Galesiya 5:16 - The Keyagana NT and 25 OT books

¹⁶ Ani geeʼmo huʼnaeʼmo, Goti Aunemeʼamoʼmo hauʼnisiya kavaʼmo akame hutapa maigenoʼao atafa lapaipamoʼmo haʼye nehiya kavaʼmo afole aiteno ko osigiyanagi.

Galesiya 5:16 ပူးပေါင်းရင်းမြစ်များ

Aepa Gemae 6:3

Inagi Ala kava neʼmoʼa hunoʼaeʼmo, Nauneʼnameʼnimoʼmo apaipamo aliʼa afe lesayafeʼmo ayamufa ge huge hugetesigeʼa oʼafisayana magoʼe huno ayamufa gemo osuno afaʼa apatalegaiye. Atafa apaipamo aliʼnayaʼmofeʼmo nagaemo ma mopafi maisaya afinaʼapimo vani hataleti tuvetiʼa kafugamo apatesugeʼa maigae, huno huʼniye.

Lomu 6:12

Lapakaemo ani kava hutapa neʼmaiyaʼmofeʼmo hosu kavaʼmo afaʼa ateʼnigenoʼa nefaliya lapakufaleʼmo yagaino olapateno. Fikumo yanagetapa lapakufamoʼmo hauʼniya kavaʼmo hugae.

Lomu 8:1

Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.

1 Kolitiyani 7:29

Konagaʼnimogitapae, huʼna, Geʼnimo aepaʼamo haneʼniyana kanatimo aupa afinaʼmo haneʼniye. Hemeni afinatetiʼmo aʼmo aliʼnisaya vayaʼmogimo aʼapieʼmo apakesa alaʼamo oʼafiʼa aʼmo oʼaliʼnaya vayakana huʼa maime maime visaya kavaʼmo haneʼniye.

2 Kolitiyani 7:1

Nahau nayamopafiʼmo nahauʼniya vayaʼnimogitapae, huʼna, Gotiʼa ani kavaʼmo huguve, huno hu maleʼniya gemo ago afiʼnonaʼmofeʼmo lagaitimo muki hosu kavatimo lagufaleʼe laipa lagesafiʼeʼmo oʼaniʼya faiʼniya yakana huno haneʼniya kavaʼmo aeta kalo paeta atalegetao. Gotifeʼmo koli nehutaeʼmo aote kavaʼmo agetetaeʼmo alagi hume hume utah haita hapaigetao.

Galesiya 3:17

Gotiʼa Kalaisitefeʼmo kotalakemo ago hu maleʼnigenoʼaeʼmo fo hataleti tetiʼa kafugamo utegeno Gotiʼa keʼaepa geʼamo alino Yu nofi vayaʼmo apamiʼniye. Ani gemo aepaʼaeʼmo huʼnaeʼmo, henagaʼamo afole aiʼniya keʼaepa gemoʼa hogoteno hu maleʼniya kotalakemo fikumo kaha maeʼna kamiguve, huno ha paiʼniya polomasi gemo alagi amagino oʼatalegaiye.

Galesiya 6:8

Vayaʼmogimo atafa apaipamoʼmo nehaiya kavaʼmo nehisayana hosu neʼyaʼmo afole aisigeʼa aliteʼa faligae. Vayaʼmogimo Goti Aunemeʼamoʼmo hauʼniya kavaʼmo nehisayana alagepa neʼyaʼmo afole aisigeʼa aliteʼa maige maige huʼa maigae.

Efasasi 2:3

Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.

Kolosi 2:11

Kalaisipiʼmo maiʼnagenoʼaeʼmo vayaʼmogi lapakufamo lagauʼa olapateʼnafa Kalaisiʼa lapakufamo lagaugekana huno hosu kavaʼmo nehiya atafa lapaipa lapakesamo alino ataleʼniye.

1 Pita 1:14

Lapakaemo gemo neʼafiya mafaʼnegana hutapageʼmo maiyo. Hogotetapa Goti geʼamo oʼafiʼnetapaeʼmo amega lapakufamoʼmo hauʼniya kavaʼmo akame hutapa maiʼnayaʼmonanafa hemenimo lapakaefeʼmo keya aeno ge huʼniya vekamo alagepa aote vekamo maiʼniya kava hutapa muki kavaʼamo nehutapaeʼmo alagepa lapaote vayaʼmo maiyo.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 2:11

Nahauʼniya vayaʼnimogitapae, huʼna, amega lapakufamoʼmo hauʼniya kavaʼmoʼa lapakupi mafaʼneeʼmo kame huno neʼate. Kalaga vayaʼmo maige etapa maige hutapa maiʼnayaʼmofeʼmo lapao ke hovanagi, ani kavafeʼmo haʼao, hutetapa osiyo.

1 Pita 4:6

Ani kavatefeʼmo faliʼnaya vayaʼaifeʼmo alagepa faigoko geʼamo ago aeʼa hakalo huʼa hapa paiʼnae. Apakaemo ma mopafiʼmo maiʼnageʼapaeʼmo, hosu kavaʼmo huʼnae, huʼa aliʼa fako huʼa apateʼnayaʼmonanafa apauneʼapamepatiʼmo Goti geʼamo akame hisayafeʼmo alagepa faigoko geʼamo afiʼnae.