

Yemisi 1:25

Age nekaniyaʼmonanafa mago vekamoʼmo Goti keʼaepa geʼamoʼa uno haino hapaiʼniya kanale geʼaletiʼmo hatu maeno neʼapateya geleʼmo aulu heno ageʼniya geeʼmo age okanino agesamo afifi huno akame nehisiyana kanale hugiye. Muki kavaʼamo nehisigenoʼaeʼmo Gotiʼa alino auleno ategaiye.

Yemisi 2:12

Gotiʼa hatu maeno lapateʼniya keʼaepa geʼaletiʼmo alino fako huno lapategaiyaʼmofeʼmo alagepa gemo huge alagepa kavaʼmo huge hiyo.

Yemisi 2:8

Lapakaemo Gotiʼmo yagaino neʼapateya kini vekatapimo Goti keʼaepa geʼamo mukufiʼmo haneʼniya keʼaepa geʼamo akame nehisayana alagepa kavaʼmo nehae. Ani gemoʼa hunoʼaeʼmo, lapakaitapieʼmo lapau lapayamopafiʼmo lapauʼniya kava hutapa lapaopaleʼmo neʼmaiya vayaʼaifeʼmo lapau lapayamopafiʼmo lapaino, huno huʼniye.

1 Pita 2:24

Agaiʼageʼmo hosu kavatimo agufafiʼmo aliteno malipu yosaleʼmo faliʼniye. Hosu kavatilefeʼmo falitetaeʼmo alagepa kavaʼalefeʼmo afaʼa maisunafeʼmo faliʼniye. Amagiʼnageno fugaginaʼamoʼmo huʼniya kavaʼaletiʼmo Gotiʼa alino auleno lapateʼniye.

2 Pita 2:21

Apakaemo fatago kavaʼmo alisaya kafeʼmo ava gemo oʼafiʼnaesinana alagepa huʼa maiʼnaesinaʼmonanafa aote gemo ani kavaʼmo hiyo, huno hapa paiʼniya keʼaepa gemo afiteʼa ataleʼnayaʼmofeʼmo alagi hosugiye.

2 Pita 3:2

Lapakaemo akeyaʼvilaga apaote vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogi huʼnaya geʼe Ala kava neʼmo lagufamo alino katino nelateya vekamoʼmo apa vayaʼamogitaʼeʼmo hutaeʼmo, ani kavaʼmo hiyo, huta huʼnona getiʼeʼmo halate magoʼe hutapa lapakesamo afisayafeʼmo mani gemo avoʼmo nekaove.

1 Yoni 4:21

Gotiʼa mani keʼaepa geʼaeʼmo, Lapakaemo Gotifeʼmo lapau lapayamopafiʼmo lahapausigeno konagatapimogiʼefeʼmo lapau lapayamopafiʼmo lapaino, huno laha paiʼniye.