Galesiya 6:1 - The Keyagana NT and 25 OT books

¹ Konagaʼnimogitapae, huʼna, mago hosu kavaʼmoʼa malage huno mago konagatapimoʼmo atafausigeno hosu kavaʼmo huʼnisigetapaeʼmo lapakaepatiʼmo Goti Aunemeʼamo alagepa huʼa akame nehisaya vayaʼmogimo yagu yaga gemo huʼa aliʼa alagepa huʼa ateyo. Lapakaeʼeʼmo lapamalageka hisagetapaeʼmo hosu kavaʼmo osisayafeʼmo lapakaitapileʼmo alagepa hutapa yagaiʼnetapaekeʼmo alita api aita ateyo.

Galesiya 6:1 ပူးပေါင်းရင်းမြစ်များ

2 Samiyo 11:2

Mago uneʼmo Neviniʼa hipaʼaleʼmo havaeno maigeno he tino nokatomuʼmo otuleʼmo uno haino uneno huʼniye. Agaemo aulu heno mugalegamo ageyategamo mago a kanomoʼmo aniʼmo nefalegeno ageʼniye. Ani a kanomo alagi alagepa apaulagamo neʼagaya a kanoe.

Samu 141:5

Fatago vayaʼmogimo namagisayana kanalene. Nao vayaʼmogi hisaya kavaʼmo haneʼniyaʼmofeʼmae. Aliʼa api aiʼa natesaya kavaʼmoʼa alagepa uveligana huno haneʼniye. Ani kavaʼmo hisageʼnaeʼmo nakameʼyamo oʼapamiguve.

Matiyu 11:29

Nagaemo yuna naipa vekamo maiʼneʼna yagu yaga kavaʼmo nehuvaʼmofeʼmo aliʼyaʼnimo alitetapa aliʼna lapaya malesuva gemo afige afige hutapa maiyo, lapaipamoʼmo kanale hisigeno lapakupi mafaʼnemo maino haga legaiye.

Matiyu 26:69

Ani afinaʼmo Pitaʼa no kegiʼya yuʼilaga itopaleʼmo maiʼnigeno aliʼyaʼmo neʼaliya aʼmafaʼnemoʼmo eno agaefeʼmo, kagaemo Yesuʼa Galeliya kotega vekaʼeʼmo neʼmaina vekamo maiʼnane, huno huʼnigeno

Matiyu 26:75

Hogoteno Yesuʼa Pitafeʼmo ha painoʼaeʼmo, kokolemoʼmo age oʼaiʼnisigekaeʼmo nagaefeʼmo loleʼe magoʼe afinaʼmo oʼageʼnova vekae, huka hugane, huno ha paiʼniya geeʼmo agesamo afino ho hutenoʼaeʼmo kegiʼya malaga uno lamino aipafi atu haeʼnigeno aviʼyaʼmo huʼniye.

Matiyu 9:13

Goti mukufi gemoʼmo hunoʼaeʼmo, Afumo heʼa ofalini namisayafeʼmo oʼnahauʼniyaʼmonanafa hapau huʼa apatesayafekeʼmo nahauʼniye, huno avoʼmo kae maleʼniya gemo aepaʼamo afisayafeʼmo uta kahauya hutapa ageyo. Nagaemo fatago vayaʼaifeʼmo keya aeʼna ge hisuvafeʼmo emiʼnoʼmeʼnofa hosu vayaʼaifeʼmo keya aeʼna ge hisugeʼa eʼa apaipamo aliʼa afe lesayafekeʼmo emineʼnove, huno hapa paiʼniye.

Lomu 14:1

Mago konagatapimogimo Goti geʼaeʼmo lokiya vaiʼa apakesamo afiʼa fatago nosisaya konagatapimogimo siosifiʼmo apavalelitapa eyo. Lapakaemo ge hapaisageʼapaeʼmo alu apakesa afisayafeʼmo apavalelita oʼmetapa fikumo apavalelitapa eyo.

Lomu 15:1

Lokiya vaita lagesamo afita fatago nehuna vayaʼmogitamo lagaitiekeʼmo lagesamo afiteta lahauʼnisiya kavaʼmo osuta lokiya oʼvaiʼnaya vayaʼmogimo afiʼa ha leʼa noʼafiya kavatefeʼmo vase vase huta hapa maesuna kavaʼmo haneʼniye.

