Galesiya 6:10 - The Keyagana NT and 25 OT books

¹⁰ Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

Galesiya 6:10 ပူးပေါင်းရင်းမြစ်များ

Samu 37:27

Hosu kavaʼmo ataletetapa alagepa kavakeʼmo hiyo alagi maige maige hutapa maigayanagi.

Samu 37:3

Ala kava nefekeʼmo alita amufa amitetapa alagepa kavaʼmo higenoʼao lapa maesigetapa ma mopafiʼmo alagepa hutapa maigayanagi.

Mai'naya kavane 3:27

Mago vekamoʼmo anonaʼamo haneʼnisigekaeʼmo alagepa yakaleʼmo atafauka alagi huka oʼmaika amiyo. Amisana kava huka aliʼnisana yaʼmo amiyo.

Matiyu 10:25

Mago vekamoʼmo alino aya neʼmaleya vekagana huno maiʼnisiyana kanalene. Ani kava huno mago aliʼyaʼamo neʼaliya vekamoʼa aliʼyaʼmo afoʼamokana huno maiʼnisiyana kanalene. Vayaʼmogimo afamo anaga aepa vekaeʼmo Satani agiʼamo Mielisemuligae huʼa huteʼa huʼa faipa huʼa neʼatesayana agae afamo anaga vayaʼaifeʼmo magoʼe huʼa huʼa faipa huʼa apategae.

Matiyu 12:50

Kokuʼnapi afoʼnimoʼmo hauʼniya kavaʼageʼmo nehaya vayaʼmo naganaʼnimogimo maige nasaʼnimogimo maige itaʼnimogimo maige huʼnae, huno hapa paiʼniye.

Matiyu 25:40

Ala kini vekaʼapimoʼmo hunoʼaeʼmo, lama ge lapa nepauve, huno, lapakaemo nagae vayapatiʼmo ina agufa naganaʼnimogitegamo ani kava huʼnaya kavaʼmo nagaetegageʼmo huʼnae, huno hapa paigiye.

Matiyu 5:43

Akeyaʼvilaga vayaʼmogimo huʼapaeʼmo, lapaopaleʼmo maiʼnaya vayaʼaifeʼmo lapau lapayamopafiʼmo lapauʼninagetapa kame vayatapieʼmo lapaini huta hiyo, huʼa lapa paiʼnageta ago afiʼnae.

Maki 3:4

apakaefeʼmo hunoʼaeʼmo, Sapati afinaʼmo keʼaepa gemo akame hisunafeʼmo na agufa kavaʼmo hugune. Sapati afinaʼmo alagepa kavaʼmo hisupi hosu kavaʼmo hugune. Vayaʼmo hapaegaupi hapa maegaune, huno apafi geʼnigeʼapaeʼmo ge osuʼa afaʼa maiʼnae.

Luki 6:35

Lapakaemo kame vayatapieʼmo lapau lapayamopafiʼmo lahapauʼnisigetapa alagepa kavaʼmo huteta anonatapileʼmo halate alisayafeʼmo lapakesamo oʼafita fikumo apamiyo alopa yatapimo aligae. Ala kava neʼmo anaga hogote vekamoʼmo muki yaʼamo neʼapamigeʼa aliteʼapaeʼmo kahao ke hove, huʼa osuʼa fiku neʼaliya vayaʼe hapaku ataleʼneʼa neʼaliya vayaʼeʼmo alagepa kavaʼmo huno yagaino neʼapateyaʼmofeʼmo ani agufa kavaʼmo hisayaʼmoʼmo mafaʼneʼamo maigae.

Yoni 12:35

Yesuʼa hunoʼaeʼmo, aise afinaʼmo ha le yaʼmo neʼapamiya vekamo lapakaeʼeʼmo magokepi lokaeno maiʼnenoʼaeʼmo aeno ha leno lapategaiye. Aeno ha leʼnisiya yategamo umenitata hiyo fiku yanageno hani lapaugiyanagi. Hanipiʼmo umenitata nehiya vekamoʼa haiya kateʼmo neʼufi huno oʼagegaiye.

Yoni 9:4

Muki felugaʼamo nagaemo alino nateʼnigeʼna emiʼneʼnova vekamo hauʼniya aliʼyaʼamo aliguve. Haniʼmo hisigeʼapaeʼmo muki vayaʼmogimo aliʼyaʼmo afaʼa oʼaligae.

Apa 6:7

Inagi Goti geʼamoʼmo muki haopalegamo aino atagu faeno uneno huʼniye. Yulusalemu taonifiʼmo maiʼnaya vayapatiʼmo Yesu geʼamo neʼafiya vayaʼmo magoʼe magoʼe huʼa afole aiʼnae. Mono huʼa neʼapataya vayaʼmo asole vayaʼmogimo apakesamo afiʼa fatago huteʼa akame huʼnae.

2 Kolitiyani 2:8

Lapakaemo muki vayaʼai apaulagaleʼmo agaefeʼmo lapau lapayamopafiʼmo lapauʼniya kavatapimo alitapa ave liyo.

Galesiya 1:23

Oʼnageʼnayaʼmonanafa mago vayaʼmogi huʼapaeʼmo, ani vekamoʼmo aini huno lateteno apakesamo afiʼa fatago hisaya faigoko gemo alino hano huno atalesiyafeʼmo huʼniya vekamoʼmo hemenimo ani gemo aeno hakalo huno hapa nepaiye, huʼa hapa paiʼnageʼa afiteʼapaeʼmo

Efasasi 2:19

Ani kavaʼmo hutapa maiʼnayaʼmofeʼmo hemenimo lapakaemo nata vayaʼmo oʼmaige alu kotegatiʼmo eʼa maiʼnaya vayakana huta oʼmaige huʼnayaʼmonanafa Goti apaote vayaʼaʼeʼmo magoke kote vayaʼmo maiʼnetapa Goti afamo anaga vayaʼaʼeʼmo magokepi lokaeta maiʼnae.

