Galesiya 4:6 - The Keyagana NT and 25 OT books

⁶ Lapakaemo mafaʼneʼamo maiʼnayaʼmofeʼmo Gotiʼa Mafaʼneʼamo Aunemeʼamo alino ateʼnigeno emineno lapaipafiʼmo uno haino maiʼnigetapaeʼmo, Afo, Afotimogae, hutapa ge nehae.

Galesiya 4:6 ပူးပေါင်းရင်းမြစ်များ

Maki 14:36

Nunumuʼmo hunoʼaeʼmo, Afoʼnimogae, huno, kagaemo muki kavaʼamo huguve huka hisana kavaʼmo afaʼa hugane. Mani kapumo nagaetegatiʼmo alika atalo. Ani ge huʼna huvaʼmonanafa nagaemo nahauʼni kavaʼmo osuka kagaemo kahauʼnisiya kavaʼmo afaʼa huvo, huno nunumuʼmo huʼniye.

Luki 11:13

Lapakaemo hosu vayaʼmo maiʼnayaʼmonanafa mafaʼnetapimo alagepa yaʼmo alita neʼapamiya agufa kavaʼmo huno kokuʼnapi afotapimofeʼmo kaote Kaunekameʼmo alika namiyo, huʼa ge huʼa afi gesaya vayaʼmo afaʼa magoʼe huno alino apamigiye, huno hapa paiʼniye.

Luki 11:2

nunumuʼmo hisayafeʼmo ina gemo hutapa hiyo. Afotimogae, hutapa, kokuʼnapi maiʼnanageno kagikamoʼmo alagepa huno kaote haneʼniyanagi aliʼa asaga hiyo. Vayaʼaiteʼmo yagaika apatesana kavaʼmo ma mopafiʼmo afole aino. Muki kokuʼnapi maiʼnaya vayaʼmogimo gekamo akame nehaya kava huʼa ma mopafiʼmo maiʼnaya vayaʼmogimo gekamo akame hiyo.

Yoni 14:16

Nagaemo muki yaʼmo Afoʼamofeʼmo nunumuʼmo hisugeno magoʼe huno lapa maesiya vekamo emineno lapakaeʼeʼmo muki afinaʼmo alagi magokepi lokaeno maisiyafeʼmo lapamigiye.

Yoni 15:26

Nagaemo lapa maesiya vekamo alagi lama gemo aepa Aunemeʼamo Afoʼnimotegatiʼmo aliʼna atesugeno emineno nagaefeʼmo faigoko geʼnimo hugiye.

Yoni 16:7

lama gemo lapa nepauve, huno, lapa maesugetapa magoʼe huta alagepa hutapa maisayafeʼmo lapataleʼna uʼna haiguve. Lapataleʼna ohaisuvana lapa maesiya vekamo aliʼna atesugeno lapakaetegamo emi noʼmegaiyaʼmonanafa lapataleʼna uʼna haisuvaʼmoʼmo lapa maesiya vekamo aliʼna atesugeno eminegaiye.

Yoni 3:34

Gotiʼa alino ateʼnigeno eʼniya vekamoʼa Goti geʼamo hapa nepaiye. Gotiʼa Aunemeʼamo alino fako huno magoʼamo maleteno oʼamiʼnifa mukiʼamo alagi amiʼniyaʼmofeʼmo Goti geʼamo aeno hakalo huno hapa nepaiye.

Yoni 7:39

Yesuʼa Goti Aunemeʼamo agaefeʼmo apakesamo afiʼa fatago nehaya vayaʼmogi alisaya Aunemeʼaeʼmo ava gemo huno hapa paiʼniye. Ani afinaʼmo Yesuʼa he tino kokuʼnapiʼmo uno haino ha le konali yaʼamo oʼaliʼniyaʼmofeʼmo Goti Aunemeʼamo emi noʼmeʼniya afinaʼmae.