Lomu 8:6

Atafa apaipamoʼmo hauʼniya kavafeʼmo hapauʼnigeʼa ani kavafeʼmo apakesamo neʼafiya vayaʼmo nefaliya kavategamo maiʼnae. Aunemeʼamoʼmo hauʼniya kavafeʼmo hapauʼnigeʼa ani kavafeʼmo apakesamo neʼafiya vayaʼmo afaʼa neʼmaiya kavategamo afaʼa maiʼneʼapaeʼmo, Gotiʼa aipamoʼmo falu huno nelate, huʼa nehagenoʼaeʼmo apaipamoʼmo falu nehiye.

1 Kolitiyani 10:12

Maiʼnonaʼmofeʼmo lapakaemo lokiya vaita he tita maiʼnone, hutapa lapakesamo neʼafisayana asagauta aigayanagi ehetapiye.

1 Kolitiyani 14:37

Lapakaepatiʼmo magoʼamogimo, Gotitegati gemo aliniteta aeta hakalo huta hapa nepauna vayaʼmo maiʼnone, huʼa nehisafi Goti Aunemeʼamoʼmo alino lamiʼnigeta himamuʼamo aliʼnone, huʼa nehisafigeʼa avoʼmo nekaovanageno lapakaetegamo ani avoʼmo visigetapaeʼmo lekana paitapa afitetapaeʼmo Ala kava neʼmoʼa, hiyo, huno huʼniya gemo haneʼniye, hutapa hugae.

1 Kolitiyani 2:15

Afaʼa oʼafigayaʼmonanafa Goti Aunemeʼamo aliʼnaya vayaʼmogigeʼmo muki geʼamo afiteʼa aliʼa fako nehayaʼmonanafa afa vayaʼmogimo afaʼa afiʼa aliʼa fako osugae.

1 Kolitiyani 3:1

Konagaʼnimogitapae, huʼna, Nagaemo Goti Aunemeʼamoʼmo hauʼniya kavaʼmo akame nehaya vayaʼaifeʼmo hapa nepauva agufa gemo huʼna lahapa opaiʼnofa apakufamoʼmo hauʼniya kavaʼmo akame nehaya vayaʼaifeʼmo hapa nepauva agufa gemo huʼna lahapa paiʼnove. Lapakaemo aise afinaʼmo Kalaisipiʼmo maiʼnetapaeʼmo nute mafaʼnegana hutapa maiʼnae.

1 Kolitiyani 4:21

Nagaemo kayoʼmo aliniʼna visufi nahau nayamopafiʼmo nahauʼninageʼna yuna naipamo aliniʼna visufigi na agufa kavafeʼmo lapauʼniye.

1 Kolitiyani 7:5

Mago yalavelaʼmoganimo magoke agufa gemo huʼanaeʼmo, laʼaote laʼaote hutaʼa maiʼnetaʼa neʼyaʼmo oʼnetaʼa mosiʼnetaʼaeʼmo nunumuʼmo huguʼae, huʼana hisaʼamoʼmo aise afinaʼmo anaote anaote huʼana havaeʼneʼanaeʼmo nunumuʼmo huteʼanaeʼmo halate magokepi lokaeʼana havaegaʼae. Lapakufaleʼmo alagepa hutapa yagaitapa olapatesageno Sataniʼa humi lapateteno lapayateʼmo aligiyanagi magokepiʼmo lokaetapa havaeyo.

2 Kolitiyani 10:1

Poloʼnamo nagaiʼnimo lapao ke hove. Kalaisiʼa yuna aipa vekamo maiʼneno yagu yaga gemo huʼniya agufa gemo huʼna lapa nepauve. Nagaemo lapaulagaleʼmo maiʼneʼnaeʼmo koli huteʼnaeʼmo ge nosuvaʼmonanafa lapakaeʼeʼmo magokepi lokaeʼna oʼmaiʼneʼnaeʼmo koli osuʼna lokiya gemo nehuva vekamoʼnamo lapa nepauve.

2 Kolitiyani 2:7

Fiku yanageno aipamoʼmo lusi kava huno kana hisigeno atalegaiyanagi hosu kavaʼamo alita ataletetapa alita lokiya vaita ateyo.

2 Kolitiyani 2:8

Lapakaemo muki vayaʼai apaulagaleʼmo agaefeʼmo lapau lapayamopafiʼmo lapauʼniya kavatapimo alitapa ave liyo.

