Galesiya 5:24 - The Keyagana NT and 25 OT books

²⁴ Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Galesiya 5:24 ပူးပေါင်းရင်းမြစ်များ

Lomu 13:14

Lapakaemo lapakufamoʼmo hauʼniya kavaʼmo afole aisayafeʼmo alo osutapa Ala kava netapimo Yesu Kalaisikeʼmo kukenagana hutapa alita vaiyo.

Lomu 6:6

Ago afiʼnonana lagufafi hosu kavatimo lokiyaʼamo hano hisigeno hosu kavaʼmoʼa yagaino lateʼnisigeta aliʼyaʼamo magoʼe huta oʼalisunafeʼmo Gotiʼa atafa vekatimo Kalaisiʼeʼmo malipu yosaleʼmo nili aiʼnigeno faliʼniye.

Lomu 8:13

Atafa lapaipamoʼmo hauʼniya kavaʼmo akame nehisayana faligayaʼmonanafa Goti Aunemeʼaletiʼmo lapakufamo hauʼniya kavaʼmo amagita falitapa ataleme ataleme neʼvisayana ofalitapa afaʼa maigae.

Lomu 8:9

Osugayaʼmonanafa Goti Aunemeʼamo lapaipafiʼmo maiʼnisiyana atafa lapaipamoʼmo magoʼe huno yagaino nolapate. Muki vayaʼmogi Kalaisi Aunemeʼamo oʼaliʼnisayana Kalaisi vayaʼamo oʼmaiʼnae.

1 Kolitiyani 15:23

Hogoteno he tiʼniyanageʼa kanaʼapilefeʼmo he tigae. Kalaisiʼa hoyafatiʼmo hogoteno leʼniya neʼyakana huno he tiʼniyanageʼa eminesiya afinaʼmo vayaʼamo he tigae.

1 Kolitiyani 3:23

Lapakaemo Kalaisi vayaʼamo maiʼnageno Kalaisiʼa Goti vekaʼamo maiʼniye.

1 Kolitiyani 6:13

Lapakaemo hutapaeʼmo, Neʼyaʼmo lagupamo yaʼmo haneʼnigeno lagupamoʼmo neʼyaʼmo neʼne, hutapa nehayaʼmonanafa Gotiʼa neʼyaʼe vayaʼmogi apakupaʼeʼmo alagi alino hano huno atalegaiye. Gotiʼa kumai kavaʼmo hisunafeʼmo lagufamo alo huno olateʼnifa Ala kava netefekeʼmo alo huno lateteno Ala kava neʼmoʼa lagufaleʼmo yagaino latesiyafeʼmo alo huno lateʼniye.

2 Kolitiyani 10:7

Amega apakufalefeʼmo lapakesamo neʼafifiye. Apakaiʼapieʼmo aliʼa amufa apamiʼapaeʼmo Kalaisi vayaʼamo maiʼnone, huʼa lokiya vaiʼa apakesamo neʼafiya vayaʼmogimo lagaeʼefeʼmo huʼapaeʼmo, Kalaisi vayaʼamo maiʼnae, huʼa halate apaipafiʼmo apakesamo afigae.

Galesiya 2:20

Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

Galesiya 3:26

Muki vayaʼamogitapamo Kalaisi Yesufekeʼmo lapakesamo afita fatago huʼnaya kavatetiʼmo Goti mafaʼneʼamo maiʼnae.

Galesiya 3:28

Kalaisipiʼmo magoke aiyaya vayaʼmo maiʼnayaʼmofeʼmo mago vayaʼmo Yu vayaʼmo maige mago vayaʼmo alu nofi vayaʼmo maige huʼnone, hutapa osuge kalavusi aliʼyaʼmo neʼaliya vayaʼmo maige afa vayaʼmo maige huʼnone, hutapa osuge ve maige aʼne maige huʼnone, hutapa osuge hutetapa maiyo. Kalaisi Yesupiʼmo maiʼnetapaeʼmo magoke aiyaya vayaʼmo maiʼnae.