Apa 16:7

Apakaemo Misiya haopalega uʼa avaʼyi huteʼa Pitiniya kotegamo uʼa haisayafeʼmo huʼnayaʼmonanafa Goti Aunemeʼamoʼmo ka akanino apateʼniye.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

Lomu 8:9

Osugayaʼmonanafa Goti Aunemeʼamo lapaipafiʼmo maiʼnisiyana atafa lapaipamoʼmo magoʼe huno yagaino nolapate. Muki vayaʼmogi Kalaisi Aunemeʼamo oʼaliʼnisayana Kalaisi vayaʼamo oʼmaiʼnae.

1 Kolitiyani 15:45

Ani kavafeʼmo Goti mukufi gemoʼmo hunoʼaeʼmo, Gotiʼa hogote vekamo Atamuʼmo aunemeʼe vekamo alo huno ateʼniye, huno huʼniye. Henaga Atamuʼmo afaʼa neʼmaiya yaʼmo neʼapamiya vekamo maiʼniye.

2 Kolitiyani 3:17

Ala kava neʼmo Aunemeʼamo maiʼniyaʼmofeʼmo apaipafiʼmo aliʼyaʼmo neʼaliya vayaʼmogimo kalavusifiʼmo oʼmaiʼnafa afaʼa maiʼnae.

Efasasi 1:13

Ani kava hutapa lapakaeʼeʼmo alagi mani lama gemoʼmo lapau neʼvaiya kavatefeʼmo alagepa faigoko geʼamo afitetapaeʼmo alita amufa amiʼnae. Lapakaemo Kalaisifeʼmo lapakesamo afita fatago huʼnagenoʼaeʼmo Gotiʼa polomasi gemo hunoʼaeʼmo, Nauneʼnameʼmo apamiguve, huno hu maleʼniya Aunemeʼamo lapamitenoʼaeʼmo lapaipafiʼmo alagena yaʼamo ago hu maletenoʼaeʼmo, vayaʼnimo maiʼnae, huno lapa paiʼniye.

Efasasi 2:18

Agaemo lagaeʼe lapakaeʼeʼmo kaʼmo valino lateʼniyanageta hemenimo magoke Aunemeʼaletiʼmo muki yaʼmo Afoʼamotegamo afaʼa uta haigune.

Efasasi 4:30

Gotiʼa henagaʼamo lapavalesiya afinafeʼmo Aunemeʼaletiʼmo lapakaeteʼmo alagena kavaʼamo ago hu maletenoʼaeʼmo, mafaʼneʼnimo maiʼnae, huno huʼniyaʼmofeʼmo Aote Aunemeʼamoʼmo aipamoʼmo kana hisiya kavaʼmo osiyo.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

Filipai 1:19

Lapakaemo nunumuʼmo hutapa neʼnatayanageno Yesu Kalaisi Aunemeʼamoʼmo naha maeteno nagufamo alino katino nategaiye, huʼna afiʼnove.

1 Tesaloniyani 4:8

Keya aeno ge huʼniyaʼmofeʼmo mani gemo oʼafiʼnaya vayaʼmogimo ma mopafi vayaʼmo apakameʼyamo noʼapamifa Aunemeʼamo lamiʼniya Gotikeʼmo apakameʼyamo neʼamiye.

1 Pita 1:11

Kalaisi Aunemeʼamo apaipafiʼmo maiʼniya Aunemeʼamoʼmo hogoteno hunoʼaeʼmo, Kalaisiʼa kana yaʼmo alitenoʼaeʼmo ala agiʼe ha le konali yaʼeʼmo aligiye, huno hapa paiʼnigeʼapaeʼmo, hainu afinaʼmo afole aisifi, huʼa huge haiya katetiʼmo afole aisifi, huʼa huge huteʼapaeʼmo agesayafeʼmo kahauya huʼnae.

Yuti 1:20

Nahauʼniya vayaʼnimogitapae, huʼna, ani kavaʼmo huʼa maiʼnayaʼmonanafa lapakaemo Goti Aunemeʼaletiʼmo nunumuʼmo nehutapaeʼmo lapakesamo afita fatago nehaya kavatapileʼmo lapakaitapimo magoʼe hutapa alita lokiya vaita lapateme lapateme viyo.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.