Galesiya 4:3 - The Keyagana NT and 25 OT books

³ Ani kava huta aise mafaʼnegana huta maiʼnetaeʼmo ma mopafi keʼaepa gemo afeʼalumelagamo kalavusifiʼmo maiʼnonaʼmonanafa

Galesiya 4:3 ပူးပေါင်းရင်းမြစ်များ

Matiyu 11:28

Muki vayaʼmo alagaʼmo lapaege kana yaʼmo alige huta neʼmaiya vayaʼmo nagaetegamo egeʼnao maitapa haga lesaya yaʼmo lapamiguve.

Yoni 8:31

Inagi Yesuʼa Yu vayaʼmogi agaefeʼmo apakesamo afiʼa fatago nehaya Yu vayaʼaifeʼmo hunoʼaeʼmo, geʼnifiʼmo maime maime neʼvisayana lama ge vayaʼmo geʼnimo neʼafiya vayaʼmo maiʼnae.

Apa 15:10

Gotiʼa ani kavaʼmo nehiyaʼmofeʼmo na kava higetapa Gotiʼmo amalageka hugefe nehae. Mosese keʼaepa gemo akame hisaya kavaʼmo lusi kava huno kana huʼniya gemo haneʼniye. Laginago vayaʼmogiʼe lagaeʼeʼmo afaʼa akame osuʼnone. Fiku yanageta kana huʼniya gemo geʼamo neʼafiya vayaʼaifeʼmo hapa paigune.

Lomu 7:14

Ago afiʼnonana Goti Aunemeʼamo haiya agufa aipaʼe vekamo maiʼnifi huno ani kavaʼmo huno Goti keʼaepa geʼamo haneʼniye. Haneʼniyaʼmonanafa nagaemo atafa naipaʼe vekamo maiʼnove. Na kava higeʼnaene. Naipafiʼmo haneʼniya hosu kavaʼnimoʼmo kalavusi huno nateʼnigeʼna aliʼyaʼamo aliʼna maiʼnove.

Lomu 8:15

Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

2 Kolitiyani 11:20

Mago vayaʼmogimo aliʼyaʼapileʼmo kalavusi huʼa nelapatafi mago yatapimo aliʼa neʼnafi ane anagaʼaitefeʼmo aliʼa nelapatafi apaiyafiʼmo aliʼa nelapatafi huteʼa apayamo aliʼa atalelineʼa lapaugosafiʼmo lapamagige nehisayana afaʼa apaketapa neʼapatalae.

Galesiya 2:4

mago vayaʼmo aigofe konagatimogimo agufamo lagausayafeʼmo hapauʼniye. Ani vayaʼmo kesi katetiʼmo lamata huliʼa eʼa alita anupa huta maiʼnona vayapiʼmo eʼa maiʼnae. Kalaisi Yesuʼa hatu maeno lateʼnigeta agaepiʼmo afa vayaʼmo maiʼnonageʼapaeʼmo kalavusi huʼa lateteʼa keʼaepa gemo afeʼalumelagamo aliʼa latesayafeʼmo eʼa lamata huʼa maiʼnayaʼmonanafa

Galesiya 3:19

Gotiʼa mani keʼaepa geʼamoʼmo na agufa aliʼyaʼmo alisiyafeʼmo apamiʼniye. Gotiʼa keʼaepa geʼaletiʼmo kaʼmo akani maleʼnisigeʼa Yu vayaʼmogimo hosu kavaʼmo osisayafeʼmo polomasi geʼeʼmo alino magokepi lokaeno maleʼniye. Keʼaepa geʼamo haneme haneme neʼesigeno Emalehamu aginago vekamo emiʼnegaiye, huno agesamo afiʼniye. Gotiʼa ani aginago vekaeʼmo, fikumo kaha maeʼna kamiguve, huno polomasi gemo huno ha paiʼniye. Goti keʼaepa geʼamo enisole vayaʼai apavayafatiʼmo Moseseʼa folagapi vekaeʼmo ha paiʼnageno Yu vayaʼaifeʼmo hapa paiʼniye.

Galesiya 4:2

Aliʼyaʼamo neʼaliya vayaʼmogi ani mafaʼneleʼe kagemi yaʼaleʼeʼmo yagaiʼa ateme ateme neʼesagenoʼaeʼmo afoʼamoʼmo hu maleʼniya afinaʼmo afole aigiye.

