Galesiya 4:28 - The Keyagana NT and 25 OT books

²⁸ Inagi konagaʼnimogitapae, huʼna, Aisikiʼa fikumo kaha maeʼna kamiguve, huno ha paiʼniya polomasi geʼaleti mafaʼnemo maiʼniya kava huta polomasi geʼaleti mafaʼneʼamo maiʼnone.

Galesiya 4:28 ပူးပေါင်းရင်းမြစ်များ

Aepa Gemae 15:4

Ala kava neʼmoʼa Emalemifeʼmo ha painoʼaeʼmo, Haʼao, huno, ani vekamoʼmo muki yakamo afaʼa oʼaligiye. Kagaikageʼmo alika atesana mafaʼnemokeʼmo muki yakamo aligiye, huno ha paiʼniye.

Apa 3:25

Lapakaemo Gotitegati gemo alini eʼa aeʼa hakalo huʼa hapa nepaiya vayaʼai apakinago vayaʼmo maiʼnae. Gotiʼa kotalakemo lapakinago vayaʼaifekeʼmo osuʼnifa lapakaeʼefeʼmo huʼniye. Gotiʼa kotalakemo Emalehamufeʼmo hunoʼaeʼmo, Nagaemo kaginago vekaletiʼmo muki ma mopafi vayaʼmo aliʼna auleʼna apategauve, huno huʼniyaʼmofeʼmo

Lomu 9:7

Ani kava huʼa muki vayaʼamogimo Emalehamu aginago vayaʼamo Goti mafaʼneʼamo oʼmaiʼnae. Gotiʼa Emalehamufeʼmo hunoʼaeʼmo, Aisikiʼa alino apatesiya vayaʼaifekeʼmo keya aeʼna ge hisugeʼa kaginago vayaʼmo maigae, huno ha paiʼniye.

Galesiya 3:29

Lapakaemo Kalaisi vayaʼamo maiʼnisayana Emalehamu aginago vayaʼmo maiʼnae. Mafaʼneʼapimogimo afoʼapimogi muki maleʼnaya yaʼapimo neʼaliya kava hutapa Gotiʼa fikumo kaha maeʼna kamiguve, huno ha paiʼniya polomasi geletiʼmo muki yaʼamo afaʼa aligae.

Galesiya 4:23

Kalavusi aliʼyaʼmo neʼaliya aʼmoʼa ma mopafi vayaʼmogita alita neʼapatona kava huno mafaʼnemo alino ateʼniyaʼmonanafa afa aʼamoʼmo Gotiʼa fikumo kaha maeʼna kamiguve, huno ha paiʼniya polomasi geletiʼmo mafaʼneʼamo alino ateʼniye.

Galesiya 6:18

Konagaʼnimogitapae, huʼna, Ala kava netimo Yesu Kalaisiʼa fikumo lapa maeno lapamino. He, lama ge.