Galesiya 6:14 - The Keyagana NT and 25 OT books

¹⁴ Nehayaʼmonanafa nagaemo mago kavatefeʼmo nagiʼnileʼmo aliʼna asaga huʼna nateteʼna namogaga aisufiye. Haʼao, alagi atalegeno hano hino. Nagaemo Ala kava netimo Yesu Kalaisiʼa malipu yosaleʼmo faliʼniya kavafekeʼmo naipafatiʼmo namogaga aiʼninageʼna hapa paisuva gegeʼmo haneʼniye. Gotiʼa malipu yosaleʼmo faliʼniya kavatetiʼmo atafa naipamo ago amagino ataleʼnigeʼna ma mopafi yaʼe amega apakufale kavaʼefeʼmo huʼnaeʼmo, ina agufa kavaʼmo malipu yosaleʼmo faligekana huno haneʼniye, huʼna nagesamo neʼafugeʼapaeʼmo ma mopafi vayaʼmogimo nagaefeʼmo huʼapaeʼmo, ina agufa vekamo malipu yosaleʼmo nili aiteʼa aliʼa he tiʼa ateʼnaya agufa vekagana huno maiʼniye, huʼa nehae.

Galesiya 6:14 ပူးပေါင်းရင်းမြစ်များ

Samu 49:6

Apakaemo kagemi yaʼapieʼmo aliʼa amufa amige alopa kagemi yatimo haneʼniye, huʼa huge nehaya vayaʼmogimo

Luki 20:16

Eno hoyaʼaleʼmo yagaiʼnaya vayaʼmo kamitimo apamagiteno mago alu vayaʼmo alino apamigiye, huno hapa paiʼnigeʼa afiteʼapaeʼmo, haʼao, fiku yanageno ani agufa kavaʼmo lagaetegamo afole aigiye, huʼa ha paiʼnageno

Lomu 1:16

Na kava higeʼnaene. Kalaisifeʼmo alagepa faigoko geʼalefeʼmo navagage osuʼnigeʼna namogaga neʼauvaʼmofeʼmae. Gotiʼa ani gemo himamuʼaletiʼmo apakesamo afiʼa fatago nehaya vayaʼai apakufamo alino katino neʼapate. Hogoteno Yu nofi vayaʼaitegamo afole aitenoʼaeʼmo henagaʼamo alu nofi vayaʼaitegamo afole aiʼniye.

Lomu 6:2

Haʼao, alagi atalegeno hano hino. Lagaemo hosu kavatilefeʼmo ago faliʼnonaʼmofeʼmo haiya kava huta magoʼe huta hosu kavapiʼmo maigune.

Lomu 6:6

Ago afiʼnonana lagufafi hosu kavatimo lokiyaʼamo hano hisigeno hosu kavaʼmoʼa yagaino lateʼnisigeta aliʼyaʼamo magoʼe huta oʼalisunafeʼmo Gotiʼa atafa vekatimo Kalaisiʼeʼmo malipu yosaleʼmo nili aiʼnigeno faliʼniye.

1 Kolitiyani 1:23

Nehayaʼmonanafa lagaemo Kalaisiʼa malipu yosaleʼmo nili aiteʼa aliʼa he tiʼa ateʼnaya kavafekeʼmo ava gemo aeta hakalo huta hapa nepaunageʼapaeʼmo Yu vayaʼmogimo ani gemo afiteʼapaeʼmo hosu apaipamo kaliteʼa apaiyamo faiʼa lo aeteʼa heleve huʼnageʼapaeʼmo Yu nofi vayapatiʼmo oʼmaiʼnaya vayaʼmogimo ani gemo afiteʼapaeʼmo, negi nagi gemo huʼnae, huʼa nehae.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

1 Kolitiyani 2:2

Hogoteʼna naipafiʼmo, apakaeʼeʼmo uʼna magokepi lokaeʼna maiʼneʼnaeʼmo muki kavafeʼmo nage kaniʼna ataleʼneʼna Yesu Kalaisifekeʼmo nagesamo afiʼneʼna Yesu Kalaisiʼmo malipu yosaleʼmo nili aiteʼa aliʼa he tiʼa ateʼnaya kavafekeʼmo nagesamo afiʼneʼna aeʼna hakalo huguve, huʼna lokiya vaiʼna nagesamo afiʼnove.