Galesiya 4:24

Mani gemo kalafefa gemo haneʼniye. Lole atalaʼanifeʼmo osuʼnifa lole kotalakelafeʼmo huʼniye. Gotiʼa mago kotalakemo keʼaepa geʼamo Moseseʼmo Sainai kotega avefiʼmo amiʼniye. Hegaʼa kalavusi aliʼyaʼmo neʼaliya mafaʼnemo alino ateʼniya kava huno mani kotalakemoʼa kalavusi aliʼyaʼmo neʼaliya mafaʼnemo alino neʼapate.

Galesiya 4:25

Hegaʼa Sainai kotega avemo Alepiya kotega avemo auneʼamo maiʼniye. Sainai avemo haneʼniya kava huno hemenimo haneʼniya Yulusalemumo auneʼamo haneʼniye. Yulusalemuʼe Yulusalemu mafaʼneʼamogiʼeʼmo kalavusi aliʼyaʼmo neʼaliyaʼmonanafa

Galesiya 4:31

Inagi konagaʼnimogitapae, huʼna, lagaemo kalavusi aliʼyaʼmo neʼaliya a kanomo mafaʼneʼamo oʼmaiʼnopa afaʼa maiʼniya a kanomo mafaʼneʼamo maiʼnone.

Galesiya 4:8

Hogotetapa Gotiʼa oʼagetapa afaʼa maiʼnetapaeʼmo hosu apaune vayaʼmo aigofe gotitapimogi keʼaepa geʼapimo afeʼalumelagamo maiʼnetapa kalavusi aliʼyaʼapimo alita maiʼnayaʼmonanafa

Galesiya 4:9

hemenimo Gotiʼa ago ageʼnae, huʼna huguvaʼmonanafa Gotiʼa lapakeʼniye, huʼna hisuva gemo haneʼniye. Lapakeʼniyaʼmofeʼmo na kava higetapaeʼmo Gotiʼa ataletapa aita atagi netapa keʼaepa gemoʼmo afaʼa lapa oʼmaeno lokiya vaino olapatesiya gemo afeʼalumelagamo maisayafeʼmo lapauʼniye. Halate kalavusi aliʼyaʼmo neʼaliya vayaʼmo maisayafeʼmo nehafiye.

Kolosi 2:20

Lapakaemo ma mopafiʼmo hogoteʼa aepa faiʼnaya gelefeʼmo faliʼnisayaʼmoʼmo na kava higetapa ani ya oʼaliyo, ina neʼyaʼmo oʼneyo, ani yateʼmo ame oʼaliyo, huʼa nehaya gemo ma mopafi vayakana hutapa ma mopafi vayaʼai keʼaepa geʼapimo akame nehae.

Kolosi 2:8

Fiku yanageʼa mago vayaʼmogimo ma mopafi vayaʼmogi ageteʼa afiʼnaya agufa gemo huge afa aigofe gemo huge huʼa humi lapategayanagi ehetapiye. Mani gemo Kalaisitegatiʼmo noʼmefa apakinago vayaʼmogi nehaya agufa gemo ma mopafi kavaʼmo ani kavaʼmo huno afole aiʼniye, huʼa nehaya geeʼmo apakesamo neʼafiya yaʼapifatiʼmo neʼe.

Himulu 5:12

Yatala afinaʼmo Goti geʼamo ago afiʼnayaʼmofeʼmo aliʼa apaya neʼmalaya vayaʼmo maisaya yaʼmo haneʼniyaʼmonanafa Gotiʼa geʼamo aepa faiʼniya gemo magoʼe huʼa aliʼa lapaya malesaya kavaʼmo haneʼniye. Lapakaemo lokiya neʼyaʼmo afaʼa oʼnetapa nuʼageʼmo nesaya agufa kavaʼmo haneʼniye.

Himulu 7:16

Agaemo amega apakufalefeʼmo keʼaepa geʼaletiʼmo afole oʼaiʼnifa ofalino afaʼa maige maige huno maiʼneno maino hano osuno neʼmaiya himamuʼaletiʼmo mono huno neʼapateya vekamo afole aiʼniye.