Galesiya 5:23

yagu yaga huʼa maige apaipa apakesaleʼmo alagepa huʼa yagaiʼa atege huʼa neʼmaiya kavaʼmo haneʼniye. Magoke keʼaepa gemoʼa mani kavaʼmo osiyo, huno huʼniya gemo ohaneʼniye.

Galesiya 6:18

Konagaʼnimogitapae, huʼna, Ala kava netimo Yesu Kalaisiʼa fikumo lapa maeno lapamino. He, lama ge.

1 Tesaloniyani 4:1

Inagi konagatimogitapae, huta, lagaemo Gotiʼa hauʼniya kavaʼmo hutapa maisayafeʼmo alita lapaya maleʼnone. Ani kava hutapa maiʼnae. Hemenimo Ala kava neʼmo Yesutetiʼmo lokiya gefatiʼmo lapao ke hetaeʼmo, magoʼe hutapa alagepa kavaʼmo hutapa maiyo.

2 Tesaloniyani 3:15

Lapakaemo maita halove hutapa ategayaʼmonanafa kametimo maiʼniye, hutapa osuta konagatimoʼmo maiʼniye, hutetapa agaefeʼmo ehekae, hutapa ha paiyo.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

Himulu 12:13

Api kateʼmo vigenoʼao lapaiyamo afe leʼniya lapaiya auʼamo alino api aino alagepa huno lapateteno alino lokiya vaino lapateno.

Himulu 13:3

Kalavusi huʼnaya vayaʼaifeʼmo lapake kanitapa oʼapataletapa lapakesamo afiyo. Apakaeʼeʼmo magokepiʼmo lokaeta kalavusi huʼnegekana hutapa apakaefeʼmo lapakesamo afiyo. Kalaisitefeʼmo hanageke yaʼmo neʼaliya vayaʼaifeʼmo lapake kanitapa oʼapataletapa lapakesamo afiyo, apakaeʼeʼmo ma mopafi maiʼnetapaeʼmo hanageke yaʼmo alisaya vayaʼmo maiʼnayaʼmofeʼmae.

Yemisi 3:13

Lapakaepatiʼmo ina laʼmo afiteno ageʼniya vekamoʼmo alagepa huno neʼafiye. Agaemo alagepa kavaʼaletiʼmo agiʼaleʼmo alino afepi ateteno yagu yaga kavaʼmo huno alagepa huno afiteno ageʼniya kavaʼmo huno alino apave lino.

Yemisi 3:2

Mukiʼamogitamo muki kavaʼalefeʼmo uta haita me netalone. Mago vekamoʼmo avayaletiʼmo alagepa geʼageʼmo nehisiyana hosu kavaʼamo alagi ohaneʼniye. Ani agufa gemo nehisiya vekamoʼmo uno haino hapaiʼniya vekamogeno muki agufaʼaleʼmo alagepa huno afaʼa yagaigiye.

1 Pita 3:15

Lapamoʼya oʼaitapa Gotifekeʼmo lapaipafiʼmo koli hutetapaeʼmo, Ala kava netie, hutapa lapaipafiʼmo hiyo. Vayaʼmogimo lapakaefeʼmo huʼapaeʼmo, na kava higetapaeʼmo Gotifeʼmo agava maiʼnetapa lapavayagunagu nehae, huʼa lapafi gesagetapaeʼmo geʼapileʼmo aeta atagaina hutapa hapa paisayafeʼmo muki afinaʼmo alo hutapa maiyo. Himuʼnamu gemo osutapa Gotifekeʼmo koli hutetapa alagepa gemo hutapa hapa paiyo.

1 Yoni 5:16

Mago vekamoʼmo konagaʼamoʼmo ageʼniyana hosu kavaʼmo ofalisiya agufa hosu kavaʼmo huʼnisigeno agetenoʼaeʼmo Gotifeʼmo ge huno afi gesigenoʼaeʼmo ani konagaʼamoʼmo falisiya agufa hosu kavaʼmo osuʼniya konagaʼamoʼmo maige maige huno maisiya yaʼmo amigiye. Mago vekamoʼmo alagi falisiya agufa hosu kavaʼmo nehisiyana nunumuʼmo hutapa ateyo, huʼna nosuve.