Galesiya 5:22 - The Keyagana NT and 25 OT books

²² Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

Galesiya 5:22 ပူးပေါင်းရင်းမြစ်များ

Samu 1:3

Apakaemo ani agoʼnanenamo folagapiʼmo fai maleʼniya yosamoʼmo alagamo neʼaeya afinaʼmo alagamo aesigenoʼaeʼmo haitaʼamo falu noteya yosagana huʼa maiʼnae. Muki aliʼnaya aliʼyaʼapimoʼmo alagepa huno afole neʼaiye.

Samu 92:14

Apakaemo kosuna lege anekalo lege huteʼa maiʼneʼapaeʼmo alagamo aeʼnaya kava huʼa alagamo neʼae. Apakaemo muki afinaʼae afinaʼaeʼmo lokiyaʼapimo haneʼnigeno haitaʼamoʼmo hegafa talili huno haneme hamene neʼviye.

Matiyu 12:33

Alagepa alagamo neʼae, hutapa lapakesamo afiʼnisayana alagepa yosamo haneʼniye, huta lapakesamo afiyo. Hosu alagamo neʼae, hutapa lapakesamo afiʼnisayana hosu yosamo haneʼniye, huta lapakesamo afiyo. Yosa alagaʼamo ageteʼapaekeʼmo na agufa yosamo haneʼnifi huʼa neʼagayaʼmofeʼmae.

Luki 13:9

Anaga kafugamo alagamo aesiyaʼmoʼmo kanalene. Alagamo oʼaesigekaeʼmo eka heʼya aika atalegane, huno ha paiʼniye, huno hapa paiʼniye.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:2

Agaemo nagaepatiʼmo aeʼniya nofi akopamoʼmo alagamo noʼaeya nofi akopamo hatagauno alino alagepa nehiye. Ani agufa kavakeʼmo huno alagamo neʼaeya nofi akopafatiʼmo magoʼe huno alagamo aesiyafeʼmo hatagauno alino alagepa nehiye.

Yoni 15:5

Nagaemo nofiʼagana huʼna maiʼnogetapa nofi akopaʼagana hutapa maiʼnae. Naote maige lapaote maige huʼnisunana lapakaemo mago kavaʼmo afaʼa osugayaʼmofeʼmo nagaepiʼmo alagi maiʼnisageʼna lapakaepiʼmo alagi maiʼnisugetapaeʼmo asole alagamo afaʼa aegae.

Lomu 14:17

Na kava higetapaene. Gotiʼa neʼyaʼe aniʼeʼmo neʼnaya kavateʼmo yagaino noʼapatefa Goti Aunemeʼamoʼmo laipafiʼmo maiʼnigeta fatago kavaʼmo nehunagenoʼaeʼmo laipamoʼmo falu huʼnisigeta lamogaga aisuna kavatekeʼmo yagaino nelate.

Lomu 15:14

Konagaʼnimogitapae, huʼna, alagepa kavaʼe afiʼnaya geʼeʼmo lapaipa lapakesafiʼmo havai teʼniyanagetapa afaʼa alita apaya malegae, huʼna lole nagesamo oʼafiʼnofa magoke nagesamo neʼafuve.

Lomu 15:3

Kalaisiʼa agaiʼa hauʼniya kavaʼmo akame osuno ataleʼniya kavafeʼmo Goti mukufi gemoʼmo hunoʼaeʼmo, Huʼa faipa huʼa kateʼnaya gemo nagaeteʼmo asagauno aiʼniye, huno huʼniye.

Lomu 15:30

Konagaʼnimogitapae, huʼna, Lahapao ke hovanagi, Ala kava netimo Yesu Kalaisifeʼmo lahapau lahapayamopafiʼmo lahapauʼnigetapa Goti Aunemeʼamoʼmo lapaipafiʼmo aliʼyaʼmo aliʼnigetapa Goti mafaʼneʼaeʼmo lahapau lapayamopafiʼmo nelahapaiyaʼmofeʼmo lapayamukiki hutapa naha maeta nunumuʼmo hutapa nateyo.

Lomu 6:22

Aligayaʼmonanafa Gotiʼa hosu kavapatiʼmo ago hatu maeno lapateʼnigetapa Goti kalavusi aliʼyaʼamo neʼaliya vayaʼmo hamaleʼnayaʼmofeʼmo hemenimo lapaipafatiʼmo alagepa alagamo neʼaegetapaeʼmo lapaote vayaʼmo hamaleme hamaleme neʼvayanagetapa atupa afinaʼmo alagepa hutapa maige maige huta maigae.

