Galesiya 5:12 - The Keyagana NT and 25 OT books

¹² Nagaemo lapakesamo aliʼa hosu huʼa nelapataya vayaʼmogi apakaiʼapi apakufamo lagausayafeʼmo nahauʼniye.

Galesiya 5:12 ပူးပေါင်းရင်းမြစ်များ

Aepa Gemae 17:14

Inagi mago vekamo agufamo lagauʼa oʼatesayaʼmoʼmo agaemo nagae kotalakeʼnimo amagino atalegaiyaʼmofeʼmo agaiʼa nofi vayapatiʼmo alitapa hafaitapa atalageno lapakaeʼeʼmo magoʼe huno lokaeno oʼmaino, huno ha paiʼniye.

Aepa Gemae 30:34

Lepaniʼa, kagae gemo akame huguʼae, huno huʼniye.

Hatu maeno apate'niya gemae 12:15

Ala kava neʼmoʼa magoʼe gemo hunoʼaeʼmo, Seveniʼa afinaʼmo aeno apafu nole peleti mayamo negae. Napa vani afinaʼmo notapifatiʼmo peleti mayafiʼmo ateʼnageno aeno apafu neleya yaʼmo alitapa atalegae. Mago vekamoʼmo ani seveniʼa afinapati mago afinaʼmo aeno apafu leʼniya peleti mayamo nesigetapaeʼmo Isaleli nofi vayapafatiʼmo alita ha faitapa atalegae.

Yoni 9:34

Itakamoʼmo alino kateʼnigekaeʼmo hosu kavapikeʼmo maiʼnanagi hemenimo kagaemo alika laya malesanafeʼmo nehapiye, huʼa huteʼa mono nopatiʼmo aliʼa hafaiʼa ataleʼnae.

Apa 15:24

Lagaemo mago gemo afiʼnonana mago lagaepati vayaʼmogimo lapakaetegamo uʼa hosu gemo kana huʼniya agufa gemo lapa paiʼapaeʼmo, lapakufamo lagautetapa keʼaepa gemo akame hiyo, huʼa lapa paiʼnagetapaeʼmo afitetapa atete huʼnae. Ani agufa gemo hutapa hapa paiyo, huta osuʼnonanafa apakaiʼapimo ani gemo lapa paiʼnae.

Apa 5:5

Ananaiyasiʼa ani gemo afitenoʼaeʼmo mopafiʼmo asagauno aiteno faliʼniye. Ani kavafeʼmo ava gemo afiʼnaya vayaʼmogimo lusi kava huʼa koli huʼnae.

Apa 5:9

Pitaʼa hunoʼaeʼmo, Na kava higetana aigofe gemo huguʼae, hutana hu maleʼnetana Goti Aunemeʼaeʼmo amalageka hutana neʼataʼae. Anaukamoʼmo faliʼnigeʼa alini uʼa kiʼa ateʼnaya vayaʼmo kipate neʼayanageʼa hiyopa alini uʼa kiʼa kategae, huno ha nepaigenoʼaeʼmo

Galesiya 2:4

mago vayaʼmo aigofe konagatimogimo agufamo lagausayafeʼmo hapauʼniye. Ani vayaʼmo kesi katetiʼmo lamata huliʼa eʼa alita anupa huta maiʼnona vayapiʼmo eʼa maiʼnae. Kalaisi Yesuʼa hatu maeno lateʼnigeta agaepiʼmo afa vayaʼmo maiʼnonageʼapaeʼmo kalavusi huʼa lateteʼa keʼaepa gemo afeʼalumelagamo aliʼa latesayafeʼmo eʼa lamata huʼa maiʼnayaʼmonanafa

Galesiya 5:10

Ala kava nepiʼmo maiʼnonaʼmofeʼmo alu lapakesamo oʼafigae, huʼna lole nagesamo oʼafiʼna magoke nagesamo neʼafuvaʼmonanafa ina laʼmo lapakesamo neʼafiya yaʼmo alino hosu huno nelapateya vekamo maiʼnisifigeno Gotiʼa anonaʼalefeʼmo amagigiye.

Taitasi 3:10

Kagaemo Goti mafaʼnemo aliʼa fako huʼa neʼapataya vayaʼaifeʼmo magoke afinaʼmofi lole afinaʼmofi hukaeʼmo, hosu kava hae, huka hapa paiyo. Oʼafisayana maika halove huka apato.

Yasuva 7:12

Huʼnayaʼmofeʼmo Isaleli vayaʼmo kame vayaʼapimogi apaulagaleʼmo afaʼa he tiʼa oʼmaiʼa apaune heʼnae. Nagaemo lifana huʼna apateʼnovaʼmofeʼmae. Lapakaepatiʼmo lifana huʼna ateʼnova vekamo kamitimo ohaesayaʼmoʼmo nagaemo lapakaeʼeʼmo magoʼe huʼna magokepi lokaeʼna oʼmaiguve.

Yasuva 7:25

Yasuvaʼa hunoʼaeʼmo, Na agufa kava higekaeʼmo hanageke yaʼmo alika lamiʼnane. Hemenimo Ala kava neʼmoʼa hanageke yaʼmo kamigiye, huno nehigeʼapaeʼmo muki Isaleli vayaʼmogimo yafa kayotetiʼmo Ekaniʼe muki afamo anagaʼaʼeʼmo kamitimo apamagiteʼa muki yaʼapiʼe apakaeʼeʼmo ata kaeʼa apasagaliʼnae.