1 Kolitiyani 3:21

Huʼniyaʼmofeʼmo lapakaemo vayaʼaifeʼmo amuse osiyo. Muki yaʼe vayaʼeʼmo lapakaitapi yaʼmo haneʼniye.

2 Kolitiyani 11:12

Mago vayaʼmogimo apakaiʼapieʼmo apamogaga aisaya kaʼmo agesayafeʼmo, magoke agufa aliʼyaʼmo neʼalune, huʼa huteʼa apamogaga oʼaisayafeʼmo lapakae yaʼmo oʼaliʼnovanageʼna alagi oʼaliguve.

Galesiya 1:4

Gotiʼa Afotimoʼmo hauʼnigeno Kalaisiʼa geʼamo akame huno hemenimo ma mopafi kavategatiʼmo lagufamo alino katino latesiyafeʼmo hosu kavatilefeʼmo agufamo amiteno faliʼniye.

Galesiya 2:17

Gotiʼa Kalaisipiʼmo maiʼnonagenoʼaeʼmo, naulagaleʼmo fatago vayaʼmo maiʼnae, huno laha paisiyafeʼmo keʼaepa gemoʼa laha oʼmaegaiye, huteta atalesunageʼapaeʼmo, hosu vayaʼmo maiʼnae, huʼa hugayaʼmonanafa Kalaisiʼa hosu kavaʼmo hisuna kaʼmo valino lateʼnifiye. Ani agufa gemo osutapa alagi atalegeno hano hino.

Galesiya 2:19

Goti keʼaepa geʼamoʼmo alagi kamitimo namagiʼnigeʼna faliʼnove. Gotiʼa hauʼniya kavaʼmo hisuvafeʼmo keʼaepa geʼalefeʼmo ago faliʼnove.

Galesiya 2:20

Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

Galesiya 3:21

Keʼaepa gemoʼa polomasi geeʼmo kamemo huno neʼatefiye. Ani gemo alagi atalegeno hano hino. Keʼaepa gemoʼa afaʼa maisaya yaʼmo alino apamiʼniyesinana ani keʼaepa gemo akame nehaya kavatetiʼmo naulagaleʼmo fatago vayaʼmo maiʼnae, huno huʼniyesine.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Filipai 3:18

Mani hemenimo hisuva gemo muki afinaʼmo lapa paiʼnovanageʼna hemenimo halate magoʼe huʼna lapa paiʼnaeʼmo, Asole vayaʼmo Kalaisi kame vayaʼamo maiʼneʼa malipu yosaleʼmo faliʼniya kavafeʼmo ava gemo aeʼa ati nekae, huʼna huteʼna naunumo uno nelamigeʼna lapa nepauve.

Filipai 3:3

Huʼnayaʼmonanafa lama ge alagena yaʼmo oʼaliʼnae. Lagaemo lama ge alagena yaʼmo laipafiʼmo aliteta Goti Aunemeʼaletiʼmo Gotifeʼmo mono huge Kalaisi Yesufeʼmo alopa gefatiʼmo huta lamogaga aige huta maiʼnonaʼmonanafa lagufaeʼmo lagesamo afiteta alita amufa oʼamiʼnone.

Kolosi 2:20

Lapakaemo ma mopafiʼmo hogoteʼa aepa faiʼnaya gelefeʼmo faliʼnisayaʼmoʼmo na kava higetapa ani ya oʼaliyo, ina neʼyaʼmo oʼneyo, ani yateʼmo ame oʼaliyo, huʼa nehaya gemo ma mopafi vayakana hutapa ma mopafi vayaʼai keʼaepa geʼapimo akame nehae.