Efasasi 3:15

Goti afamo anaga vayaʼamo muki kokuʼnapi neʼmaiya vayaʼe ma mopafi neʼmaiya vayaʼmogiʼeʼmo Gotiʼa afoʼapimotetiʼmo ala apakiʼapimo neʼaliye.

Efasasi 4:28

Kumaya neʼaliya kavaʼmo ataletapa lapayatetiʼmo aepa faitapa alagepa aliʼyaʼmo aliyo, kagemi yaʼapimo ohanesiya vayaʼaina apamisayafeʼmae.

Efasasi 5:16

Hemenimo hosu kavaʼmo nehaya afinaʼmo haneʼniyaʼmofeʼmo muki afinaʼae afinaʼaeʼmo alagepa kavakeʼmo huge huge hutapa maiyo. Fiku yanageno alagepa kavaʼmo hisaya afinatapimo hano hugiyanagi.

Filipai 4:10

Yatala afinaʼmo utegetapa halate nagaefeʼmo lusi kava hutapa lapakesamo afitetapa mago yaʼmo fikumo naha maeta namiʼnageʼnaeʼmo Ala kava nepiʼmo lusi kava huʼna namogaga aiʼnove. Muki afinaʼmo nagaefeʼmo lapakesamo neʼafiyaʼmonanafa alita nave lisaya kaʼmo ohaneʼniye.

Kolosi 4:5

Lapakaemo malaga vayaʼaifeʼmo alagepa huta lapakesamo afitetapa alagepa kavaʼmo hiyo. Lapakaemo alagepa kavaʼmo hisaya afinaʼmo ago hano hugiyanagi alagepa kavaʼmo hutapa alagepa aliʼyaʼmo aliyo.

1 Tesaloniyani 5:15

Vayaʼmogi hosu kavaʼmo anonaʼapilefeʼmo aeʼa atagaina huʼa osisayafeʼmo alagepa huta yagaitapa apateyo. Lapakaemo muki afinaʼmo konagatapimogitegaʼe muki vayaʼaitegaʼeʼmo lapayamukiki hutapa alagepa kavaʼmo hiyo.

1 Tesaloniyani 5:21

Osutapa muki kavaʼe geʼeʼmo alita fako hutapa agege afige hutetapa alagepa kavaʼe alagepa geʼeʼmo atafauta lapaipafiʼmo maleyo.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Taitasi 3:8

Mani nehuna gemo lama gemo haneʼniyaʼmofeʼmo ani kavafeʼmo lokiya gemo huka hapa paisanafeʼmo nahauʼniye. Hapa paigeʼapao Gotifeʼmo apakesamo afiʼa fatago huʼnaya vayaʼmogimo apayamukiki huʼa alagepa kavaʼmo hiyo. Ani kavaʼmo alagepa kavaʼmo haneʼneno vayaʼaina hapa neʼmaeya kavaʼmo haneʼniye.

Himulu 13:16

Amitetapaeʼmo alagepa kavaʼmo huge hapa maetapa apamige hisayafeʼmo lapake okanino. Gotiʼa ani agufa ofalinimo neʼamiya kavafeʼmo lusi kava huno nehaiye.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.

1 Pita 4:17

Gotiʼa agoti huno apateteno kayoʼmo apamisiya afinaʼmo ago afole aiʼniyaʼmofeʼmo afamo anagaʼaleʼmo aepa faigiye. Gotiʼa lagaetegamo ago aepa faino agoti huno nelatesiyana alagepa faigoko geʼamo akame nosaya vayaʼmogi atupa afinaʼapimo haiya kava huʼa maigae. Vaehae, huʼna,

1 Yoni 5:1

Ina lagimo Yesuʼa Kalaisiʼmo vayaʼmo maiʼniye, huʼa huteʼa apakesamo afiʼa fatago nehafi Gotiʼa alino apateʼnigeʼa mafaʼneʼamo maiʼnae. Muki vayaʼamogimo alino apateʼniya vekaeʼmo hapau apayamopafiʼmo hapausiyana ani kava huno alino apateʼniya mafaʼneʼamogiʼefeʼmo hapau apayamopafiʼmo nehapaiye.

3 Yoni 1:10

Ani kava nehiyaʼmofeʼmo siosileʼmo visuva afinaʼmo huʼniya kavafeʼmo huʼnaeʼmo, afa geletiʼmo alino hosu huno lateʼniye, huʼna aeʼna hakalo huguve. Ani kavaʼmo hutenoʼaeʼmo magoʼe kavaʼmo hunoʼaeʼmo konaga vayatimo alino falu fala kavaʼmo huno oʼapateno aliʼa falu fala huʼa apatesaya vayaʼmo apatafauno apateteno siosi vayapatiʼmo alino hapafaino neʼapatale.

3 Yoni 1:11

Nahauʼniya vekaʼnimogae, huʼna, hosu kavaʼmo akame osuka alagepa kavakeʼmo akame huvo. Alagepa kavaʼmo nehaya vayaʼmo Goti vayaʼamo maiʼnageʼa hosu kavaʼmo nehaya vayaʼmogimo Gotiʼa oʼageʼnae.

3 Yoni 1:3

Mago konagatimogi eʼa huʼapaeʼmo, lama geleʼmo alagepa huno maiʼniye, huʼa kava gemo huʼa naha paiʼnageʼna afiteʼnaeʼmo namogaga aiʼnove. Ageʼnovana lama gemo alagepa huka akame nehane.