Galesiya 4:15 - The Keyagana NT and 25 OT books

¹⁵ Nagaemo lapakaeʼeʼmo maiʼnogetapaeʼmo lapamogaga aiʼnae. Na agufa kavaʼmo afole aiʼnigetapaeʼmo lapamogaga noʼaiye. Lapa maesiya agufa gemo huʼnaeʼmo, apakaemo afaʼa huʼnaesinana apaulagamo aliʼa katiʼa namiʼnaesine, huʼna hapa nepauve.

Galesiya 4:15 ပူးပေါင်းရင်းမြစ်များ

Luki 8:13

Mago avina yaʼmo yafa agotofuleʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo apamogaga neʼaiye. Hafuʼyamo mopafi oʼaeʼniya agufa kavaʼmo huʼa yoka apakesamo afiʼa fatago huʼnagenoʼaeʼmo apamalageka nehiya afinaʼmo ataleʼa ago asagauʼa neʼaiye.

Lomu 10:2

Nagaemo apakeʼnovana apakaemo Gotitefeʼmo apayamukiki nehayaʼmonanafa Goti geʼamo alagepa huʼa noʼafiye.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 5:2

Agaetetiʼmo lagesamo afita fatago huʼnona kavatetiʼmo eta haiteta Gotiʼa fikumo laha maeno nelamiya kavaʼafiʼmo maiʼnetaeʼmo, Goti ha le konali hetamatimo aligune, huteta lavayagunagu huta agava neʼmaune.

Lomu 9:3

Kanale kavaʼmo haneʼniyesinana apakaetefeʼmo Kalaisipiʼmo oʼmaiʼna malaga lifana vekamo maisuvafeʼmo nahauʼniyesine.

2 Kolitiyani 8:3

Hapa maesiya gemo huʼnaeʼmo, ofalinimo hisaya himamuʼapimo haneʼniya agufa kava huʼa huʼnae. He, ofalinimo hisaya himamuʼapimo magoʼe huʼa aeʼa agaseʼa huʼnae. Apakaiʼapimo huʼapaeʼmo, Lapao ke hone, huʼa, apaote vayaʼmo konaga kavaʼmo huta hapa maeta apamisuna monimo ofalini hugesune, huʼa huteʼa alisunafeʼmo ge huʼnae.

Galesiya 3:14

Gotiʼa Emalehamuʼmo alino auleno ateʼniya kava huno alu nofi vayaʼmogita alino auleno latesiyafeʼmo Kalaisiʼa hatu maeno lateʼniye. Gotiʼa polomasi gemo hunoʼaeʼmo, Nauneʼnameʼmo aliʼna lapamiguve, huno huʼnigeta Aunemeʼamo lagesamo afita fatago hisuna kavatetikeʼmo alisunafeʼmo hatu maeno lateʼniye.

Galesiya 4:14

Kana yaʼmo aliʼnogetapaeʼmo, hosu vekamo maiʼniye, hutetapa lapakameʼyamo oʼnamiʼnae. Mago enisole vekamoʼmofi Kalaisi Yesuʼmofi huno esigetapaeʼmo lusi kava hutapa alita falu fala hutapa atesaya agufa kavaʼmo hutapa alita falu fala hutapa nateʼnae.

Galesiya 4:16

Lama gemo lapa nepauvaʼmofeʼmo kame vekatapigeʼmo hamaleteʼna maiʼnofiye.

Galesiya 4:19

Nahauʼniya mafaʼneʼnimogitapae, huʼna, aʼnemogimo mafaʼnemo aliʼa atesayafeʼmo apakafu nekiya kava huʼna lapakaemo Goti mafaʼnemo hamalesayafeʼmo nagafu kiʼniyanageʼna Kalaisikana hutapa maisayafeʼmo halate magoʼe huno nagafu nekiye.

Galesiya 5:22

Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

Galesiya 6:4

Neʼateyaʼmofeʼmo mukiʼamogi apamete apamete huʼa apakaiʼapi kavaʼapimo aliʼa fako huʼa agegeyo. Mago vekamoʼmo alagepa kavaʼmo nehisiyana agaemo alu vekaeʼmo, ago aeʼna agaseʼnove, huno agesamo oʼafino agaiʼa kavafekeʼmo amogaga aigiye.

Kolosi 4:13

Agaemo lapakaetegamogi Leyotisiya taonifiʼmo maiʼnaya vayaʼaitegamogi Hilapolisi taonifiʼmo maiʼnaya vayaʼaitegamogi huno lokiya kavaʼmo huno agesa afifi huno aliʼyaʼmo neʼaligeʼnaeʼmo lapa nepauve.

1 Tesaloniyani 2:8

Lapakaefeʼmo lahauʼniyaʼmofeʼmo Gotitegati alagepa faigoko geʼageʼmo lapamisunafeʼmo osuʼnopa lagufaʼaʼeʼmo lapamisunafeʼmo huʼnone.

1 Tesaloniyani 5:13

Goti aliʼyaʼmo neʼaliyaʼmofeʼmo alagepa vayaʼmo maiʼnae, hutetapa apakaefeʼmo lapau lapayamopafiʼmo lapaino. Magoke lapaipa lapakesamo alitetapa magokepi lokaetapa maiyo.