Galesiya 4:29 - The Keyagana NT and 25 OT books

²⁹ Agufaletiʼmo alino ateʼniya mafaʼnemoʼa Aunemeʼaletiʼmo alino ateʼniya mafaʼneʼaeʼmo aini huno ateʼniya kava huʼa hemenimo apaini huʼa nelatae.

Galesiya 4:29 ပူးပေါင်းရင်းမြစ်များ

Aepa Gemae 21:9

Selaʼmo ageyana Isipi a kanomo Hega mafaʼnemoʼmo Aisakiʼmo huno ami maleteno kigi huno ateʼnigeno ageʼniye.

Yoni 15:9

Afoʼnimoʼmo nagaefeʼmo hau ayamopafiʼmo hauʼniya kava huno lapakaefeʼmo nahau nayamopafiʼmo nahauʼniye. Nahau nayamopafiʼmo nahauʼniya kavapiʼmo aeta hanitapa maiyo.

Yoni 3:5

alagi lama gemo kaha nepauve, huno, anitetiʼe Aunemeʼaletiʼeʼmo alino oʼapateʼnisiya vayaʼmo Gotiʼa yagaino neʼapateya kegiʼyafiʼmo afaʼa uʼa ohaigae.

Lomu 8:1

Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.

Lomu 8:13

Atafa lapaipamoʼmo hauʼniya kavaʼmo akame nehisayana faligayaʼmonanafa Goti Aunemeʼaletiʼmo lapakufamo hauʼniya kavaʼmo amagita falitapa ataleme ataleme neʼvisayana ofalitapa afaʼa maigae.

Galesiya 4:23

Kalavusi aliʼyaʼmo neʼaliya aʼmoʼa ma mopafi vayaʼmogita alita neʼapatona kava huno mafaʼnemo alino ateʼniyaʼmonanafa afa aʼamoʼmo Gotiʼa fikumo kaha maeʼna kamiguve, huno ha paiʼniya polomasi geletiʼmo mafaʼneʼamo alino ateʼniye.

Galesiya 5:11

Konagaʼnimogitapae, huʼna, hogoteʼna lapakufamo lagaiyo, huʼna hapa paiʼnovaʼmonanafa hemeniʼeʼmo ani agufa gegeʼmo huʼna aeʼna hakalo huʼna hapa nepauvesinana apaini huʼa noʼnataesine. Mani gemo hapa nepauvesinana Kalaisiʼa malipu yosaleʼmo faliʼniya kavafeʼmo ava geeʼmo hosu apaipamo okaliʼnaesine.