Galesiya 4:5 - The Keyagana NT and 25 OT books5 Agaemo keʼaepa gemo afeʼalumelagamo maiʼnona vayaʼmo miya faino hatu maeno latesigeta Gotiʼa alopa mafaʼneʼamo maisunafeʼmo Yu keʼaepa gemo afeʼalumelagamo maiʼniye. အခန်းကိုကြည့်ပါ။ |
Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.
Apakaemo Goti vayaʼamo Isaleli nofi vayaʼmo maiʼnagenoʼaeʼmo, mafaʼneʼnimo maiʼnae, huno huteno agaiʼamo ha le konali vekamoʼmo apakaeʼeʼmo magokepi lokaeno maiʼniye. Gotiʼa apakaefeʼmo kotalakeʼamo hapa paime hapa paime ege keʼaepa geʼamo apamige mono kavaʼmo alino apave lige lapa maegauve, huno hapa paiʼniya polomasi geʼamo hapa paige huno maiʼniye.
Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.
Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.
Ani kavaʼmo huʼniyaʼmofeʼmo saufa kotalakemo folagapi vekamo maiʼniye. Agaemo Gotiʼa keya aeno ge huʼniya vayaʼaifeʼmo polomasi gemo hunoʼaeʼmo, lapamiguve, huno huʼniya alagepa yaʼmo hanege hanege huno hanesiya yaʼmo mafaʼneʼapimogi muki afoʼapimogi yaʼmo neʼaliya kava huʼa alisayafeʼmo atafa kotalakemo amagiʼa ataleʼnaya vayaʼai hosu kavaʼapifatiʼmo miya faino hatu maeno apatesiyafeʼmo faliʼniye.
Vani hataleti foti fo tauseniʼa vayaʼmogimo yagaino neʼapateya vekamo siya aulagalenagi loleʼe loleʼe vayaʼai apaulagalenagi vayatama vayaʼai apaulagalenagi huʼa he tiʼa maiʼneʼapaeʼmo saufa yokemo huʼnae. Apakaemo ma mopafi vayapatiʼmo miya faino hatu maeno apateʼniya vayaʼamogigeʼmo afiʼnaya yokemo huʼnae.
Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.