Lomu 7:4

Konagaʼnimogitapae, huʼna, mani gemo lapakaefekeʼmo nehuve. Lapakaemo alu vekaleʼmo maisayafeʼmo Kalaisi agufaʼaletiʼmo keʼaepa geʼalefeʼmo ago faliʼnae. Kanolufatiʼmo ago alino he tino ateʼniya vekaleʼmo maiʼnetapa Gotitegamo alagamo aegekana hutapa alagepa kavaʼmo hisayafeʼmae.

Lomu 8:5

Atafa apaipamo akame nehaya vayaʼmogimo atafa apaipamoʼmo hauʼniya kavafeʼmo hapauʼnigeʼa ani kavafekeʼmo apakesamo neʼafiye. Goti Aunemeʼamoʼmo hauʼniya kavaʼmo akame nehaya vayaʼmogimo hauʼniya kavafeʼmo hapauʼnigeʼa ani kavafeʼmo apakesamo neʼafiye.

1 Kolitiyani 13:13

Hemenimo loleʼe magoʼe kavaʼmo haneʼniyana apakesamo afiʼa fatago nehaya kavaʼmo hanege alagepa kavaʼmo afole aigiye, huʼa huteʼa agava maiʼneʼa apavayagunagu nehaya kavaʼmo hanege hapau apayamopafiʼmo nehapaiya kavaʼmo hanege huʼniyanageno alagi hanege hanege huno hanegaiye. Mani loleʼe magoʼe kavapatiʼmo aeno agaseno hogote kavaʼmo haneʼniyana hapau apayamopafiʼmo nehapaiya kavaʼmo haneʼniye.

Galesiya 5:13

Konagaʼnimogitapae, huʼna, kalavusifiʼmo oʼmaitapa afaʼa maisayafeʼmo Gotiʼa lapakaefeʼmo ge huʼniye. Afaʼa maiʼnayaʼmonanafa fiku yanagetapa ani kavatetiʼmo lapakufamoʼmo hauʼniya kavaʼmo hisaya kaʼmo valitapa ategae. Valitapa oʼatetapa konagatapieʼmo lapau lapayamopafiʼmo lapauʼninagetapa hapa maeyo.

Efasasi 4:23

Gotiʼa saufa lapaipa lapakesamo alino hamaleno lapatenagetapa maiyo.

Efasasi 5:9

Goti Aunemeʼamoʼmo alagamo neʼaesigetapaeʼmo alagepa kavaʼmo huge fatago kavaʼmo huge lama ge kavaʼmo huge hutapa maigae.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

2 Tesaloniyani 3:2

Muki vayaʼmogimo apakesamo afiʼa fatago nosayaʼmofeʼmo hosu vayaʼai apayapatiʼmo lagufamo alino katino latesiyafeʼmo nunumuʼmo hutapa lateyo.

1 Timoti 3:11

Ani kavaʼmo huno aʼamoʼmo alagepa huno yagaisiya agufa a kanogeʼmo maigiye. Hosu faigoko gemo osuno agufaleʼmo alagepa huno yagaino atege muki kavatefeʼmo alagepa kavaʼmo huge nehisiya a kanomoʼmo maigiye.

1 Timoti 4:12

Kagaemo apakesamo afiʼa fatago nehaya vayaʼmogi kakame hisayafeʼmo alagepa gemo huge alagepa kavaʼmo huge kahau kayamopafiʼmo kahauge kayamukiki huge alagepa huka kagesamo afika fatago huge yaveyave kavaʼmo huge huka maigeʼapao afa neya vekamo maiʼniye, huʼa osiyo.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.

1 Pita 5:12

Nagesamo afuvana Silivenisiʼa kanale konagatimoʼmo naha maeʼnigeʼna mani aise avoʼmo nekaove. Aliʼna lokiya vaiʼna lapatesuva agufa gemo huʼna lapa paiʼnaeʼmo, ago afiʼnovana Gotiʼa fikumo hapa maeno neʼapamiya kavafeʼmo ava gemo huʼnaeʼmo, lama gemo haneʼniye, huʼna mani gemo avoʼmo kaeʼna lapa nepauve. Ani kavatefekeʼmo lapakesamo afita fatago huta atafauta alagi hutapa maiyo.