Galesiya 4:16 - The Keyagana NT and 25 OT books

¹⁶ Lama gemo lapa nepauvaʼmofeʼmo kame vekatapigeʼmo hamaleteʼna maiʼnofiye.

Galesiya 4:16 ပူးပေါင်းရင်းမြစ်များ

1 Kini 21:20

Ha paiʼnigeno Ilaiyaʼmo Ehapitegamo uʼnigeno Ehapiʼmo Ilaiyafeʼmo ha painoʼaeʼmo, Kame vekaʼnimogae, huno, nagaefeʼmo kahauya hulikeka nageʼnapiye, huno huʼnigeno, Kagaeteʼmo hosu kavaʼmoʼa yagaino katesigeka Ala kava neʼmo aulagaleʼmo hosu kavaʼmo huka kalavusi aliʼyaʼamo alisanafeʼmo kagufamo maketi hu maleʼnanaʼmofeʼmo kagaefeʼmo kahauya huliʼneʼna kageʼnove.

Samu 141:5

Fatago vayaʼmogimo namagisayana kanalene. Nao vayaʼmogi hisaya kavaʼmo haneʼniyaʼmofeʼmae. Aliʼa api aiʼa natesaya kavaʼmoʼa alagepa uveligana huno haneʼniye. Ani kavaʼmo hisageʼnaeʼmo nakameʼyamo oʼapamiguve.

Mai'naya kavane 9:8

Himuʼnamu vekaeʼmo, hosu kavaʼmo nehane, huka osuvo. Fiku yanageno kagaefeʼmo alagi ohaugiye. Kagaemo afiteno neʼageya vekaeʼmo, hosu kavaʼmo nehane, huka ha paisanagenoʼaeʼmo kagaefeʼmo haugiye.

Yoni 7:7

Ma mopafi vayaʼmogimo lapakaefeʼmo afaʼa alagi apaini osugae. Nagaemo hosu kavaʼapieʼmo gemo aeʼna hakalo huʼna hapa nepauvaʼmofeʼmo nagaefeʼmo apaini nehae.

Yoni 8:45

Maiʼniyaʼmonanafa nagaemo lama gemo lapa nepauvaʼmofeʼmo nagaefeʼmo alagi lama gemo nehiye, hutapa lapakesamo afita fatago nosae.

Galesiya 2:14

Nagaemo ageʼnovana lama ge mono kavaʼmo alagepa faigoko gemo akame huʼa alagepa kateʼmo oʼuʼnageʼna apaketeʼnaeʼmo muki vayaʼai apaulagaleʼmo Pitafeʼmo huʼnaeʼmo, Kagaemo Yu nofi vekamo maiʼnanaʼmonanafa Yu nofi vayaʼai kavaʼmo osuka malaga nofi vayaʼai kavaʼmo nehane. Na kava higekaeʼmo malaga nofi vayaʼmogimo Yu nofi vayaʼmogi nehaya agufa kavaʼmo hisayafeʼmo alika he tika apatesanafeʼmo nehane, huʼna ge hauʼnove.

Galesiya 2:5

Lama ge alagepa faigoko gemo lapakaetegamo afaʼa hanege hanege huno hanesiyafeʼmo lagaemo huʼnaya geʼapilefeʼmo he huta osuta geʼapimo alagi oʼafiʼnone.

Galesiya 4:15

Nagaemo lapakaeʼeʼmo maiʼnogetapaeʼmo lapamogaga aiʼnae. Na agufa kavaʼmo afole aiʼnigetapaeʼmo lapamogaga noʼaiye. Lapa maesiya agufa gemo huʼnaeʼmo, apakaemo afaʼa huʼnaesinana apaulagamo aliʼa katiʼa namiʼnaesine, huʼna hapa nepauve.

Galesiya 4:17

Mago vayaʼmogi lapakae lapao vayaʼmo maisayafeʼmo lapakaetegamo apayamukiki nehayaʼmonanafa lapakesamo faisayafeʼmo nehae. Lapakaemo nataletapa lapayamukiki hutapa uta apakame hisayafeʼmo apayamukiki nehae.

Galesiya 5:7

Hogotetapa Goti kateʼmo alagepa hutapa nagu nagu hutapa uʼnae. Lapakaemo lama gemo ago akame huʼnayana ina laʼmo halate lapatafauno maiʼniye.