Galesiya 6:18 - The Keyagana NT and 25 OT books

¹⁸ Konagaʼnimogitapae, huʼna, Ala kava netimo Yesu Kalaisiʼa fikumo lapa maeno lapamino. He, lama ge.

Galesiya 6:18 ပူးပေါင်းရင်းမြစ်များ

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Lomu 1:13

Konagaʼnimogitapae, huʼna, mago gemo afisayafeʼmo nahauʼniyanagi lapakaemo alagepa hutapa afiyo. Muki afinaʼmo huʼnaeʼmo, uguve, huʼna nehuvaʼmonanafa lapakaetegamo visuva kaʼmo ago akani maleʼniye. Nagaemo Yu nofi vayapati oʼmaiʼnaya vayaʼaitegamo uʼna Goti geʼamo hakaleʼnogeno alagamo aeʼniya kava huʼna lapakaetegaʼeʼmo uʼna Goti geʼamo hakalesugeno alagamo aesiyafeʼmo neʼnahaiye.

Lomu 16:20

Gotiʼa alagepa huta neʼmauna kavaʼmo aepa vekamoʼmo malage huno Sataniʼmo lapaiya afeʼalumelagamo alino aeno latapaigiye. Ala kava netimo Yesu Kalaisiʼa fikumo lapa maeno lapamino. He, Lama ge.

Lomu 16:23

Gaiyasiʼa Poloʼnaleʼmo alagepa huno yagaino nateʼniya vekaʼe noʼafiʼmo aliʼa anupa huʼa maiʼnaya siosi vayaʼmogiʼeʼmo ge lapamamaeʼnae. Elasatasiʼa taonifi monileʼmo neʼyagaiya vekaʼe Kuvotasiʼa konagatimoʼeʼmo ge lapamamaeʼnaʼae.

2 Kolitiyani 13:14

Ala kava neʼmo Yesu Kalaisiʼa mukiʼamogitapa fikumo lapa maeno lapamino. Gotiʼa mukiʼamogitapaeʼmo hau ayamopafiʼmo hauʼniya kavaʼamo lapaipafiʼmo haneno. Aote Aunemeʼamoʼmo mukiʼamogitapaʼeʼmo magokepi lokaeno afalu afalu huno maino. He, lama ge.

Galesiya 3:15

Konagaʼnimogitapae, huʼna, alagepa hutapa afisayafeʼmo ma mopafi kavafeʼmo huʼna aeʼna kalafefa gemo hugesuve. Ma mopafi vayaʼmogi mago kotalakemo hu maleteʼa apakiʼapimo avoʼmo kae maleʼnisayaʼmoʼmo mago vayaʼmogi afaʼa aeʼa kalo opaegae. Mago vayaʼmogi afaʼa aliʼa oʼatalege alu gemo aliʼa magokepiʼmo avoʼmo kaeʼa oʼmalege hugae.

Galesiya 4:12

Konagaʼnimogitapae, huʼna, nagaemo hogoteʼna Yu vayaʼai keʼaepa gemo afeʼalumelagamo maigeʼna ataleʼna eʼna alu nofi vekamo lapakaekana huʼna maiʼnove. Lapao ke hovanagi ani kava huta nagaekana hutapa keʼaepa gemo afeʼalumelagamo oʼmaiyo. Nagaetegamo mago hosu kavaʼmo osuʼnae.

Galesiya 4:28

Inagi konagaʼnimogitapae, huʼna, Aisikiʼa fikumo kaha maeʼna kamiguve, huno ha paiʼniya polomasi geʼaleti mafaʼnemo maiʼniya kava huta polomasi geʼaleti mafaʼneʼamo maiʼnone.

Galesiya 6:1

Konagaʼnimogitapae, huʼna, mago hosu kavaʼmoʼa malage huno mago konagatapimoʼmo atafausigeno hosu kavaʼmo huʼnisigetapaeʼmo lapakaepatiʼmo Goti Aunemeʼamo alagepa huʼa akame nehisaya vayaʼmogimo yagu yaga gemo huʼa aliʼa alagepa huʼa ateyo. Lapakaeʼeʼmo lapamalageka hisagetapaeʼmo hosu kavaʼmo osisayafeʼmo lapakaitapileʼmo alagepa hutapa yagaiʼnetapaekeʼmo alita api aita ateyo.

2 Timoti 4:22

Ala kava neʼmoʼa kagaeʼeʼmo magokepiʼmo lokaeno maino. Gotiʼa fikumo lapa maeno lapamino. He, lama ge.

Failimoni 1:25

Ala kava neʼmo Yesu Kalaisiʼa fikumo lapa maeno nelapamiya kavaʼmoʼa lapakaeʼeʼmo magokepi lokaeno haneno. He, lama ge.

Leveleseni 22:21

Ala kava netimo Yesuʼa mukiʼamogitapamo fikumo lapa maeno lapamino. He lama ge.