Galesiya 3:29

Lapakaemo Kalaisi vayaʼamo maiʼnisayana Emalehamu aginago vayaʼmo maiʼnae. Mafaʼneʼapimogimo afoʼapimogi muki maleʼnaya yaʼapimo neʼaliya kava hutapa Gotiʼa fikumo kaha maeʼna kamiguve, huno ha paiʼniya polomasi geletiʼmo muki yaʼamo afaʼa aligae.

Galesiya 5:20

Aigofe gotiʼapimogitefeʼmo mono nehuʼapaeʼmo apaune kavaʼmo huge lusa kavaʼmo huge analisa apamagige apaini huʼa apatege ge vaige apaipa kafa hapaege apaipa lege apakaiʼapieʼmo apakesamo afige alu apaipa alu apaipamo kalige aliʼa fako huʼa apatege nehae.

Galesiya 6:14

Nehayaʼmonanafa nagaemo mago kavatefeʼmo nagiʼnileʼmo aliʼna asaga huʼna nateteʼna namogaga aisufiye. Haʼao, alagi atalegeno hano hino. Nagaemo Ala kava netimo Yesu Kalaisiʼa malipu yosaleʼmo faliʼniya kavafekeʼmo naipafatiʼmo namogaga aiʼninageʼna hapa paisuva gegeʼmo haneʼniye. Gotiʼa malipu yosaleʼmo faliʼniya kavatetiʼmo atafa naipamo ago amagino ataleʼnigeʼna ma mopafi yaʼe amega apakufale kavaʼefeʼmo huʼnaeʼmo, ina agufa kavaʼmo malipu yosaleʼmo faligekana huno haneʼniye, huʼna nagesamo neʼafugeʼapaeʼmo ma mopafi vayaʼmogimo nagaefeʼmo huʼapaeʼmo, ina agufa vekamo malipu yosaleʼmo nili aiteʼa aliʼa he tiʼa ateʼnaya agufa vekagana huno maiʼniye, huʼa nehae.

Efasasi 3:1

Gotiʼa ani kavaʼmo nehiyaʼmofeʼmo nagaemo Poloʼnamo Kalaisi Yesutefeʼmo Yu nofi vayaʼmo oʼmaiʼnageʼnaeʼmo lapa maeʼna kalavusi huʼneʼnaeʼmo nunumuʼmo huʼna nelapatove.

Efasasi 3:11

Mani kavafeʼmo akeyaʼvilagamo ma mopamo alo osuʼniya afinaʼmo hunoʼaeʼmo, ani kavaʼmo huguve, huno hu maleʼniya kavaʼmo hemenimo Ala kava netimo Kalaisi Yesutetiʼmo ago alino afole aino ateʼniye.

Efasasi 3:6

Alu nofi vayaʼmogimo Kalaisifeʼmo alagepa faigoko geʼamo afiteʼa apakaeʼeʼmo magoke vayaʼmo hamaleteʼa Gotiʼa Yu vayaʼaina apamisigeʼa alisaya kava huʼa Kalaisitetiʼmo aligae. Mafaʼneʼapimogimo muki afoʼapimogi yaʼmo neʼaliya kava huʼa aligae, huno alino lave liʼniye.

Kolosi 2:11

Kalaisipiʼmo maiʼnagenoʼaeʼmo vayaʼmogi lapakufamo lagauʼa olapateʼnafa Kalaisiʼa lapakufamo lagaugekana huno hosu kavaʼmo nehiya atafa lapaipa lapakesamo alino ataleʼniye.

1 Pita 2:11

Nahauʼniya vayaʼnimogitapae, huʼna, amega lapakufamoʼmo hauʼniya kavaʼmoʼa lapakupi mafaʼneeʼmo kame huno neʼate. Kalaga vayaʼmo maige etapa maige hutapa maiʼnayaʼmofeʼmo lapao ke hovanagi, ani kavafeʼmo haʼao, hutetapa osiyo.