Galesiya 6:17 - The Keyagana NT and 25 OT books

¹⁷ Ge atupa geʼnimo huʼnaeʼmo, vayaʼmogimo Ala kava neʼmo Yesutefeʼmo namagiʼnageno nagufaleʼmo nafuguʼmo haneʼniyanagi mago vekamoʼmo magoʼe huno hanageke yaʼmo oʼnamino.

Galesiya 6:17 ပူးပေါင်းရင်းမြစ်များ

Apa 15:24

Lagaemo mago gemo afiʼnonana mago lagaepati vayaʼmogimo lapakaetegamo uʼa hosu gemo kana huʼniya agufa gemo lapa paiʼapaeʼmo, lapakufamo lagautetapa keʼaepa gemo akame hiyo, huʼa lapa paiʼnagetapaeʼmo afitetapa atete huʼnae. Ani agufa gemo hutapa hapa paiyo, huta osuʼnonanafa apakaiʼapimo ani gemo lapa paiʼnae.

2 Kolitiyani 1:5

Kalaisiʼa lusi kana yaʼmo aliʼniya kava huta lusi kana yaʼmo hetamatimo neʼalune. Lusi kava huta kana yaʼmo neʼaluna kavaʼmo huno Gotiʼa Kalaisitetiʼmo magoʼe huno laha maeno alino lokiya vaino nelate.

2 Kolitiyani 4:10

Yesuʼa afaʼa maiʼniye, huta lagufaletiʼmo alita apave lisunafeʼmo Ala kava neʼmo Yesuʼa faliʼniya agufa kavaʼmo lagufaleʼmo alinita neʼune.

Galesiya 1:7

Alu alagepa gemo ohaneʼniyaʼmonanafa mago vayaʼmogimo alagepa faigoko gemo aliʼa aiʼa ataginovano gemo huteʼa lapakesamo nefaigetapaeʼmo lapausoli nehae.

Filipai 3:10

Nagaemo Kalaisina ageʼna alagepa huʼna agesuvafeʼmo neʼnahaiye. Faliʼniyatetiʼmo he tiʼniya himamuʼamoʼa naipafiʼmo aliʼyaʼmo alisigeʼna agegesuve. Kana yaʼmo aliʼniya kavatefeʼmo magoke agufa kava huʼna kana yaʼmo alisuvafeʼmo neʼnahaiye. Faliʼniyanageʼna atafa naipamo hano hisiyafeʼmo faliteʼna agaekana huʼna maigesuve.

Kolosi 1:24

Nagaemo lapakaetefeʼmo kana yaʼmo neʼaluvaʼmofeʼmo namogaga neʼauve. Kalaisiʼa kana yaʼmo aliʼniya kava huʼna agufalefeʼmo kana yaʼmo neʼaluve. Kalaisi agufaʼamo agaiʼa siosi vayaʼamae. Goti mafaʼneʼamogi kanamo neʼaliya aliʼyaʼapimo hano osuʼniye. Nagaemo kana yaʼmo neʼaluva hetamaʼnimo aliʼna hapa maegauve.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Yasuva 7:25

Yasuvaʼa hunoʼaeʼmo, Na agufa kava higekaeʼmo hanageke yaʼmo alika lamiʼnane. Hemenimo Ala kava neʼmoʼa hanageke yaʼmo kamigiye, huno nehigeʼapaeʼmo muki Isaleli vayaʼmogimo yafa kayotetiʼmo Ekaniʼe muki afamo anagaʼaʼeʼmo kamitimo apamagiteʼa muki yaʼapiʼe apakaeʼeʼmo ata kaeʼa apasagaliʼnae.

Leveleseni 13:16

Agaemo afa vayanagi ala apaki vayanagi kagemi yaʼapiʼe vayanagi kagemi yaʼapimo ohaneʼnisiya vayanagi kalavusi aliʼyaʼmo neʼaliya vayanagi afaʼa maiʼnaya vayaʼaifenagi huno lamaga lapayateʼmofi lapanileʼmofi hutapa alagena yaʼamo hu maleyo, huno hapa paiʼniye.

Leveleseni 13:17

Afela afumo alagena yaʼamofi agiʼamofi napaʼamofi huʼa oʼaliʼnisaya vayaʼmogimo afaʼa miya ofaige maketi osuge huʼnae.