Galesiya 4:22 - The Keyagana NT and 25 OT books

²² Ani gemoʼa hunoʼaeʼmo, Emalehamuʼa lole mafaʼnelaʼmo alino anateʼniye. Henaga aʼamoʼmo kalavusi aliʼyaʼmo neʼaliya a kanomo agiʼamo Hegaʼa mafaʼnemo alino atetegeno hogote aʼamo afa aʼmo agiʼamo Selaʼa mafaʼnemo alino ateʼniye.

Galesiya 4:22 ပူးပေါင်းရင်းမြစ်များ

Aepa Gemae 16:15

Henagaʼamo Hegaʼa Emalemi ve mafaʼnemo alino ateʼniye. Emalemiʼa agiʼamo Isameliʼae huno ateʼniye.

Aepa Gemae 21:10

Ageʼniyaʼmofeʼmo Selaʼmo Emalehamufeʼmo ha painoʼaeʼmo, Kagaemo kalavusi aliʼyakamo neʼaliya a kanoʼe mafaʼneʼaʼeʼmo alika hana faika anatalegeʼana viʼao. Kalavusi aliʼyakamo neʼaliya aʼmo mafaʼneʼe nagae mafaʼnemo Aisakiʼeʼmo kagemi yakamo magokepati oʼaligaʼanageno Aisakikeʼmo aligiye, huno ha paiʼniye.

Galesiya 4:23

Kalavusi aliʼyaʼmo neʼaliya aʼmoʼa ma mopafi vayaʼmogita alita neʼapatona kava huno mafaʼnemo alino ateʼniyaʼmonanafa afa aʼamoʼmo Gotiʼa fikumo kaha maeʼna kamiguve, huno ha paiʼniya polomasi geletiʼmo mafaʼneʼamo alino ateʼniye.

Galesiya 4:30

Nelatayaʼmonanafa Goti mukufiʼmo avoʼmo kae maleʼniya gemoʼmo, na agufa gemo huʼniye, huno huʼniye. Mani gemoʼa hunoʼaeʼmo, kagaemo kalavusi aliʼyaʼmo neʼaliya a kanoʼe mafaʼneʼaʼeʼmo alika hana faika anatalegeʼana viʼao. Kalavusi aliʼyaʼmo neʼaliya a kanomo mafaʼnemoʼe afaʼa maiʼniya a kanomo mafaʼnemoʼeʼmo afoʼanimo yaʼmo magokepi oʼaligaʼae, huno huʼniye.

Galesiya 4:31

Inagi konagaʼnimogitapae, huʼna, lagaemo kalavusi aliʼyaʼmo neʼaliya a kanomo mafaʼneʼamo oʼmaiʼnopa afaʼa maiʼniya a kanomo mafaʼneʼamo maiʼnone.